प्रकाश 15:1 - केवट नया कारार

¹ एकरबाद हमे आकाशमे एकटा आरहौ अदभुद चिन्ह देख्लियै जे बहुते भयानक रहै। ओत्ते सातटा स्वर्गदूतसब रहै जेसब सातटा अलग-अलग किसिमके बिपत्ति लेल रहै। यी बिपत्तिसब अन्तिम छै कहिनेकी जब यी बिपत्तिसब समाप्त भ्याजैछै तब परमेश्वरके क्रोध समाप्त भ्याजैतै।

प्रकाश 15:1 Iomraidhean Croise

प्रकाश 10:3

ऊ स्वर्गदूत जोरसे पुकारा कैल्कै आर ओकर आवाज शेरके गर्जनके जुगुर रहै। जब ऊ चिकर्लै ते, सातटा तेज आवाजसब ओकरा जबाब देल्कै, जे मेघ-गर्जनके आवाजके गडगडाहट जुगुर रहै।

प्रकाश 11:14

दोसर बिपत्ति खतम भेलै, आब तेसर बिपत्ति जल्दी आबेवाला छै।

प्रकाश 14:10

परमेश्वर ऊ आदमीसिके बहुते तित्त अंगुरके मद्द पियैले लगैतै, जकरामे कोनो भी मिलावट नैहैछै। एकर मतलब यी छै कि परमेश्वर कोनो दया बिना ओकरासिपर आपन गोस्सा प्रकट कर्तै। ऊ आदमीसिके आगिन आर कोयलामे सतैल जैछै। आर जब परमेश्वर ओकरासिके सजाय दैछै पवित्र स्वर्गदूतसब बलि-भेंडाके संगे देख्तै।

प्रकाश 14:19

तब ऊ स्वर्गदूत अंगुरसिके काटी देल्कै जे धर्तीपर रहै आर ओकरा एक जगहमे जमा कैल्कै ताकी ओकरा गार्ल ज्या सकै। एकर मतलब यी छै कि परमेश्वर भयानक सजाय देतै। अंगुरके सहरसे बाहारमे गार्ल गेलै। ओत्ते जते अंगुरसिके गार्ल गेलै रहे, ओत्तेसे जे खून निकल्लै आर ऊ एकटा एतनें गहरा धाराके रुपमे बहलै कि घोडासिके लगामतक पहुँची गेलै आर तीन स किलोमिटर तक फैली गेलै।

प्रकाश 16:1

एकरबाद हमे परमेश्वरके मन्दिरसे एकटा तेज आवाजके सातटा स्वर्गदूतसिसे यी कहते सुन्लियै, “जो संसारके आदमीसिपर परमेश्वरके तरफसे सजायके उझली दहैं जे सातटा बाटीमे छै।”

प्रकाश 17:1

उटा सातटा बाटी लिएवाला सातटा स्वर्गदूतसिमेसे एकझन हमरलगत आबिके कहैल्कै, “एत्ते या, हमे तोरा देखैबौ कि परमेश्वर केरंके उटा महा-वेश्याके सजाय देतै, जे एरंको जगहमे बैठैछै, जते बहुते लद्दीसब छै।

प्रकाश 19:15

ओकर मुखसे एकटा धरहा तलवार निकल्लै जकरासे ऊ जात-जातके आदमीसिके पराजय करि देतै। जे कोय भी ओकर अधिकारके स्वीकार नैकरैछै, ऊ ओकरा पुरा तरहसे सजाय देतै। ऊ सर्वशक्तिमान परमेश्वरके भयानक प्रकोपके ओहिने ही छोडी देतै, जेरंके एकटा अंगुरके रसकुण्डसे अंगुरके मद्द बहैछै।

प्रकाश 21:9

तब फेर ऊ सातटा स्वर्गदूतसिमेसे एकझन जेसब आदमीसिपर सातटा अन्तिम बिपत्तिसिसे भर्ल सातटा बाटी उझल्लकै रहे, हमरासे बात कैल्कै, ऊ कहैल्कै, “या, हमे तोरा कनियाँ देखैबौ जकर जल्दी ही बलि-भेंडाके संगे बिहा भ्याजैतै।”

प्रकाश 8:13

जब हमे फेर देख्लियै, हमे एकटा गरुडके आकाशमे उप्पर उड्ते देख्लियै आर बडका आवाजमे जोरसे एरं कहते सुन्लियै, “जब अन्तिम तीनटा स्वर्गदूत उटा धुतहुकके फुकैछै जे ओकरासिके देल गेलै छे, तब संसारके सभे आदमीसिपर आबेवाला बिपत्तिसब बहुते ही भयानक छै।”

प्रकाश 8:2

आर हमे परमेश्वरके समनामे खडा रहेवाला सातटा स्वर्गदूतसिके देख्लियै। ओकरासिके सातटा धुतहुक देल गेलै।

प्रकाश 8:6

उटा सातटा धुतहुक हुएवाला सातोटा स्वर्गदूत धुतहुक फुकैले तैय्यारी भेलै।

प्रकाश 9:20

आर बच्ल आदमीसब, जेसब उटा हानीकारक घोडासिके द्वारा जान नै मार्ल गेलै, ऊसब आपन सोना, चानी, पित्तल, पत्थल, आर लकडीके मूर्तिसिके पूजा करैले नैछोडल्कै, जे ऊसब बनैल्कै रहे। यी मूर्तिसब देखे नैसकैछै, सुने नैसकैछै, आर लरे भी नैसकैछै। ऊसब भूत-प्रेतसिके भी पूजा करैले नैछोडल्कै।