प्रकाश 12:3 - केवट नया कारार

³ तकरबाद आकाशमे दोसर एकटा अदभुद चिन्ह दिखाई देल्कै: ओत्ते एकटा बहुते विशाल लाल अजगर रहै, जे शैतान रहै। ओकर सातटा मुडा रहै आर हरेक मुडामे सातटा मकुट रहै आर दशटा सिङ रहै,

प्रकाश 12:3 Iomraidhean Croise

प्रकाश 12:1

जब ऊ समाप्त भेलै ते, ओत्ते एकटा अदभुद चिन्ह रहै जे आकाशमे देख्ल ज्या सक्ते रहै। कहिनेकी चानपर खडा भेल एकटा जनानी प्रकट भेलै जे एरं कपडा पिन्हल रहै जे सुरुजके जुगुर चमकते रहै। ऊ आपन मथामे एकटा मकुट पिन्हल रहै जकरामे बारहटा तारासब रहै।

प्रकाश 12:13

जब ऊ विशाल अजगर महसुस कैल्कै कि ओकरा धर्तीमे फेकि देल गेलै छे ते, ऊ बेटा जनमाबेवाली जनानीके खेधाडल्कै।

प्रकाश 12:17

नतिजा स्वरुप, ऊ विशाल अजगर ऊ जनानीसे बहुते गोसैलै। सेल्याके ऊ विशाल अजगर जनानीके सन्तानसिके विरुद्धमे युद्धके घोषणा कैल्कै। यानिकी ऊ आदमीसिके विरुद्ध जेसब परमेश्वरके आज्ञासिके पालन करैछै आर येशूके द्वारा सिखैल गेल सच्चा शिक्षासिके अनुसरण करैमे निरन्तर लाग्ल रहैछै।

प्रकाश 12:4

ऊ आपन नाङरसे आकाशसे एक तिहाइ तारासिके समेटीके धर्तीमे फेकि देल्कै आर ऊ विशाल अजगर जनानीके बच्चाके जनम हैते ही बच्चाके खैके लिए ओकर समनामे खडा भेलै।

प्रकाश 12:7

तकरबाद स्वर्गमे लडाई शुरु भेलै। परमेश्वरके प्रमुख स्वर्गदूतसिमेसे एकझन जकर नाम मिखायल छै, आपन अधिनमे भेल दोसर स्वर्गदूतसिके संगे विशाल अजगरके हमला कैल्कै आर विशाल अजगर आर ओकर दूतसब भी ओकरसिके विरुद्ध लडाई कैल्कै।

प्रकाश 12:9

इहे ल्याके ऊ विशाल अजगर आर ओकर दूतसिके धर्तीमे फेकि देल गेलै। यी विशाल अजगर उहे छै जे बहुते समय पहेला साँपके रुपमे दिखाई देल्कै रहे, जकरा शैतान या दोष लगाबेवाला भी कहेल जैछै। यी उहे छै जे यी संसारके आदमीसिके धोखा देते ऐलै छे।

प्रकाश 13:1

एकरबाद हमे एकटा जंगली जानवरके समुन्दरसे निकल्ते देख्लियै, जकर सातटा मुडा आर दशटा सिङ रहै। हरेक सिङमे एकटा मकुट रहै आर हरेक मुडामे परमेश्वरके विरुद्धमे एकटा ईश्वर निन्दावाला नाम लिख्ल गेलै रहे।

प्रकाश 13:2

यी जंगली जानवर जकरा हमे देख्लियै से चितुवाके जुगुर रहै, मगर ओकर पैर भालूके पैरके जुगुर रहै आर ओकर मुख शेरके मुखके जुगुर रहै। ऊ विशाल अजगर यी जंगली जानवरके आपन शक्ति देल्कै आर ओकरा यी धर्तीपर शासन करैके अधिकार देल्कै।

प्रकाश 13:4

तब सभे आदमीसब ऊ विशाल अजगरके पूजा कैल्कै कहिनेकी ऊ उटा जंगली जानवरके अधिकार देल्कै रहे। ऊ आदमीसब ऊ जंगली जानवरके भी पूजा कैल्कै। ऊ आदमीसब कहैल्कै, “यी जंगली जानवरके जुगुर कोय भी शक्तिशाली नैछै। कोय भी ओकरापर हमला नैकरे सकैछै।”

प्रकाश 15:1

एकरबाद हमे आकाशमे एकटा आरहौ अदभुद चिन्ह देख्लियै जे बहुते भयानक रहै। ओत्ते सातटा स्वर्गदूतसब रहै जेसब सातटा अलग-अलग किसिमके बिपत्ति लेल रहै। यी बिपत्तिसब अन्तिम छै कहिनेकी जब यी बिपत्तिसब समाप्त भ्याजैछै तब परमेश्वरके क्रोध समाप्त भ्याजैतै।

प्रकाश 16:13

एकरबाद हमे तीनटा भूतसिके देख्लियै जे बेङके जुगुर दिखाई देते रहै। एकटा बेङ विशाल अजगर जे शैतान छै ओकर मुखसे बाहार निकल्लै। एकटा बेङ पहेलावाला जंगली जानवरके मुखसे आर एकटा दोसर जंगली जानवरके मुखसे बाहार निकल्लै, जे झुट्ठा सन्देश देल्कै रहे।

प्रकाश 17:12

उटा दशटा सिङसब जे तुहें पहेला देख्लहैं रहे, ऊ दशटा राजासिके देखाबैछै जेसब एखन शासन करैले शुरु नैकैल्कै छे। ऊ दशटा राजासिके ऊ जंगली जानवरके संगे मिलिके शासन करैके अनुमति छै, मगर ओकर शासन खाली कुछु समयके लिए हैतै।

प्रकाश 17:16

आर उटा समय ऐतै जब उटा जंगली जानवर ऊ दशटा राजासिके संगे जे ओकरसंगे छै, उटा वेश्याके घृणा कर्तै जे ओकरापर बैठ्ल छै। ऊसब ओकरापर हमला कर्तै, ओकरा नंगा बनैतै, ऊसब ओकर शरीरके मास खैतै आर बाँकीके ऊसब आगिनमे जर्या देतै।

प्रकाश 17:7

तब ऊ स्वर्गदूत हमरा कहैल्कै, “चकित नैहु। ऊ जनानी आर ओकरा लादेवाला सातटा मुडा आर दशटा सिङ भेल जंगली जानवरके मतलब हमे तोरा बतैबौ।

प्रकाश 19:12

ओकर आँख आगिनके धधकके जुगुर चमकदार रहै आर ऊ बहुते मकुटसब पिन्हल रहै। आर ओकर एकटा नाम लिख्ल रहै, मगर खाली उहे उटा नामके मतलब जान्ते रहै।

प्रकाश 20:2

ऊ उटा विशाल अजगर यानिकी पुरना साँपके जकरा शैतान भी कहेल जैछै, झपटीके पक्डल्कै। ऊ ओकरा बान्ही देल्कै आर अथाहा कुण्डमे फेकि देल्कै। ऊ केबाड बन्द करिके ताला लग्या देल्कै आर ओकरापर लाहा छाप लग्या देल्कै ताकी उटा अथाहा कुण्डके एक हजार सालतक खोल्ल नैजै। इहे ल्याके उटा समयके दौरान शैतान एक हजार सालतक जात-जातके आदमीसिके धोखा नै दिए सक्तै। एकरबाद, ओकरा फेरसे कुछु समयके लिए रिहा कैल जैतै।