प्रकाश 1:10 - केवट नया कारार

¹⁰ प्रभुके दिनमे पवित्र आत्मा हमरा अगुवाई कैल्कै। हमे आपन पाछुसे कक्रहौ बोल्ते सुन्लियै जे धुतहुकके जुगुर बडका आर साफ आवाजमे बोल्ते रहै।

प्रकाश 1:10 Iomraidhean Croise

मत्ती 22:43

येशू ओकरासिके कहैल्कै, “ते दाऊद राजा आत्मामे निर्देशित भ्याके ख्रीष्टके प्रभु कहिके केरंके पुकारे सकैछै? ऊ कहैछै,

यूहन्ना 20:19

हप्ताके पहेला दिन सझौवा, जब यहूदी आदमीसिके अगुवासिके डरसे सभे चेलासब एक साथ जमा भ्याके केबाडसब बन्द करिके बैठ्ल रहै, तखनिहैं येशू अचानक आबिके ओकरसिके बिच्चेमे खडा भेलै, आर ओकरासिके कहैल्कै, “तोरासिके शान्ति मिलौ!”

यूहन्ना 20:26

एक हप्ताके बाद येशूके चेलासब फेर घरके भितरमे रहै। थोमा भी ओकरेसिके संगे रहै। केबाडसब बन्द रहै, तब येशू आबिके बिच्चेमे खडा भ्याके कहैल्कै, “तोरासिके शान्ति मिलौ!”

चुन्ल आर भेज्ल चेलासब 20:7

हप्ताके पहेला दिनमे जब हमेसब प्रभु-भोज खैले जमा भेलियै, तब पावल दोसर दिन जैके इच्छा करैके कारणसे ओकरसिके संगे आधा राततक बातचित कर्ते रहलै।

१ कोरन्थी 12:3

सेल्याके हमे चाहैछियै कि तुहेंसब समझ कि जे कोय आदमी परमेश्वरके आत्माके अगुवाईसे बोलैछै, ऊ आदमी यी नैकहैछै कि येशू श्रापित छै। पवित्र आत्मा ही एकटा छै जे कक्रहौ भी यी बात कहैके योग्य बनाबे सकैछै कि “येशू प्रभु छै।”

१ कोरन्थी 16:2

हरेक ऐतबारके दिन तोरासिमेसे सभेको आपन-आपन कमाइके मुताबिक कुछु दान अलग करिके राखिहैं, ताकी जब हमे ऐबै ते तोरासिके दान जमा करैले नैपडौ।

प्रकाश 17:3

पवित्र आत्मा हमरा अगुवाई कैल्कै आर स्वर्गदूत हमरा सुनसान जगहमे ल्यागेलै, आर हमे ओत्ते एकटा जनानीके देख्लियै जे एकटा जंगली जानवरमे सवार रहै जे लाल रंगके रहै। ओकर सातटा मुडा आर दशटा सिङ रहै। ओकर शरीर परमेश्वरके अपमान करेवाला नामसिसे झाँप्ल रहै।

प्रकाश 21:10

तब पवित्र आत्माके शक्तिके द्वारा हमरा स्वर्गदूतके अगुवाईमे एकटा बहुते बडका पहाडमे लजैल गेलै, आर स्वर्गदूत हमरा स्वर्गसे परमेश्वरके तरफसे निच्चा महर ऐते पवित्र सहर यरूशलेम देखैल्कै।