प्रकाश 13:10 - केवट नया कारार

¹⁰ जे आदमीसिके कैद कैल जाना तय छै, ऊसब जरुर ही कैद कैल जैतै, आर जकरसिके लिए तय छै कि ऊसब तलवारसे मरै, ऊसब जरुर ही तलवारसे जान मार्ल जैतै। इहे ल्याके परमेश्वरके आदमीसिके दुःख सहैमे धीरज राखना चाही आर ओकरापर निरन्तर भरोसा करना चाही।

प्रकाश 13:10 Iomraidhean Croise

मत्ती 26:52

मगर येशू ओकरा कहैल्कै, “तोर खुकरीके दूर कर। कहिनेकी खुकरी चलाबेवालासब सभेको खुकरीसे ही नाश कैल जैतै।

मत्ती 7:2

कहिनेकी जेरंके तुहेंसब दोसरके दोष लगैभैं, ओहिने करिके परमेश्वर भी तोरासिके दोष लगैतौ। परमेश्वर तोरसंगे ठीक ओहिने व्यवहार कर्तौ जेरंको तुहेंसब दोसरसंगे करैछैं।

लूका 21:19

डटिके र आर तुहेंसब जीवन पैभैं।”

कलस्सी 1:11

हमे प्रार्थना करैछियौ कि परमेश्वर आपन बडका शक्ति प्रयोग करिके तोरासिके बहुते मजगुत बनाबौ, ताकी तुहेंसब धीरजी आर आनन्दित भ्याके आपन दुःखसब सहे सक्हैं।

प्रकाश 1:9

हमे, यूहन्ना, जे ख्रीष्टमे तोर साथी छियौ, तोरेसिके जुगुर सतैल जैछियै। हमे परमेश्वरके राज्यके एकटा नागरिक छियै जेरं कि तुहेंसब छैं आर हमरा भी आपन तकलीफके ओहिने ही धीरजके साथ सहन करना चाही जेरं तुहेंसब करैछैं। हमे परमेश्वरके वचन प्रचार करैके आर येशूके विषयमे बताबैके कारण पत्मोसके टापुमे निर्वासित करि देल गेलियै रहे।

प्रकाश 11:18

ऊ आदमीसब जेसब तोरापर विश्वास नैकरैछै बहुते गोसैल छै, आर समय आबी गेलै छे कि तुहें आपन गोस्सा देखाब आर जे मरि चुक्लै छे, ऊ सभैके फैसला करैके समय आबी गेलै छे। एखन उटा समय भी छै जब तुहें ऊ परमेश्वरके वक्तासिके इनाम देभ जेसब तोर सेवा करैछै आर ऊ जात-जातके आदमीसिके जेसब तोर सम्मान करैछै, ओकरासिके जेसब कमजोर छै आर जेसब शक्तिशाली छै। उहे समयमे तुहें ओकरासिके नाश करि देभ जेसब धर्तीपर विनाश कैल्कै छे।”

प्रकाश 14:12

यी बातसब हुए ज्यावाला छै, सेल्याके परमेश्वरके आदमीसिके दुःख सहैमे धीरज राखना चाही। यीसब ऊ आदमीसब छै जेसब परमेश्वरके आज्ञासिके पालन करैछै आर विश्वासयोग्यताके साथ येशूके अनुसरण करैछै।

प्रकाश 16:6

कहिनेकी ऊसब तोर आदमीसिके आर तोर वक्तासिके जान मारल्कै आर ओकरसिके खून बहैल्कै। इहे ल्याके आब तुहें ओकरासिके खून पियैके लिए देलह छे। इहे ओकरसिके लिए सही इनाम छै।”

प्रकाश 17:11

ऊ जंगली जानवर जे बहुते पहेला रहते रहै मगर एखन नैछै, ऊ अठमा राजा छै। मगर ऊ अठमा राजा पहेला सातटा राजामेसे एकटा छै। आर अन्तमे ऊ राजाके जरुर ही सभे दिनके लिए सजाय देल जैतै।

प्रकाश 17:8

ऊ जंगली जानवर जकरा तुहें एखन देख्लहैं, एक समय जिन्दा रहै मगर आब जिन्दा नैछै। ऊ अथाहा कुण्डसे बाहार आबेवाला छै आर परमेश्वर ओकरा पुरा तरहसे नाश करि देतै। धर्तीमे रहेवाला आदमीसब जकरसिके नाम परमेश्वर संसारके सृष्टि करैसे पहेला उटा किताबमे नैलिखल्कै छे जकरामे कहियो खतम नैहुएवाला जीवन पाबेवाला आदमीसिके नाम लिख्ल छै, ऊसब सभेको आश्चर्यचकित भ्याजैतै जब यी जंगली जानवरके देख्तै। एक समय ऊ जिन्दा रहै, आब ऊ जिन्दा नैछै, मगर ऊ फेर वापस ऐतै।

प्रकाश 2:19

हमे जानैछियै कि तुहें पुरा मेहनतसे हमर काम करैछैं, तुहें एक दोसरसे प्रेम करैछैं आर हमरापर मजगुतीसे विश्वास करैछैं। हमे जानैछियै कि तुहें केरंके एक दोसरके सहायता कैल्हैं छे आर तोर सहैके क्षमता भी जानैछियौ। हमे जानैछियै तुहें आब यी बढियाँ काम उटा समयसे बेसी करैछैं जब तुहें हमरापर पहेला बेर विश्वास कैल्हैं रहे।

प्रकाश 2:2

हमे जानैछियै कि तुहें कि करैछैं। तुहें पुरा मेहनतसे हमर काम करैछैं, हमरापर विश्वास करैके कारण जब तोरा सतैल जैछौ तैय्योपर भी तुहें सहैछैं। हमे जानैछियै कि तुहें दुष्ट आदमीसिके स्वीकार नैकरैछैं। तुहें एरंको आदमीसिके जाँच कैल्हैं छे, जे झुट्ठा दावा करैछै कि ऊसब चुन्ल आर भेज्ल चेला छै आर तुहें बुझी गेल्हैं छे कि ऊसब झुट्ठा छै।

प्रकाश 3:10

तुहें हमर सन्देशके पालन कैल्हैं ताकी जब तुहें दुःख उठाभैं ते ओकरा धीरजके साथ सहे सक्हैं। इहे कारण, हमे तोरा बडका परीक्षाके समयमे तोर रक्षा कर्बौ। परीक्षाके यी समय संसारके सभे आदमीसिपर ऐतै।

प्रकाश 3:3

उटा शिक्षाके याद कर जे तुहें बहुते पहेला सुन्लहैं रहे आर विश्वास कैल्हैं रहे। जे तोरा सिखैल गेलौ रहे ओकर अनुसरण कर, पाप करैले छोड आर परमेश्वरके तरफ मन लगा। यदि तुहें गलत काम कर्ते रहैछैं ते हमे अचानक ऐबौ, जेरंके रातके समयमे चोर आबैछै आर तुहें उटा समयके भी नैजाने सक्भैं जब हमे तोरा सजाय दियैके लिए आबी जैबौ।