प्रकाश 13:1 - केवट नया कारार

¹ एकरबाद हमे एकटा जंगली जानवरके समुन्दरसे निकल्ते देख्लियै, जकर सातटा मुडा आर दशटा सिङ रहै। हरेक सिङमे एकटा मकुट रहै आर हरेक मुडामे परमेश्वरके विरुद्धमे एकटा ईश्वर निन्दावाला नाम लिख्ल गेलै रहे।

प्रकाश 13:1 Iomraidhean Croise

प्रकाश 11:7

जब ऊ दीटा गवाहसब परमेश्वरके सन्देशके प्रचारके काम समाप्त करि लेतै ते, ऊ जंगली जानवर जे अथाहा कुण्डसे बाहार निकल्तै, यी जंगली जानवर ऊ दोनो गवाहके संगे लडाई करिके ओकरासिके हरैतै आर ओकरसिके जान मारि देतै।

प्रकाश 12:3

तकरबाद आकाशमे दोसर एकटा अदभुद चिन्ह दिखाई देल्कै: ओत्ते एकटा बहुते विशाल लाल अजगर रहै, जे शैतान रहै। ओकर सातटा मुडा रहै आर हरेक मुडामे सातटा मकुट रहै आर दशटा सिङ रहै,

प्रकाश 13:11

तकरबाद हमे आरहौ एकटा जंगली जानवरके धर्तीसे निकल्ते देख्लियै। एकर दीटा सिङ रहै जेरं भेंडाके हैछै। मगर जब ऊ बोल्लै ते ओकर आवाज विशाल अजगरके जुगुर रहै।

प्रकाश 13:14

बहुते आदमीसब दोसर जंगली जानवरके झुट्ठा चमत्कारसिसे प्रभावित भ्याके धोखा खैल्कै जे उटा पहेलावाला जंगली जानवरके शक्तिसे कैल्कै रहे। दोसर जंगली जानवरके द्वारा आदमीसिके कहेल गेलै कि ऊसब पहेलावाला जंगली जानवरके पूजा करैके लिए एकटा मूर्ति बनाबै, जे हतियारसे घायल भ्यागेलै रहे, मगर फेरसे ठीक भ्यागेलै रहे।

प्रकाश 13:15

आर दोसर जंगली जानवरके परमेश्वरके द्वारा पहेलावाला जंगली जानवरके मूर्ति बन्याके ओकरा जिन्दा बनाबैके अनुमति देल गेलै रहे, ताकी जंगली जानवरके मूर्ति बोले भी सकै आर ऊ आदमीसिके जान मरव्या दै जेसब ऊ जंगली जानवरके मूर्तिके पूजा नैकरैछै।

प्रकाश 15:2

आर हमे कुछु देख्लियै जकर चौडाई समुन्दरके जुगुर रहै, यी आगिन मिल्ल सिसाके जुगुर दिखाई देते रहै। आर उटा समुन्दरके किनारमे जे सिसाके जुगुर रहै, हमे बहुते आदमीसिके खडा भेल देख्लियै। ऊसब ऊ आदमीसब रहै, जेसब उटा जंगली जानवरके पराजय कैल्कै रहे, कहिनेकी ऊसब ओकर पूजा करैसे इन्कार कैल्कै रहे। ऊसब ओकर मूर्तिके पूजा करैसे आर उटा संख्याके चिन्ह प्राप्त करैसे इन्कार करिदेल्कै रहे, जे उटा जंगली जानवरके नामके देखाबैछै। जंगली जानवरके पराजय करेवाला आदमीसब समुन्दरके किनारमे खडा रहै, जे सिसाके जुगुर रहै। ऊसब हातमे वीणा पकडले रहै, जे ओकरासिके परमेश्वरके तरफसे देल गेलै रहे।

प्रकाश 16:13

एकरबाद हमे तीनटा भूतसिके देख्लियै जे बेङके जुगुर दिखाई देते रहै। एकटा बेङ विशाल अजगर जे शैतान छै ओकर मुखसे बाहार निकल्लै। एकटा बेङ पहेलावाला जंगली जानवरके मुखसे आर एकटा दोसर जंगली जानवरके मुखसे बाहार निकल्लै, जे झुट्ठा सन्देश देल्कै रहे।

प्रकाश 17:16

आर उटा समय ऐतै जब उटा जंगली जानवर ऊ दशटा राजासिके संगे जे ओकरसंगे छै, उटा वेश्याके घृणा कर्तै जे ओकरापर बैठ्ल छै। ऊसब ओकरापर हमला कर्तै, ओकरा नंगा बनैतै, ऊसब ओकर शरीरके मास खैतै आर बाँकीके ऊसब आगिनमे जर्या देतै।

प्रकाश 17:3

पवित्र आत्मा हमरा अगुवाई कैल्कै आर स्वर्गदूत हमरा सुनसान जगहमे ल्यागेलै, आर हमे ओत्ते एकटा जनानीके देख्लियै जे एकटा जंगली जानवरमे सवार रहै जे लाल रंगके रहै। ओकर सातटा मुडा आर दशटा सिङ रहै। ओकर शरीर परमेश्वरके अपमान करेवाला नामसिसे झाँप्ल रहै।

प्रकाश 17:5

ओकर मथामे एकटा नाम लिख्ल रहै, जकर एकटा गुप्त मतलब रहै। यी एरं रहै, “हमे महान बेबिलोन सहर छियै। हमे सभे वेश्यासिके मयाँ छियै आर ऊ छियै जे संसारके सभे खराब कामसिके स्रोत छियै।”

प्रकाश 19:19

फेर हमे उटा जंगली जानवरके देख्लियै जे समुन्दरसे बाहार ऐलै रहे आर धर्तीके राजासिके आर ओकरसिके सेनासिके देख्लियै। ऊसब जमा भेलै ताकी ऊसब उजरा घोडाके सवार आर ओकर सैनिकसिके विरुद्ध लडाई करे सकै।