प्रकाश 15:6 - केवट नया कारार

^6-7 आर फेर सातटा स्वर्गदूत जकरा अन्तिम सातटा विपत्तिसिके ल्याके धर्तीमे जाना रहै, ऊ परमेश्वरके मन्दिरसे बाहार निकल्लै। ऊसब चमकदार उजरा कपडा पिन्हल रहै आर ओकरसिके छातीके चारो बगल सोनाके पट्टी भी रहै। फेर चारटा जिन्दा प्राणीमेसे एकझन हरेक स्वर्गदूतके परमेश्वरके तरफसे जे सभे दिन जिन्दा छै, भयानक सजायसे भर्ल एक-एकटा सोनाके बाटी देल्कै।

प्रकाश 15:6 Iomraidhean Croise

लूका 24:4

एरंको देखिके ऊसब दुविधामे पडी गेलै जे यी कि भ्यागेलै? तखनिहैं ऊसब देखल्कै कि चमकौव्वा कपडा पिन्हल दीटा आदमी ओकरसिके बगलमे प्रकट भेलै।

प्रकाश 1:13

आर उटा सातटा लबनासिके बिच्चेमे कोय खडा रहै जे एकटा आदमीके बेटाके जुगुर दिखाई देते रहै, ऊ लम्बा कपडा पिन्हल रहै जे ओकर पैरी तक पहुँचते रहै। ऊ आपन छातीके चारो महर एकटा सोनाके पट्टी बान्हले रहै।

प्रकाश 14:15

तखनिहैं आरहौ एकटा स्वर्गदूत जे कि चौथा स्वर्गदूत छै, परमेश्वरके सन्देश ल्याके परमेश्वरके मन्दिरसे बाहार ऐलै। ऊ बादलमे बैठ्ल आदमीके जोरसे कहैल्कै, “धर्तीके फसल पाकी गेलै छे। फसलके कटनी करैके समय आबी गेलै छे। इहे ल्याके आपन कचिया चलाब आर फसलके कटनी कर।”

प्रकाश 14:17

एकरबाद हमे स्वर्गमे परमेश्वरके मन्दिरसे बाहार ऐल एकटा दोसर स्वर्गदूतके देख्लियै। ओकर हातमे भी एकटा धराहा कचिया रहै।

प्रकाश 15:1

एकरबाद हमे आकाशमे एकटा आरहौ अदभुद चिन्ह देख्लियै जे बहुते भयानक रहै। ओत्ते सातटा स्वर्गदूतसब रहै जेसब सातटा अलग-अलग किसिमके बिपत्ति लेल रहै। यी बिपत्तिसब अन्तिम छै कहिनेकी जब यी बिपत्तिसब समाप्त भ्याजैछै तब परमेश्वरके क्रोध समाप्त भ्याजैतै।

प्रकाश 19:8

परमेश्वर ओकरा साफ, चमकदार मलमलसे बन्ल कपडा पिन्हैले देल्कै छे। मलमलके कपडा उटा भला कामसिके देखाबैछै जे परमेश्वरके आदमीसब करैछै।”