प्रकाश 1:11 - केवट नया कारार

¹¹ ऊ हमरा कहैल्कै, “जे कुछु तुहें देखैछैं, ओकरा एकटा किताबमे लिख, आर एकरा एफिसस सहर, स्मुर्ना सहर, पर्गामम सहर, थिआटिरा सहर, सार्डिस सहर, फिलाडेल्फिया सहर आर लाउडिकिया सहरमे भेल सातटा मण्डलीसिके भेज।”

प्रकाश 1:11 Iomraidhean Croise

चुन्ल आर भेज्ल चेलासब 16:14

हमरसिके बात सुनेवालासिमेसे लिडिया नामके एकटा जनानी रहै। ऊ थिआटिरा सहरके निवासी रहै आर बैगनी रंगके कपडाके व्यापार कर्ते रहै। ऊ परमेश्वरके भक्ति करेवाला एकटा भक्त जनानी रहै। पावलके कहेल बात ध्यानसे सुनै कहिके प्रभु ओकर मन खोली देल्कै।

चुन्ल आर भेज्ल चेलासब 18:24

अपोल्लोस नामके एकटा यहूदी आदमी जकर जनम अलेक्जेण्ड्रिया सहरमे भेलै रहे, ऊ कुशल वक्ता रहै आर धरमशास्त्रके बढियाँसे जान्ते रहै। ऊ एफिसस सहरमे ऐलै।

चुन्ल आर भेज्ल चेलासब 20:17

जब हमेसब मिलेटस सहरमे उतरलियै, पावल एफिसस सहरके मण्डलीके अगुवासिके समाद भेजल्कै।

१ कोरन्थी 15:32

एफिसस सहरमे, हमर दुश्मनसब जंगली जानवरके जुगुर छै, जे हमरा हानी पहुँचाबैले चाहैछै। हमे एखन भी यी सभे सहन कहिने करैछियै, यदि हमर प्रतिफल इहे संसारमे ही छै। यदि यी सच हैतियै कि हमरा अन्तिम दिनमे जिन्दा नैबनैल जैतै ते, बढियाँ हैतियै कि हमे मौज कर्तियै, जेरं कि एकटा कहावत छै, “या अपनासब खो आर पी, कहिनेकी शायद क्याल अपनासब मरि जैबै आर उटा आपनसिके अन्त हैतै।”

१ कोरन्थी 16:8

मगर पेन्तिकोसके पावनके समयतक हमे एफिसस सहरमे रहबै।

एफिसी 1:1

हमे, पावल यी चिट्ठी लिखैछियै। परमेश्वरके इच्छा रहै कि हमे ख्रीष्ट येशूके एकटा चुन्ल आर भेज्ल चेला बनियै। एफिसस सहरमे रहेवाला तुहें विश्वासीसिके हमे यी चिट्ठी लिखैछियौ।

कलस्सी 2:1

तुहेंसब यी जान कहिके हमे चाहैछियै कि केरंके तुहेंसब आर लाउडिकिया सहरमे भेलसब आर ऊ सभैके खातिर, जकरा हमे नैदेख्लियै छे, हमे कठिन मेहनत करैछियै।

१ तिमोथी 1:3

तिमोथी, तोरा मालुम छौ कि एफिसस सहरमे गलत बात सिखाबेवाला कुछु आदमीसब छै। ऊसब निरन्तर झुट्ठा शिक्षासब आर बाप-पुर्खासिके लम्बा सूचीसब सिखाबैछै। जब हमे एफिसस सहरसे माकेडोनिया प्रदेशमे जैके लिए तैय्यार रहियै, हमे तोरासिके एफिसस सहरमे रहैके लिए आर ओकरासिके ओरं शिक्षा नैदियैके लिए बताबैके लिए बिन्ती कैलियौ। जब ऊसब ओरंको बातसब सिखाबैछै, नतिजा यी छै कि आदमीसब उटा बातके विषयमे बहस करैछै। ऊ शिक्षकसब परमेश्वरके देल काम नैकरैछै, जे काम ऊसब परमेश्वरमे भरोसा राखिके खाली करे सकैछै।

प्रकाश 1:17

जब हमे ओकरा देख्लियै, तब हमे तुरन्ते ओकर पैरीमे गिरी गेलियै। हमे एकटा मर्ल आदमीके जुगुर भ्या गेलियै। मगर ऊ आपन दहिना हात हमर उप्परमे राखिके कहैल्कै, “नैडर, हम्हीं छियै जे सभे चीजसिके शुरुआत कैलियै आर हम्हीं छियै जे सभे चीजसिके समाप्त कर्बै।

