प्रकाश 16:1 - केवट नया कारार

¹ एकरबाद हमे परमेश्वरके मन्दिरसे एकटा तेज आवाजके सातटा स्वर्गदूतसिसे यी कहते सुन्लियै, “जो संसारके आदमीसिपर परमेश्वरके तरफसे सजायके उझली दहैं जे सातटा बाटीमे छै।”

प्रकाश 16:1 Iomraidhean Croise

प्रकाश 11:19

तब परमेश्वरके मन्दिर जे स्वर्गमे छै से खोल्ल गेलै, आर ऊ मन्दिरमे करारके सन्दुक दिखाई देल्कै। बिजली चमके लाग्लै, मेघ-गर्जनके जुगुर गडगडाहटके आवाज निक्ले लाग्लै। भूकम्प भेलै आर आकाशसे बरफके पत्थलसिके साथ भारी बर्षा भेलै।

प्रकाश 14:15

तखनिहैं आरहौ एकटा स्वर्गदूत जे कि चौथा स्वर्गदूत छै, परमेश्वरके सन्देश ल्याके परमेश्वरके मन्दिरसे बाहार ऐलै। ऊ बादलमे बैठ्ल आदमीके जोरसे कहैल्कै, “धर्तीके फसल पाकी गेलै छे। फसलके कटनी करैके समय आबी गेलै छे। इहे ल्याके आपन कचिया चलाब आर फसलके कटनी कर।”

प्रकाश 14:18

तखनिहैं आरहौ एकटा स्वर्गदूत जे कि छठमा स्वर्गदूत छै जे धुप वेदीपर आगिनसे धुप जराबैके जिम्मेदारी पुरा करैछै, ऊ ओत्तेसे बाहार निकल्लै। ऊ जोरसे उटा स्वर्गदूतके जकर हातमे धराहा कचिया छै ओकरा कहैल्कै, “धर्तीपर अंगुरसिके गुच्छा पाकी गेलै छे। ओकरासिके आपन धराहा कचियासे कटनी करि ले।”

प्रकाश 15:1

एकरबाद हमे आकाशमे एकटा आरहौ अदभुद चिन्ह देख्लियै जे बहुते भयानक रहै। ओत्ते सातटा स्वर्गदूतसब रहै जेसब सातटा अलग-अलग किसिमके बिपत्ति लेल रहै। यी बिपत्तिसब अन्तिम छै कहिनेकी जब यी बिपत्तिसब समाप्त भ्याजैछै तब परमेश्वरके क्रोध समाप्त भ्याजैतै।

प्रकाश 16:17

सतमा स्वर्गदूत आपन बाटीके चीजके हावामे उझली देल्कै। आर हमे ओत्ते परमेश्वरके मन्दिरके भितर परमेश्वरके सिंहासनसे कक्रहौ बोल्ते सुन्लियै, “हमे सभे कुछु पुरा करि देलियै।”