प्रकाश 15:5 - केवट नया कारार

⁵ जब यी आदमीसब गीत गाबैले समाप्त करिदेल्कै, तब हमे देख्लियै कि स्वर्गमे परमेश्वरके मन्दिर खुल्ला रहै जे कि परमेश्वरके पालके जुगुर छै।

प्रकाश 15:5 Iomraidhean Croise

मत्ती 27:51

तब उटा मोटका पर्दा जे परमेश्वरके मन्दिरमे लट्कैल रहै, जे सभैके परमेश्वरके उपस्थितिमे प्रवेश करैसे रोकते रहै, उप्परसे निच्चातक दी टुकरा भ्याके चिर्ल गेलै, आर जमिन हिले लाग्लै आर चट्टानसब फुट्लै।

हिब्रू 8:5

पुजारीके रुपमे ऊसब जे काम करैछै ऊ खाली ओकर एकटा नकल आर एकटा छाया छै जे स्वर्गमे छै, मगर यी ओरंको नैछै जेरं स्वर्गमे छै। कहिनेकी जब मूसा परमेश्वरके पाल बनाबैके लिए तैय्यार हैते रहै, तब परमेश्वर ओकरा यी चेतावनी देल्कै, “देख, जे नमुना तोरा पहाडपर देखैल गेलौ रहे, ओकर मुताबिक सभे कुछु बनैहैं।”

प्रकाश 11:19

तब परमेश्वरके मन्दिर जे स्वर्गमे छै से खोल्ल गेलै, आर ऊ मन्दिरमे करारके सन्दुक दिखाई देल्कै। बिजली चमके लाग्लै, मेघ-गर्जनके जुगुर गडगडाहटके आवाज निक्ले लाग्लै। भूकम्प भेलै आर आकाशसे बरफके पत्थलसिके साथ भारी बर्षा भेलै।

प्रकाश 13:6

आर ऊ जंगली जानवर परमेश्वरके अपमान करैले शुरु कैल्कै। ऊ परमेश्वरके नामके विरुद्ध आर उटा जगहके विरुद्धमे बोल्लै जते परमेश्वर रहैछै आर ऊ आदमीसिके विरुद्ध जे स्वर्गमे रहैछै।