प्रकाश 1:19

सेल्याके जे तुहें देख्लहैं छे, ओकरा लिखि ले यानिकी उटा दोनो चीजसब जे एखन हैछै आर जे पाछु हैतै।

प्रकाश 1:2

सेल्याके हमे, यूहन्ना उटा सभे कुछु लिख्लियै जे हमे देख्लियै। हमे यी लेखमे परमेश्वरके वचन आर उटा सच्चा शिक्षासब लिखिके बतैलियै छे, जकर जानकारी येशू ख्रीष्ट हमरा देल्कै रहे।

प्रकाश 1:20

आब हमे हमर दहिना हातमे भेल सातटा तारासिके मतलब कि छै आर दिया राखेवाला सातटा सोनाके लबनासिके मतलब कि छै से बतैबौ जे बात पहेला मालुम नैरहै। एकर मतलब यी छै: सातटा तारासब सातटा मण्डलीसिके स्वर्गदूतसब छै आर दिया राखेवाला सातटा लबनासब सातटा मण्डलीसब छै।”

प्रकाश 1:4

हमे, यूहन्ना यी चिट्ठी तुहेंसब सातटा मण्डलीसिके विश्वासीसिके लिए लिखैछियै जे एशिया प्रदेशमे छै। हमे प्रार्थना करैछियै कि आपनसिके परमेश्वर तोरासिके अनुग्रह आर शान्ति दौ। ऊ उहे परमेश्वर छै जे समयके शुरुआतसे ल्याके एखनतक आर सभे दिनके लिए नैबदलैछै। आर ऊ सात आत्मासिके तरफसे, जे परमेश्वरके सिंहासनके समनामे छै।

प्रकाश 1:8

प्रभु परमेश्वर कहैछै, “हम्हीं छियै जे सभे चीजसिके शुरुआत कैलियै आर हम्हीं छियै जे सभे चीजसिके समाप्त कर्बै। हमे उहे परमेश्वर छियै जे समयके शुरुआतसे ल्याके एखनतक आर सभे दिनके लिए नैबदलैछियै। हमे सर्वशक्तिमान छियै।”

प्रकाश 10:4

जब ऊ सातटा मेघ-गर्जनसब आपन-आपन आवाज निकाल्लकै ते, हमे ओकरसिके द्वारा कहेल बात लिखैके लिए तैय्यार रहियै, मगर तखनिहैं स्वर्गसे एरं कहेल आवाज हमे सुन्लियै, “ऊ सातोटा मेघ गर्जनके आवाज जे बात बोल्लै तकरा गुप्त राख, यी बातसिके नैलिख।”

प्रकाश 14:13

फेर हमे स्वर्गसे कक्रहौ बोल्ते सुन्लियै आर ऊ हमरा कहैल्कै, “यी बातसिके एत्ते लिख। आबसे ऊ आदमीसब धन्य छै जेसब प्रभुमे भरोसा कर्ते हुए मरि जैछै।” तब पवित्र आत्मा यी बात पर सहमत भेलै आर ऊ कहैल्कै, “यी सच छै। ऊसब धन्य छै कहिनेकी ऊसब आपन कडा मेहनतसे आराम पैतै आर जे काम ऊसब कैल्कै छे ओकर खातिर ओकरासिके इनाम देल जैतै।”

प्रकाश 19:9

तब ऊ स्वर्गदूतसब हमरा कहैल्कै, “यी बात लिख, बलि-भेंडाके बिहाके भोजमे हकार पाबेवालासब धन्यके छै।” ऊ फेर हमरा कहैल्कै, “यी वचन परमेश्वरके तरफसे छै, यी सभे निश्चित रुपसे सच छै।”

प्रकाश 2:1

येशू हमरा यी भी कहैल्कै, “एफिसस सहरके मण्डलीके स्वर्गदूतके यी सन्देश लिख: हमे उहे छियै जे आपन दहिना हातमे सातटा तारा पक्डीके राख्लियै छे आर हमे उहे छियै जे दियाके राखेवाला सोनाके लबनाके बीचमे लरैछियै। हमे तोरासे यी कहैछियौ:

प्रकाश 2:12

पर्गामम सहरके मण्डलीके स्वर्गदूतके यी सन्देश लिख: हम्हीं छियै जकर लगत धर्हा दी धारवाला तलवार छै। हमे तोरासे यी कहैछियौ:

