प्रकाश 10:5 - केवट नया कारार

⁵ फेर ऊ स्वर्गदूतके जकरा हमे समुन्दर आर धर्तीपर खडा भेल देख्लियै रहे, ऊ आपन दहिना हात आकाशके महर उठैल्कै जे कसम खैके लिए रहै।

प्रकाश 10:5 Iomraidhean Croise

चुन्ल आर भेज्ल चेलासब 14:15

“तुहेंसब कथिले एरं करैछ? हम्हुँसब ते तोरेसिके जुगुर दुःखसुख भोगेवाला आदमी छियै, आर तोरासिके यी बेकारके चीजसे जिन्दा परमेश्वरमहर आब कहिके खुश-खबरी सुनाबैछियै, जे परमेश्वर आकाश, धर्ती, समुन्दर आर एकरामे भेल सभे चीज बनैल्कै।

चुन्ल आर भेज्ल चेलासब 17:23

जब हमे घुम्ते-फिरते तोरसिके आराधनाके चीजसब गौरसे देख्ते रहियै ते, हमरा एकटा एरंको वेदी भेट्लै जकरापर लिख्ल रहै, ‘अनजान ईश्वरके लिए।’ सेल्याके जकरा तुहेंसब बिना जानले बुझले आराधना करैछ, हमे ओकरे बारेमे तोरासिके बताबैछियै।

रोमी 1:20

परमेश्वर संसार सृष्टि करैके समयसे ही आदमीसब ओकर कहियो खतम नैहुएवाला शक्ति आर ऊ वास्तवमे परमेश्वर छै कहिके साफसे बुझे सकैछै। यी ईश्वरीय गुणसब अदृश्य छै मगर एकरा चिन्हे सकैछियै, आदमीसब परमेश्वरके सृष्टि कैल चीजसिसे ओकर बारेमे मालुम करे सकैछै। नतिजा स्वरुप, ओकरासिके परमेश्वरके नैचिन्हैके कोनो बहाना नैहैछै।

हिब्रू 6:13

परमेश्वर अब्राहमके प्रतिज्ञा दियैके समयमे परमेश्वर आपन नामके कसम खैल्कै, कहिनेकी ओकरसे बडका कोय नैरहै, जकर नाम ल्याके ऊ कसम ख्या सकै।

प्रकाश 1:18

हमे ऊ छियै जे सभे दिन जिन्दा छियै। हमे एकबेर मरि गेलियै रहे, मगर आब हमे जिन्दा छियै आर हमे सभे दिन जिन्दा रहबै। देख, हमरलगत मौत आर पातालपर, मर्ल आदमीसिके जगहपर अधिकार छै।

प्रकाश 10:2

ओकर दहिना पैर समुन्दरमे राखल्कै आर ओकर बायाँ पैर जमिनमे राखल्कै। ओकर हातमे एकटा छोटका किताब रहै, जे खुल्ल रहै।

प्रकाश 14:7

ऊ बडका आवाजमे कहैल्कै, “परमेश्वरसे डर आर ओकरा सम्मान दहैं। कहिनेकी आदमीसिके फैसला करैके एखन ओकर समय छै। ओकरा झुकिके आराधना कर कहिनेकी उहे छै जे स्वर्ग, धर्ती, समुन्दर आर पानीके झरनासिके सृष्टि कैल्कै छे।”

प्रकाश 16:17

सतमा स्वर्गदूत आपन बाटीके चीजके हावामे उझली देल्कै। आर हमे ओत्ते परमेश्वरके मन्दिरके भितर परमेश्वरके सिंहासनसे कक्रहौ बोल्ते सुन्लियै, “हमे सभे कुछु पुरा करि देलियै।”

प्रकाश 4:11

“हे हमरसिके प्रभु परमेश्वर, तुहें सभे चीजसिके सृष्टि कैलह छे। तोरे इच्छाके मुताबिक उटा सभे चीज बनैल गेलै छे आर उटा सभे अस्तित्वमे छै। इहे कारणसे तुहें महिमा, आदर आर शक्ति ग्रहण करैके योग्य छह।”

प्रकाश 4:9

जे सिंहासनपर बैठ्ल छै, ऊ उहे छै जे सभे दिनके लिए जिन्दा रहैछै। जब भी जिन्दा प्राणीसब ओकरा महिमा आर आदर आर धन्यवाद दैछै, ते चौबीसोटा धरमगुरु ओकर समनामे गिरी जैछै आर ओकर आराधना करैछै। ऊसब यी कहते हुए सिंहासनके समनामे आपन-आपन मकुट राखी दैछै,