प्रकाश 14:3 - केवट नया कारार

³ एक लाख चौवालिस हजार आदमीसब सिंहासनके, चारटा जिन्दा प्राणीसिके आर धरमगुरुसिके समनामे खडा रहै। ऊसब एकटा नया गीत गैते रहै, जकरा खाली उहेसब ही सिखे सक्ते रहै। खाली उहेसब ही छै जकरासिके परमेश्वर धर्तीपर रहेवाला आदमीसिके बिच्चेसे उद्धार कैल्कै रहे।

प्रकाश 14:3 Iomraidhean Croise

१ कोरन्थी 1:18

कहिनेकी सजाय पाबैके लिए परमेश्वरसे अलग भेल आदमीसब ख्रीष्ट क्रूसमे मर्ल शिक्षाके महत्वहीन समझतै, मगर अपनासब जेसब बचैल छियै, अपनासिके मालुम छै कि यी परमेश्वरके शक्तिके सबूत छै।

१ कोरन्थी 2:14

यदि कोनो आदमी परमेश्वरमे विश्वास नैकरैछै ते, ऊ पवित्र आत्माके शिक्षासिके स्वीकार नैकरे सकैछै। कहिनेकी ओकर नजरमे उटा शिक्षासब मूर्ख शिक्षासब छै। ऊ आदमी उटा शिक्षासब नैबुझे सकैछै कहिनेकी परमेश्वरके बातसब खाली ऊ बुझे सकैछै जकरामे पवित्र आत्मा छै।

प्रकाश 14:1

एकरबाद हमे आरहौ कुछु देख्लियै, हमे यरूशलेम सहरके पहाडके उप्परमे बलि-भेंडाके खडा भेल देख्लियै। ओकर संगमे ओकर एक लाख चौवालिस हजार आदमीसब रहै, ओकरसिके कपारमे बलि-भेंडाके नाम आर ओकर पिताके नाम लिख्ल रहै।

प्रकाश 15:3

ऊसब एकटा एरं गीत गैते रहै, जेरं परमेश्वरके दास मूसा बहुते पहेला गैल्कै रहे। ऊसब येशूके महिमा करैके लिए, जे कि एकटा बलि-भेंडाके जुगुर छै, एरंके गीत गैल्कै, “हे सर्वशक्तिमान प्रभु परमेश्वर, जे कुछु तुहें कैलह छे, उटा महान आर अदभुद छै। तुहें सभे देशके राजा छह। तुहें जे भी करैछ उटा सही आर धर्मी छै।

प्रकाश 2:17

जे कोय यी बातके सुने सकैछै जे हमे कहैछियै, ऊ यी बातके बुझैके कोशिश करक कि पवित्र आत्मा मण्डलीके कि कहैछै। जे आदमीसब जित हासिल करैछै, हमे ओकरासिके उटा मन्नामे से कुछु भाग देबै जे नुकैल छै। हमे ओकरासिमेसे हरेकके एकटा उजरा पत्थल भी देबै, जकरापर एकटा नया नाम लिख्ल हैतै। जे आदमी ओकरा प्राप्त कर्तै, ओकर छोडिके कोय भी उटा नामके जाने नैसक्तै।

प्रकाश 5:9

ऊसब यी नया गीत बलि-भेंडा यानिकी येशू ख्रीष्टके विषयमे गाबैछै, “तोरलगत यी किताबके खोलैके लिए मोहरसिके लियैके आर तोडैके अधिकार छै, कहिनेकी तोर जान मारि देल गेल्हौं रहे आर आपन मौतके खूनसे तुहें हरेक कुलसब, हरेक भाषासब, आदमी आर हरेक जात-जातके आदमीसे, परमेश्वरके लिए आदमीसिके मोल चुक्याके किनि लेलह छे।

प्रकाश 7:4

जब स्वर्गदूतसब निशान लगाबैके काम पुरा करि लेल्कै ते, कोय हमरा बतैल्कै कि ऊ आदमीसब जकर मथामे स्वर्गदूतसब परमेश्वरके मोहरसे निशान लगैल्कै छे, ओकरसिके संख्या एक लाख चौवालिस हजार रहै। यी आदमीसब इस्राएलके सभे बारहटा कुलसिमेसे रहै।