प्रकाश 11:8 - केवट नया कारार

⁸ ऊ दोनो गवाहके जान मार्ल जैके बाद, ओकरसिके लाससिके ओथै उटा बडका सहर यरूशलेमके रस्तापर छोडी देल जैतै, जते ओकरसिके प्रभुके क्रूसपर चढैल गेलै रहे। सांकेतिक रुपमे कहेल जै ते, उटा सहरके तुलना सदोम सहर आर मिश्र देशसे कैल जैछै। कहिनेकी उटा जगहमे रहेवाला आदमीसब बहुते दुष्ट छै।

प्रकाश 11:8 Iomraidhean Croise

मत्ती 10:15

हमे तोरासिके सच कहैछियौ, न्यायके दिनमे उटा सजाय जे परमेश्वर सदोम सहर आर गमोरा सहरके आदमीसिके देल्कै, उटा सजाय बहुते कम हैतै जे सजाय परमेश्वर उटा सहरके आदमीसिके देतै।”

चुन्ल आर भेज्ल चेलासब 9:4

ऊ भुइयाँमे गिर्लै आर प्रभुके आवाज सुनल्कै, “हे शाउल, हे शाउल, तुहें कहिने हमरा सताबैछैं?”

हिब्रू 13:12

इहे कारणसे, येशू भी आदमीसिके आपने खूनसे पवित्र बनाबैके लिए यरूशलेम सहरसे बाहार दुःख उठैल्कै आर मरि गेलै।

हिब्रू 6:6

जे आदमीसब आपन विश्वासके त्यागी दैछै, ओकरासिके फेरसे पाप करैले छोडिके परमेश्वरके तरफ मन लगाबैके स्थितिमे वापस आनैके कोनो रस्ता नैछै, कहिनेकी ऊसब खुद परमेश्वरके बेटाके फेरसे क्रूसपर चढाबैछै आर ओकरा शर्मिन्दा बनाबैछै जकर कारण दोसर आदमीसब ख्रीष्टके निचा देखैछै।

२ पत्रुस 2:6

तोरासिके यी बात भी मालुम छौ कि बहुते समय पहेला सदोम आर गमोरा सहरमे रहेवाला आदमीसिके परमेश्वर सजाय देल्कै कहिनेकी ऊसब दुष्ट काम कैल्कै रहे। इहे ल्याके ऊसब जरिके भसम नैहुऐतक परमेश्वर ओकरासिके पूर्ण रुपसे जरैल्कै। एरं करिके ऊ यी देखैल्कै कि ऊ आदमीसिके कि हैतै जेसब ओकर डर नैमानैछै।

यहूदा 1:7

यी इस्राएलीसब आर स्वर्गदूतसिके जुगुर ऊ आदमीसिके भी याद कर जे सदोम सहर आर गमोरा सहर आर ओकर आस-पासके गाँवमे रहते रहै ओकरसिके संगे कि भेलै रहे। ऊ आदमीसब व्यबिचारी भ्यागेलै आर सभे प्रकारके यौन भ्रष्टतासे भरि गेलै रहे। इहे ल्याके परमेश्वर ओकरासिके आगिनसे नाश करिदेल्कै। ओकरसिके संगे जे भेलै ऊ झुट्ठा शिक्षकसिके लिए एकटा चेतावनी बनी गेलै छे कि ओकरासिके भी कहियो नैमिझाबेवाला आगिनसे सजाय देल जैतै।

प्रकाश 11:13

उहे समयमे, यरूशलेम सहरमे एकटा बहुते बडका भूकम्प भेलै, आर सहरके इमारतसिके दशमा भाग गिरी गेलै। आर उटा भूकम्पसे सात हजार आदमीसब मर्लै आर बच्ल आदमी जेसब नैमर्लै रहे ऊसब बहुते डरैलै, सेल्याके ऊसब स्वर्गके परमेश्वरके महिमा कैल्कै।

प्रकाश 11:9

साढे तीन दिनतक यी दीटा गवाहसिके लासके हरेक जातसब, हरेक कुलसब, हरेक भाषासब आर हरेक देशके आदमीसब देख्ते रहतै मगर ऊसब कक्रहौ भी ओकरसिके लासके गाडैके अनुमति नैदेतै।

