प्रकाश 1:3 - केवट नया कारार

³ परमेश्वर हरेक ऊ आदमीके आशिष देतै जे यी भविष्यवाणीके दोसर आदमीसिके पढिके सुनाबैछै आर ऊ हरेक ऊ आदमीके आशिष देतै जे एकरा सुनैछै आर एकरा मानैछै। कहिनेकी यी बातसब जल्दी ही हैतै।

प्रकाश 1:3 Iomraidhean Croise

मत्ती 24:15

“पढेवालाके यी बुझे दहैं कि हमे कि लिखेवाला छियै: परमेश्वरके वक्ता दानिएलके द्वारा कहेल जुगुर एक दिन तुहेंसब एकटा खराब आदमीके यरूशलेम सहरके मन्दिरमे खडा भेल देख्भैं।

लूका 11:28

मगर येशू कहैल्कै, “धन्य छै ऊसब, जे परमेश्वरके वचन सुनैछै आर पालन करैछै।”

रोमी 13:11

तोरासिमेसे हरेकके एक-दोसरसे प्रेम कर्ते रहना चाही कहिनेकी उटा समय नज्दिक छै जब परमेश्वर अपनासिके यी खराब संसारसे बचैतै। अपनासब ख्रीष्टमे पहेला बेर विश्वास कैलसे एखन यी समय नज्दिक छै। यी बात जानीके, तोरासिके आपन निनसे जागना चाही आर होशियार रहना चाही।

रोमी 13:12

यी खराब दुनियाँमे रहैके आपनसिके समय लगभग एकटा रातके जुगुर छै जे लगभग खतम भ्यागेलै छे आर ख्रीष्ट आबैके समय भी नज्दिक ऐल छै। सेल्याके अपनासिके अनहारसे सम्बन्धित सभे काम करैले छोडी देना चाही आर अपनासिके उटा चीजसब कर्ते रहना चाही जे अपनासिके दुष्ट आदमीसिके विरोध करैले सहायता करैछै जेरं कि सिपाही करैछै जे दिनके समय आपन हतियार ल्याके चलैछै।

१ पत्रुस 4:7

सभे चीजके अन्त नज्दिक ऐल छै, सेल्याके तुहेंसब सचेत र आर अपने आपके वशमे राख ताकी तुहेंसब प्रार्थना करे सक्हैं।

२ पत्रुस 3:8

हे प्रिय विश्वासी भ्या-बहिनसब, यी एकटा बातके कहियो नै भूल कि परमेश्वरके लिए एक दिन एक हजार सालके जुगुर छै आर एक हजार साल एक दिनके जुगुर छै। ओकर लिए एक दिन आर एक हजार साल सभे एक बराबर छै।

प्रकाश 22:10

तब ऊ हमरा कहैल्कै, “यी किताबके भविष्यवाणीके सन्देशसिके गुप्त नैराख। कहिनेकी यी बातसिके पुरा हुऐके समय नज्दिक आबी गेलै छे।

प्रकाश 22:12

तब प्रभु येशू कहैल्कै, “देख्, हमे जल्दी ही ऐबै। सभे आदमीसब जे भी कैल्कै छे ओकरसिके कैल कामके मुताबिक हमे या ते इनाम दियैके लिए या ते सजाय दियैके लिए आबैछियै।

प्रकाश 22:20

येशू यी सभे वचनसिके गवाही दैछै आर कहैछै, “हँ, हमे जल्दी ही आबैछियै।” हमे यूहन्ना जबाब देलियै, “आमेन, हे प्रभु येशू, आब।”

प्रकाश 3:11

हमे जल्दी ही आबेवाला छियौ। इहे ल्याके, आपन विश्वासमे मजगुतसे र, ताकी कोय भी तोर प्रतिफल छिनी नैलौ।