प्रकाश 17:3 - केवट नया कारार

³ पवित्र आत्मा हमरा अगुवाई कैल्कै आर स्वर्गदूत हमरा सुनसान जगहमे ल्यागेलै, आर हमे ओत्ते एकटा जनानीके देख्लियै जे एकटा जंगली जानवरमे सवार रहै जे लाल रंगके रहै। ओकर सातटा मुडा आर दशटा सिङ रहै। ओकर शरीर परमेश्वरके अपमान करेवाला नामसिसे झाँप्ल रहै।

प्रकाश 17:3 Iomraidhean Croise

मत्ती 27:28

ऊसब येशूके कपडा खोलीके ओकरा राजाके जुगुर लाल कपडा पिन्हया देल्कै।

चुन्ल आर भेज्ल चेलासब 8:39

जब ऊसब पोखरसे निक्लीके बाहार ऐलै, तब परमेश्वरके आत्मा फिलिपके उठ्याके ल्यागेलै, आर ऊ नपुंसक ओकरा फेर नैदेखल्कै आर ऊ परमेश्वर ओकरा बच्या लेल्कै छे कहिके आनन्द मनैते आपन देश वापस चल गेलै।

२ थेसलोनिकी 2:4

ऊ परमेश्वर आर दोसर सभे चीजसिके विरोध कर्तै जकरा आदमीसब आराधना करैछै आर ईश्वर कहैछै, आर ऊ दाबी कर्तै कि ऊ सभे चीजसे बेसी महत्वपूर्ण छै। ऊ दुष्ट आदमी परमेश्वरके मन्दिरमे बैठिके सभे आदमीके समनामे अपने आपके परमेश्वर कहतै।

प्रकाश 1:10

प्रभुके दिनमे पवित्र आत्मा हमरा अगुवाई कैल्कै। हमे आपन पाछुसे कक्रहौ बोल्ते सुन्लियै जे धुतहुकके जुगुर बडका आर साफ आवाजमे बोल्ते रहै।

प्रकाश 12:14

मगर परमेश्वर यी जनानीके विशाल गरुडके दीटा डेन देल्कै ताकी ऊ उटा जगहमे उडी जै, जे सुनसान जगहमे ओकर लिए तैय्यार कैल गेलै रहे। आर ओत्ते साढे तीन सालतक ओकर देखभाल कैल गेलै ताकी विशाल अजगर ओकरलगत पहुँचे नैसकै।

प्रकाश 12:3

तकरबाद आकाशमे दोसर एकटा अदभुद चिन्ह दिखाई देल्कै: ओत्ते एकटा बहुते विशाल लाल अजगर रहै, जे शैतान रहै। ओकर सातटा मुडा रहै आर हरेक मुडामे सातटा मकुट रहै आर दशटा सिङ रहै,

प्रकाश 12:6

तब ऊ जनानी एकटा सुनसान जगहके तरफ भाग्लै, जते एक हजार दी स साठ दिनतक ओकर पालन पोषण है कहिके परमेश्वर ओकरे लिए उटा जगह तैय्यार कैल्कै रहे।

प्रकाश 17:4

यी जनानी बैगनी आर लाल रंगके कपडा पिन्हल रहै। ऊ आपन शरीरके सोनाके गहना, किमती पत्थल आर महँगा मोतीसिसे सिंगार्ल रहै। ऊ आपन दहिना हातमे दारुसे भर्ल एकटा सोनाके बाटी पकडले रहै, जे ओकर खराब कामसब आर गन्दा यौन अभ्याससिके देखाबैछै।

प्रकाश 18:12

ओकर चीजसब बहुते प्रकारके रहै। ओत्ते सोनासब, चानीसब, किमती पत्थलसब आर मोतीसब रहै। ओकरामे बहुते बढियाँ कपडासब रहै, जे महँगा सूत, चमकदार लाल आर बैगनी रंगके कपडासे बनैल गेलै रहे। ओकरासिमे गमकौव्वा लकडीसिसे बन्ल चीजसब, हाथीके दाँतसे बन्ल चीजसब रहै आर दोसर चीजसब रहै जे महँगा लकडी या पित्तल, लूहा या संगमरमरसे बन्ल रहै,

प्रकाश 18:16

“हे महान बेबिलोन सहर! यी सहरके सभे आदमीसिपर आबेवाला बिपत्तिसब बहुते ही भयानक छै! ऊ बढियाँ सूत्तीके कपडासब, बैगनी आर लाल रंगके कपडासब लगाबै आर सोनासब, किमती पत्थलसब आर मोतीसिसे सिंगार्ल रहै।

प्रकाश 21:10

तब पवित्र आत्माके शक्तिके द्वारा हमरा स्वर्गदूतके अगुवाईमे एकटा बहुते बडका पहाडमे लजैल गेलै, आर स्वर्गदूत हमरा स्वर्गसे परमेश्वरके तरफसे निच्चा महर ऐते पवित्र सहर यरूशलेम देखैल्कै।

प्रकाश 4:2

तखनिहैं पवित्र आत्मा हमरा अगुवाई कैल्कै। हमे स्वर्गमे एकटा सिंहासन आर उटा सिंहासनपर कक्रहौ बैठ्ल देख्लियै।