प्रकाश 13:3 - केवट नया कारार

³ ऊ जंगली जानवरके एकटा मुडामे एकटा घाके निशान रहै, जे ओकर मरैके कारण बने सक्ते रहै। मगर ओकर घा ठीक भ्यागेलै रहे। सेल्याके धर्तीके आदमीसब चकित भ्यागेलै आर ऊ जंगली जानवरके अनुसरण करे लाग्लै।

प्रकाश 13:3 Iomraidhean Croise

लूका 2:1

ऊ समयमे रोमी महाराजा अगस्तस आपन सारा साम्राज्यके जनगणना लियैले हुकुम जारी कैल्कै।

यूहन्ना 12:19

फरिसी समूहके आदमीसब आपसमे कहे लाग्लै, “देख, हमेसब कुछु नैकरे सकैछियै, देखैछैं, पुरा संसार ओकर पाछु चले लाग्लै छे।”

चुन्ल आर भेज्ल चेलासब 8:13

सिमोन खुद भी फिलिपके सन्देशपर विश्वास कैल्कै आर बप्तिस्मा ल्याके फिलिपके संगे रहे लाग्लै आर चमत्कार आर बडका-बडका शक्तिके काम हैते देखिके चकित भ्याजै।

प्रकाश 13:12

यी दोसर जंगली जानवर उटा पहेलावाला जंगली जानवरके सभे अधिकारके प्रयोग करैछै। दोसर जंगली जानवर धर्ती आर एकरामे रहेवालासिसे उटा पहेलावाला जंगली जानवरके पूजा करवाबैछै, जकरा घाके निशान रहै, जे ओकर मरैके कारण बने सक्ते रहै। मगर ओकर घा ठीक भ्यागेलै रहे।

प्रकाश 13:14

बहुते आदमीसब दोसर जंगली जानवरके झुट्ठा चमत्कारसिसे प्रभावित भ्याके धोखा खैल्कै जे उटा पहेलावाला जंगली जानवरके शक्तिसे कैल्कै रहे। दोसर जंगली जानवरके द्वारा आदमीसिके कहेल गेलै कि ऊसब पहेलावाला जंगली जानवरके पूजा करैके लिए एकटा मूर्ति बनाबै, जे हतियारसे घायल भ्यागेलै रहे, मगर फेरसे ठीक भ्यागेलै रहे।

प्रकाश 17:10

ऊसब सातटा राजासब भी छै, ओकरासिमेसे पाँचटा राजा ते पहलहै मरि गेलै छे। ओकरासिमेसे एकझन एखन राजा छै, आखरीवाला एखनतक नैऐलै छे, मगर जब ऊ ऐतै ते खाली कुछु समयके लिए शासन कर्तै।

प्रकाश 17:11

ऊ जंगली जानवर जे बहुते पहेला रहते रहै मगर एखन नैछै, ऊ अठमा राजा छै। मगर ऊ अठमा राजा पहेला सातटा राजामेसे एकटा छै। आर अन्तमे ऊ राजाके जरुर ही सभे दिनके लिए सजाय देल जैतै।

प्रकाश 17:13

ऊसब सभेको एक्केटा काम करैके लिए सहमत हैतै आर ऊसब आपन-आपन शक्ति आर अधिकार जंगली जानवरके द्या देतै।

प्रकाश 17:17

ऊ जनानी जकरा तुहें देख्लहैं रहे, ऊ यी बडका सहर छै जे धर्तीपर सभे राजासिपर शासन करैछै। यी चीजसब ओकरसंगे भेलै छे, कहिनेकी परमेश्वर आपन मकसदके पुरा करैके लिए ओकरसिके मनके निर्देशन देल्कै छे। इहे कारण छै कि ऊसब आपन अधिकार जंगली जानवरके द्या देल्कै कि ऊ शासन करै, जबतक कि उटा सभेटा पुरा नैहै जे परमेश्वर कहैल्कै रहे।”

प्रकाश 17:6

आर हमे देख्लियै कि ऊ जनानी सन्तसिके खून पिबिके मत्ल रहै, यानिकी ऊ आदमीसिके जकरा आदमीसब जान मारि देल्कै रहे, कहिनेकी ऊसब विश्वासयोग्यताके साथ येशूके अनुसरण कर्ते रहै। जब हमे ओकरा देख्लियै ते, हमे बहुते आश्चर्यचकित भेलियै।

प्रकाश 17:8

ऊ जंगली जानवर जकरा तुहें एखन देख्लहैं, एक समय जिन्दा रहै मगर आब जिन्दा नैछै। ऊ अथाहा कुण्डसे बाहार आबेवाला छै आर परमेश्वर ओकरा पुरा तरहसे नाश करि देतै। धर्तीमे रहेवाला आदमीसब जकरसिके नाम परमेश्वर संसारके सृष्टि करैसे पहेला उटा किताबमे नैलिखल्कै छे जकरामे कहियो खतम नैहुएवाला जीवन पाबेवाला आदमीसिके नाम लिख्ल छै, ऊसब सभेको आश्चर्यचकित भ्याजैतै जब यी जंगली जानवरके देख्तै। एक समय ऊ जिन्दा रहै, आब ऊ जिन्दा नैछै, मगर ऊ फेर वापस ऐतै।