प्रकाश 15:3 - केवट नया कारार

³ ऊसब एकटा एरं गीत गैते रहै, जेरं परमेश्वरके दास मूसा बहुते पहेला गैल्कै रहे। ऊसब येशूके महिमा करैके लिए, जे कि एकटा बलि-भेंडाके जुगुर छै, एरंके गीत गैल्कै, “हे सर्वशक्तिमान प्रभु परमेश्वर, जे कुछु तुहें कैलह छे, उटा महान आर अदभुद छै। तुहें सभे देशके राजा छह। तुहें जे भी करैछ उटा सही आर धर्मी छै।

प्रकाश 15:3 Iomraidhean Croise

यूहन्ना 1:17

कहिनेकी विधि-विधान मूसाके द्वारा ऐलै, मगर परमेश्वर येशू ख्रीष्टके द्वारा अनुग्रह आर सच्चाई देखैल्कै।

१ तिमोथी 1:17

ऊ राजा जे सभे दिनके लिए राज्य करैछै, जे सभे दिनके लिए जिन्दा छै, जकरा कोय नैदेखे सकैछै आर उहे खाली एक्केटा आर सच्चा परमेश्वरके आदर आर महिमा सभे दिन मिल्ते रहै। आमेन।

हिब्रू 3:5

मूसा ते परमेश्वरके सभे आदमीसिके लिए विश्वासयोग्यताके साथ उटा सभे कुछु कैल्कै जे परमेश्वर ओकरा करैके लिए देल्कै रहे, जे कुछु मूसा कैल्कै ऊ यी बातके इशारा कर्ते रहै जे बात परमेश्वर भविष्यमे कहेवाला रहै।

प्रकाश 1:8

प्रभु परमेश्वर कहैछै, “हम्हीं छियै जे सभे चीजसिके शुरुआत कैलियै आर हम्हीं छियै जे सभे चीजसिके समाप्त कर्बै। हमे उहे परमेश्वर छियै जे समयके शुरुआतसे ल्याके एखनतक आर सभे दिनके लिए नैबदलैछियै। हमे सर्वशक्तिमान छियै।”

प्रकाश 11:17

“हे सर्वशक्तिमान प्रभु परमेश्वर, तुहें उहे परमेश्वर छह जे समयके शुरुआतसे ल्याके एखनतक आर सभे दिनके लिए नैबदलै छह। हमेसब सचमे तोरा धन्यवाद चढाबैछियै, कहिनेकी तुहें आब आपन महान सामर्थ्य देखैलह छे आर तुहें आब यी धर्तीपर आपन राज्य शुरु करि देलह छे।

प्रकाश 14:3

एक लाख चौवालिस हजार आदमीसब सिंहासनके, चारटा जिन्दा प्राणीसिके आर धरमगुरुसिके समनामे खडा रहै। ऊसब एकटा नया गीत गैते रहै, जकरा खाली उहेसब ही सिखे सक्ते रहै। खाली उहेसब ही छै जकरासिके परमेश्वर धर्तीपर रहेवाला आदमीसिके बिच्चेसे उद्धार कैल्कै रहे।

प्रकाश 14:8

ओत्ते आरहौ एकटा स्वर्गदूत रहै, जे पहेलावाला स्वर्गदूतके पाछु-पाछु एरं कहते ऐलै, “बेबिलोनके उटा नामी सहर आब हारी गेलै छे। बेबिलोन सहरके दुष्ट अनैतिक कामसिके कारण धर्तीके जात-जातके आदमीसब एक्के प्रकारके पापसब कैल्कै छे। यी एरं छै कि ऊ ओकरासिके अंगुरके मद्द पियैले देल्कै आर एकर कारणसे परमेश्वर ओकरासिके सजाय देतै।”

प्रकाश 17:14

ऊसब बलि-भेंडाके विरुद्धमे लडै कर्तै मगर बलि-भेंडा ओकरासिके परास्त करि देतै कहिनेकी ऊ प्रभुसिके प्रभु आर राजासिके राजा छै। ऊ ओकरासिके आपन बोलैल, चुन्ल आर विश्वासयोग्य अनुयायीसिके संगे परास्त करि देतै।”

प्रकाश 19:16

ओकर कपडा आर दहिना जाँघमे “राजासिके राजा आर प्रभुसिके प्रभु” कहिके नाम लिख्ल रहै।

प्रकाश 19:2

परमेश्वरके प्रशंसा कर कहिनेकी ओकर इन्साफ सही आर सच्चा छै। ऊ नामी वेश्याके न्याय कैल्कै कहिनेकी ऊ संसारके आदमीसिके पाप करैके लिए प्रभावित कैल्कै। परमेश्वर ओकरसे बदला लेल्कै छे कहिनेकी ओकर दाससब ओकरद्वारा हत्या कैल गेलै रहे।”

प्रकाश 4:8

आर उटा चारोटा जिन्दा प्राणीके छ-छटा डेन रहै, आर ओकरासिपर सभे जगहमे आँख रहै एत्तेतक कि डेनके निच्चा भी रहै। आर दिन-रात ऊसब नैरुकिके एरं कहते रहै, “पवित्र, पवित्र, पवित्र प्रभु परमेश्वर जे सर्वशक्तिमान छै। ऊ उहे परमेश्वर छै जे समयके शुरुआतसे ल्याके एखनतक आर सभे दिनके लिए नैबदलैछै।”