प्रकाश 2:18

थिआटिरा सहरके मण्डलीके स्वर्गदूतके यी सन्देश लिख: “हमे, परमेश्वरके बेटा, तोरासे यी बात कहैछियौ, जकर आँख आगिनके धधकके जुगुर चम्कैछै आर जकर पैर भट्टीमे धिपैल पित्तलके जुगुर चम्कैछै। हमे तोरासे यी कहैछियौ:

प्रकाश 2:24

मगर थिआटिरा सहरमे तुहें बाँकी आदमीसब उटा झुट्ठा शिक्षाके अनुसरण नैकैल्हैं छे। तुहें उटा शिक्षाके सिखैले नैचाहैछैं जकरा शैतानके ज्ञान कहेल जैछै। हमे तोरासिसे कहैछियौ कि हमे तोरासिपर कोनो दोसर महत्वपूर्ण आज्ञा नै लादबौ, सिवाय एकर कि जबतक हमे नै आबैछियौ तबतक आपन विश्वासमे मजगुतसे र।

प्रकाश 2:8

आर स्मुर्ना सहरके मण्डलीके स्वर्गदूतके यी सन्देश लिख: हम्हीं छियै जे सभे चीजसिके शुरुआत कैलियै आर हम्हीं छियै जे सभे चीजसिके समाप्त कर्बै, हमे एकबेर मरि गेलियै रहे। मगर आब हमे जिन्दा छियै आर हमे सभे दिन जिन्दा रहबै। हमे तोरासे यी कहैछियौ:

प्रकाश 21:5

तब सिंहासनमे विराजमान भेल परमेश्वर हमरा कहैल्कै, “देख, आब हमे सभे बात नया बनैबै।” ऊ हमरा एरं भी कहैल्कै, “यी बात लिख, जे हमे कहैछियौ तुहें उटा बात पर विश्वास करे सकैछैं। यी बातसब निश्चित रुपसे हैतै।”

प्रकाश 22:10

तब ऊ हमरा कहैल्कै, “यी किताबके भविष्यवाणीके सन्देशसिके गुप्त नैराख। कहिनेकी यी बातसिके पुरा हुऐके समय नज्दिक आबी गेलै छे।

प्रकाश 22:16

हमे, येशू आपन स्वर्गदूतके तोरलगत मण्डलीसिके आदमीसिके यी बातसिके घोषणा करैके लिए भेज्लियै छे। हमे दाऊद राजाके वंशके छियै, हमे ही छियै, जे उटा ताराके जुगुर छियै जे सुरुज उगैके समयमे प्रकट हैछै।”

प्रकाश 3:1

सार्डिस सहरके मण्डलीके स्वर्गदूतके यी सन्देश लिख: हमे उहे छियै जे सातटा तारासिके आपन हातमे पक्डीके राखैछै आर जे परमेश्वरके सात आत्मासिके भेजैछै। हमे जानैछियै कि तुहें कि करैछैं। तुहें विश्वासयोग्य विश्वासीसिके जुगुर दिखाई दैछैं, मगर वास्तवमे तुहें आब हमर अनुसरण नैकरैछैं।

प्रकाश 3:14

लाउडिकिया सहरके मण्डलीके स्वर्गदूतके यी सन्देश लिख: हमे ऊ छियै जे आमेन कहलाबैछियै, कहिनेकी हमे भरोसामन्द छियै आर हमे परमेश्वरके विषयमे जे भी साबित करैछियै ऊ सच छै। जे कुछु भी ऊ सृष्टि कैल्कै छे, हमे ऊ सभैके स्रोत भी छियै। हमे तोरासे यी कहैछियौ।

प्रकाश 3:4

मगर सार्डिस सहरमे तोरसिके बीचमे कुछु आदमीसब छै जेसब विश्वासीसिके रुपमे शुद्ध जीवन जिल्कै छे। ऊसब शुद्ध उजरा कपडा पिन्हीके हमरसंगे रहतै कहिनेकी ऊसब योग्य छै।

प्रकाश 3:7

आर फिलाडेल्फिया सहरके मण्डलीके स्वर्गदूतके यी सन्देश लिख: हमे उहे छियै जे पवित्र आर सच छै, जकर लगत दाऊद राजाके राज्यपर अधिकार छै। यदि हमे दरवाजा खोलैछियै ते कोय भी ओकरा बन्द नैकरे सकैछै। आर यदि हमे ओकरा बन्द करिदियै ते, कोय भी ओकरा नैखोले सकैछै। हमे तोरासे यी कहैछियौ।