प्रकाश 13:6 - केवट नया कारार

⁶ आर ऊ जंगली जानवर परमेश्वरके अपमान करैले शुरु कैल्कै। ऊ परमेश्वरके नामके विरुद्ध आर उटा जगहके विरुद्धमे बोल्लै जते परमेश्वर रहैछै आर ऊ आदमीसिके विरुद्ध जे स्वर्गमे रहैछै।

प्रकाश 13:6 Iomraidhean Croise

मत्ती 12:34

तुहेंसब जहरिला साँपके बच्चासिके जुगुर छैं! तुहेंसब आपनहैं दुष्ट छैं ते अच्छा बात केरंके बोले सकैछैं? जे बातसे हृदय भर्ल छै, उहे बात आदमी बोलैछै।

मत्ती 15:19

कहिनेकी हृदयसे ही खराब विचार, हत्या, परस्त्रीगमन, व्यबिचार, चोरी, झुट्ठा गवाही आर निन्दा बाहार निक्लैछै।

यूहन्ना 1:14

आर ऊ जकरा वचन कहेल जैछै एकटा आदमी बन्लै। ऊ अनुग्रह आर सच्चाईसे परिपूर्ण भ्याके आपनसिके बिच्चेमे रहलै, आर हमे ओकर महिमा देख्लियै। ओकर महिमा एरं रहै जेरं परमेश्वर पितासे ऐल एक्लौता बेटाके महिमा रहै।

रोमी 3:13

उघार्ल सारासे आबेवाला दुर्गन्धके जुगुर ओकरसिके बातचित गन्दा छै, ओकरसिके जिभा झुठसे भर्ल छै। ओकरसिके बात साँपके जहरके जुगुर छै जे हानी करैछै आर मौतके कारण बनैछै।

कलस्सी 1:19

कहिनेकी परमेश्वर पिताके खुशी एक्रहैमे छै परमेश्वर आपन परिपूर्णतामे ख्रीष्टमे बास करैछै।

कलस्सी 2:9

कहिनेकी जब ख्रीष्ट आदमी बन्लै तखन भी ऊ पुरा तरहसे परमेश्वर रहै।

हिब्रू 9:2

यी परमेश्वरके पाल जानवरसिके चमडासे बन्ल रहै। उटा पालके बिच्चेमे, ऊसब एकटा पर्दा लटक्या देल्कै आर दीटा कोठा बन्या देल्कै। पहेला कोठामे धुपदानी रहै जकर सातटा शाखा रहै। ओत्ते एकटा टेबुल रहै जकरापर परमेश्वरके चढैल ज्यावाला रोटी राख्ल जैते रहै। यी कोठाके पवित्रस्थान कहेल जैते रहै।

हिब्रू 9:24

धर्तीमे भेल महापवित्र-स्थान स्वर्गमे भेल वास्तविक महा-पवित्र स्थानके खाली एकटा छाया छै। ख्रीष्ट आदमीसिके द्वारा बनैल गेल परमेश्वरके पालमे नैगेलै। मगर आब आपनसिके तरफसे, स्वर्ग गेलके बाद ऊ परमेश्वरके समनामे खडा भेलै।

प्रकाश 11:12

एकरबाद ऊ दोनो गवाह स्वर्गसे एकटा आवाजके बोल्ते सुनल्कै, जे ओकरासिके जोरसे बोलैल्कै आर कहैल्कै, “एत्ते उप्पर या।” जब ओकरसिके दुश्मन देख्ते रहै तब ऊसब एकटा बादलसे लपेटते हुए उप्पर स्वर्गमे गेलै।

प्रकाश 12:12

तुहें जेसब स्वर्गमे रहैछैं, तोरासिके बहुते खुश होना चाही। मगर तुहें जेसब धर्ती आर समुन्दरमे रहैछैं, तुहेंसब बहुते भयानक रितीसे पीडित हैभैं। कहिनेकी शैतान तोरसिकेलगत निच्चा ऐलौ छे आर ओकर मन बहुते गोसैल छै, कहिनेकी ऊ जानैछै कि ओकरलगत काम करैके लिए बहुते समय नैछै।”