प्रकाश 14:8

ओत्ते आरहौ एकटा स्वर्गदूत रहै, जे पहेलावाला स्वर्गदूतके पाछु-पाछु एरं कहते ऐलै, “बेबिलोनके उटा नामी सहर आब हारी गेलै छे। बेबिलोन सहरके दुष्ट अनैतिक कामसिके कारण धर्तीके जात-जातके आदमीसब एक्के प्रकारके पापसब कैल्कै छे। यी एरं छै कि ऊ ओकरासिके अंगुरके मद्द पियैले देल्कै आर एकर कारणसे परमेश्वर ओकरासिके सजाय देतै।”

प्रकाश 16:19

बेबिलोन सहरके बडका सहर तीनटा टुकरामे बटी गेलै आर पुरा संसारके सभे सहर नाश भ्यागेलै। कहिनेकी परमेश्वर उटा बात पुरा कैल्कै जकर ऊ बेबिलोनके जात-जातके आदमीसिके सजायके विषयमे प्रतिज्ञा कैल्कै रहे। एकरा परमेश्वरके तरफसे कठोर सजाय देल जैतै। परमेश्वर ऊ आदमीसिके बिना पानी मिलैल बहुते कडा अंगुरके मद्द पिलैतै। एकर मतलब यी छै कि ऊ बिना कोनो दयाके ओकरसिके संगे पुरा तरहसे गोसैतै।

प्रकाश 17:1

उटा सातटा बाटी लिएवाला सातटा स्वर्गदूतसिमेसे एकझन हमरलगत आबिके कहैल्कै, “एत्ते या, हमे तोरा देखैबौ कि परमेश्वर केरंके उटा महा-वेश्याके सजाय देतै, जे एरंको जगहमे बैठैछै, जते बहुते लद्दीसब छै।

प्रकाश 17:5

ओकर मथामे एकटा नाम लिख्ल रहै, जकर एकटा गुप्त मतलब रहै। यी एरं रहै, “हमे महान बेबिलोन सहर छियै। हमे सभे वेश्यासिके मयाँ छियै आर ऊ छियै जे संसारके सभे खराब कामसिके स्रोत छियै।”

प्रकाश 18:10

आर ओकरासिके डर छै कि ऊसब भी ओकर सजायमे फसी जैतै, सेल्याके ऊसब दूरसे खडा भ्याके कहतै, “हे महान बेबिलोन सहर! संसारके सभे आदमीसिपर आबेवाला बिपत्तिसब बहुते ही भयानक छै! परमेश्वरके सजाय तोरापर अचानक आबी गेलौ छे।”

प्रकाश 18:18

जब ऊसब उटा आगिनसे निक्लेवाला धुवाँके देख्तै जे सहरके जराबैछै, तब ऊसब चिचियैतै, “यी विशाल सहरके जुगुर कोनो दोसर सहर नैछै।”

प्रकाश 18:2

ऊ बडका आवाजमे कहैल्कै, “बेबिलोनके उटा नामी सहर आब हारी गेलै छे। कहिनेकी यी बेबिलोन सहर सभे राज्यसिके जात-जातके आदमीसिके उटा अंगुरके मद्द पियैल्कै छे, जे ओकर मूर्तिसिके पूजा छै। सारा धर्तीके राजा ओकरसंगे ओकर गन्दा कामसिमे सामिल भ्यागेलै छे। ऊ जनानीके महँगा-महँगा चीजसिके इच्छाके कारणसे धर्तीके व्यापारीसब मातबर भ्यागेलै छे। मगर परमेश्वर यी बेशरम वेश्याके मरैले देतै। ऐज हरेक प्रकारके भूतसब ओत्ते रहैके लिए चल जैतै आर यी गन्दा आर घृणित चिडियासिके खोय्ता बनाबैके जगह बनी जैतै।”

प्रकाश 18:21

एकरबाद एकटा शक्तिशाली स्वर्गदूत एकटा बडका जाँतके जुगुर पत्थल उठ्याके एरं कहिके समुन्दरमे फेकल्कै, “जेरंके यी पत्थलके समुन्दरमे फेक्ल गेलै छे आर फेर नैमिल्तै अहिने करिके बडका बेबिलोन सहर भी एक्केबेरमे नाश भ्याजैतै, एकरा फेर दोबारा नैबनैल जैतै।

प्रकाश 18:24

परमेश्वर बेबिलोन सहरके इहे ल्याके सजाय देल्कै कहिनेकी यी सहर परमेश्वरके वक्तासिके आर सन्तसिके आर सभे धर्तीपरके आदमीसिके खून बहाबैके दोषी रहै।”