प्रकाश 15:4 - केवट नया कारार

⁴ हे प्रभु, सभे आदमीसिके द्वारा तोर आदर कैल जैछौं आर ऊसब सभेको तोर नामके सम्मान करैछौं कहिनेकी खाली तुहें ही पवित्र परमेश्वर छह। हरेक राज्यके जात-जातके आदमीसब तोरलगत आबैछौं आर ऊसब तोर ही आराधना करैछौं, कहिनेकी तोर सही काम सभैके बढियाँसे मालुम छै।”

प्रकाश 15:4 Iomraidhean Croise

रोमी 15:9

आर गैर-यहूदीसब भी परमेश्वरके दयाके कारण परमेश्वरके स्तुति कर। यी ठीक ओहिने ही छै जेरं धरमशास्त्रमे लिख्ल छै, “सेल्याके गैर-यहूदी आदमीसिके बिच्चेमे हमे तोर प्रशंसा कर्भौं, आर तोर नामके भजन गैभौं।”

१ पत्रुस 1:16

कहिनेकी धरमशास्त्रमे एरं लिख्ल छै, “तोरासिके पवित्र होना चाही कहिनेकी हमे पवित्र छियै।”

प्रकाश 11:15

जब सतमा स्वर्गदूत आपन धुतहुक फुकल्कै तब हमे स्वर्गमे बडका आवाजसिके जोर-जोरसे पुकारा कर्ते सुन्लियै, “आपनसिके परमेश्वर आर ओकर चुन्ल ख्रीष्टके पुरा संसारपर शासन करैके अधिकार छै आर परमेश्वर सभे दिनके लिए राज्य कर्तै।”

प्रकाश 14:7

ऊ बडका आवाजमे कहैल्कै, “परमेश्वरसे डर आर ओकरा सम्मान दहैं। कहिनेकी आदमीसिके फैसला करैके एखन ओकर समय छै। ओकरा झुकिके आराधना कर कहिनेकी उहे छै जे स्वर्ग, धर्ती, समुन्दर आर पानीके झरनासिके सृष्टि कैल्कै छे।”

प्रकाश 16:5

तब हमे ऊ स्वर्गदूतके जकरा सभे पानीके उप्परमे अधिकार छै, परमेश्वरसे एरं कहते सुन्लियै, “हे पवित्र परमेश्वर, तुहें उहे परमेश्वर छह जे समयके शुरुआतसे ल्याके एखनतक आर सभे दिनके लिए नैबदलैछै। यी सजाय जे तुहें संसारपर भेजैछह सही छै।

प्रकाश 16:7

हमे फेर कक्रहौ परमेश्वरके वेदीसे बोल्ते सुन्लियै, “हँ, हे सर्वशक्तिमान प्रभु परमेश्वर, जेरंके तुहें आदमीसिके सजाय दैछह उटा सही आर धर्मी छै।”

प्रकाश 19:2

परमेश्वरके प्रशंसा कर कहिनेकी ओकर इन्साफ सही आर सच्चा छै। ऊ नामी वेश्याके न्याय कैल्कै कहिनेकी ऊ संसारके आदमीसिके पाप करैके लिए प्रभावित कैल्कै। परमेश्वर ओकरसे बदला लेल्कै छे कहिनेकी ओकर दाससब ओकरद्वारा हत्या कैल गेलै रहे।”

प्रकाश 19:8

परमेश्वर ओकरा साफ, चमकदार मलमलसे बन्ल कपडा पिन्हैले देल्कै छे। मलमलके कपडा उटा भला कामसिके देखाबैछै जे परमेश्वरके आदमीसब करैछै।”

प्रकाश 3:7

आर फिलाडेल्फिया सहरके मण्डलीके स्वर्गदूतके यी सन्देश लिख: हमे उहे छियै जे पवित्र आर सच छै, जकर लगत दाऊद राजाके राज्यपर अधिकार छै। यदि हमे दरवाजा खोलैछियै ते कोय भी ओकरा बन्द नैकरे सकैछै। आर यदि हमे ओकरा बन्द करिदियै ते, कोय भी ओकरा नैखोले सकैछै। हमे तोरासे यी कहैछियौ।

प्रकाश 4:8

आर उटा चारोटा जिन्दा प्राणीके छ-छटा डेन रहै, आर ओकरासिपर सभे जगहमे आँख रहै एत्तेतक कि डेनके निच्चा भी रहै। आर दिन-रात ऊसब नैरुकिके एरं कहते रहै, “पवित्र, पवित्र, पवित्र प्रभु परमेश्वर जे सर्वशक्तिमान छै। ऊ उहे परमेश्वर छै जे समयके शुरुआतसे ल्याके एखनतक आर सभे दिनके लिए नैबदलैछै।”

प्रकाश 6:10

तब ऊसब जोर-जोरसे परमेश्वरसे कहैल्कै, “हे पवित्र आर सच्चा प्रभु, तुहें धर्तीमे रहेवाला ऊ दुष्ट आदमीसिके सजाय दियैमे एतनें लम्बा इन्तजार कहिने करैछ? हमेसब बिन्ती करैछिहौं कि तुहें ऊ आदमीसिके व्यवहारके बदला ल्या जेसब हमरसिके हत्या कैल्कै छे।”