प्रकाश 15:5

जब यी आदमीसब गीत गाबैले समाप्त करिदेल्कै, तब हमे देख्लियै कि स्वर्गमे परमेश्वरके मन्दिर खुल्ला रहै जे कि परमेश्वरके पालके जुगुर छै।

प्रकाश 18:20

तुहें जेसब स्वर्गमे रहैछैं यी बारेमे बहुते आनन्दित हु जे एकरसंगे भेलै छे। सन्तसब, चुन्ल आर भेज्ल चेलासब आर परमेश्वरके वक्तासब सभेको यी बातके लिए आनन्द कर जे ओकरा भेलै छे, कहिनेकी परमेश्वर उटा सहरपर इन्साफ भेजल्कै छे, उटा खराबीके कारण जे ऊ तोरसंगे कैल्कौ छे।”

प्रकाश 21:3

फेर हमे एकटा आवाज सुन्लियै जे परमेश्वरके सिंहासनसे जोरसे बोल्लै, “देख, परमेश्वरके निवास आब आदमीसिके बीचमे छै, परमेश्वर ओकरसिके संगे रहतै। ऊसब परमेश्वरके आदमीसब हैतै। ऊ खुद ओकरासिके आपन आदमीसिके रुपमे स्वीकार कर्तै आर ऊ ओकरसिके संगे रहतै आर ऊसब भी ओकरा आपन परमेश्वरके रुपमे स्वीकार कर्तै।

प्रकाश 4:1

यी सभे बात देख्लके बाद, हमे स्वर्गमे एकटा खुल्ल केबाड देख्लियै आर कोय हमरासे बात कर्ते रहै आर बोलेवाला उहे रहै, जकर आवाज हमे पहेला भी सुन्लियै रहे, जकर आवाज धुतहुकके फुकैके आवाज जुगुर रहै। आर ऊ हमरा कहैल्कै: “हमरलगत एत्ते उप्पर या, आर आब एकरबाद जे बातसब हुए पड्तै से हमे तोरा देखैबौ।”

प्रकाश 4:4

उटा सिंहासनके चारो बगल चौबीसटा दोसर सिंहासनसब रहै आर मथामे सोनाके मकुटसब आर उजरा कपडासब लगैल चौबीसटा धरमगुरुसब उटा सिंहासनमे बैठ्ल रहै।

प्रकाश 5:13

फेर हमे स्वर्गमे, धर्तीमे, धर्तीके निच्चा आर समुन्दर आर ओत्ते भेल सभे प्राणीके एरं कहते सुन्लियै, “या अपनासब ओकर प्रशंसा करियै जे सिंहासनमे बैठ्ल छै। या अपनासब बलि-भेंडाके महिमा करैछियै। या अपनासब सभे दिनके लिए ओकर आदर करैछियै आर ओकरा सम्मान दियै, कहिनेकी ऊ सभैसे बेसी शक्तिशाली छै।”

प्रकाश 7:15

इहे कारणसे ऊसब परमेश्वरके सिंहासनके समनामे खडा छै, आर ऊसब हर समय दिन आर रात परमेश्वरके मन्दिरमे ओकर सेवा करैछै, आर ऊ जे सिंहासनमे बैठैछै, ओकरसिके बीचमे रहतै आर ओकरसिके सुरक्षा कर्तै।

प्रकाश 7:9

एकरबाद हमे देख्लियै कि आदमीसिके एकटा एतनें बडका भीड रहै कि कोय भी ऊ सभैके नै गिने सक्ते रहै। ऊसब संसारके हरेक जातसब, हरेक कुलसब, हरेक देशके आदमीसब आर हरेक भाषासिसे रहै। ऊसब सिंहासन आर बलि-भेंडाके समनामे खडा रहै। ऊसब उजरा कपडा पिन्हल रहै आर हरेक आदमी आपन-आपन हातमे खजुरके ठ्यार पकडले रहै जे कि ओकरसिके आदरके चिन्ह रहै।