फिलिप्पी 4:3 - केवट नया कारार

³ हे हमर सच्चा सहकर्मी, हमे तोरासे बिन्ती करैछियौ कि तुहें यी जनानीसिके एक दोसरसे मेल-मिलाप करैले सहायता कर, कहिनेकी ऊसब हमर संगमे खुश-खबरी फैलाबैमे विश्वासी भ्या क्लेमेस आर दोसर सहयोगीसिके संगे मिलिके एक्केसंगे मेहनत कैल्कै छे, ओकरसिके नाम उटा किताबमे लिख्ल छै जकरासिके कहियो खतम नैहुएवाला जीवन मिल्तै।

फिलिप्पी 4:3 Iomraidhean Croise

लूका 10:20

तैय्योपर भूतसब तोरसिके आज्ञा मानैछै कहिके खुशी नैहु, मगर तोरसिके नाम स्वर्गमे लिख्ल छै कहिके खुशी हु।”

रोमी 12:1

सेल्याके हे विश्वासी भ्या-बहिनसब, अपनासिपर भेल परमेश्वरके दया याद दिल्याके हमे तोरासिके बिन्ती करैछियौ, आपन-आपन जीवनके जिन्दा बलिदानके रुपमे परमेश्वरमे अर्पण कर। तोरसिके बलिदान पवित्र आर परमेश्वरके खुश करेवाला होना चाही। परमेश्वरके आराधना करैके सही तरिका इहे छै।

रोमी 16:12

प्रभुमे मेहनत करेवाला हमर विश्वासी बहिनसब त्रुफेना आर त्रोफोसके हमर नमस्कार कही दहैं। प्रभुमे बहुते मेहनत करेवाला हमर प्रिय विश्वासी बहिन पर्सिसके भी नमस्कार कही दहैं।

रोमी 16:9

उर्बानस, जे ख्रीष्टमे हमर सहकर्मी छै आर हमर प्रिय दोस्त स्ताखुसके भी हमर नमस्कार कही दहैं।

फिलिप्पी 1:12

हे विश्वासी भ्या-बहिनसब, तोरासिके यी बात मालुम हौ कहिके हमे चाहैछियै, कि हमर उप्परमे ऐल बातसिसे वास्तवमे खुश-खबरीके फैलाबैले आरहौ सहायता मिल्लै छे।

फिलिप्पी 1:16

बढियाँ विचारसे प्रचार करेवाला आदमीसब प्रेमके कारणसे यी करैछै कहिनेकी ओकरासिके मालुम छै कि हमरा ख्रीष्टके बारेमे खुश-खबरीके रक्षा करैके कारण जेलमे कैद कैल्कै छे।

फिलिप्पी 1:27

मगर जे भी हुए, तुहेंसब एकटा बातके ध्यान राख कि तोरसिके जीवनके आचरण-व्यवहार ख्रीष्टके खुश-खबरीके योग्य होना चाही। अहिने करिके चाहे हमे आबिके तोरसिके भेट करियौ या दूर रहिके हमे तोरसिके बारेमे सुनियौ, मगर हमरा इहे बात पता चलै कि तुहेंसब एक आत्मामे स्थिर छैं आर एक मनके भ्याके एक साथ मिलिके उटा विश्वासके लिए संघर्ष करैछैं, जे कि खुश-खबरीपर आधारित छै।

फिलिप्पी 1:7

तोरसिके सभैके लिए एरं सोचना हमर लिए सही छै, कहिनेकी तोरसिके लिए हमर मनमे विशेष जगह छै। चाहे हमे कैदमे छियै या खुश-खबरीके सच्चाईके साबित आर रक्षा करैछियै, हरेक समयमे तुहेंसब परमेश्वरके अनुग्रहमे हमरसंगे सामिल भेल छैं।

फिलिप्पी 4:2

हमे इयोदिया आर सुन्तुखेके विश्वासी बहिनसिके प्रभुमे मेल-मिलापमे र कहिके बिन्ती करैछियौ।

कलस्सी 1:7

इहे बातके शिक्षा तुहेंसब हमरसिके प्रिय विश्वासी भ्या इपाफ्राससे सिख्लहैं, जे हमरसिके संगे सेवा करैछै आर हमरसिके प्रतिनिधिके रुपमे ख्रीष्टके विश्वासयोग्य सेवक छै।

प्रकाश 13:8

आर यी धर्तीमे रहेवाला सभे आदमीसब ओकर पूजा करे लाग्लै। खाली उहे आदमीसब ओकर पूजा नैकैल्कै जकर नाम संसारके सृष्टि कैल जैसे पहेलासे ही जीवनके किताबमे लिख्ल गेलै रहे। यी जीवनके किताब ऊ बलि-भेंडाके किताब छै जकरा बलिदानके रुपमे मारि देल गेलै रहे।

प्रकाश 17:8

ऊ जंगली जानवर जकरा तुहें एखन देख्लहैं, एक समय जिन्दा रहै मगर आब जिन्दा नैछै। ऊ अथाहा कुण्डसे बाहार आबेवाला छै आर परमेश्वर ओकरा पुरा तरहसे नाश करि देतै। धर्तीमे रहेवाला आदमीसब जकरसिके नाम परमेश्वर संसारके सृष्टि करैसे पहेला उटा किताबमे नैलिखल्कै छे जकरामे कहियो खतम नैहुएवाला जीवन पाबेवाला आदमीसिके नाम लिख्ल छै, ऊसब सभेको आश्चर्यचकित भ्याजैतै जब यी जंगली जानवरके देख्तै। एक समय ऊ जिन्दा रहै, आब ऊ जिन्दा नैछै, मगर ऊ फेर वापस ऐतै।

प्रकाश 20:12

आर हमे मर्ल आदमीसिके उटा सिंहासनके समनामे खडा भेल देख्लियै यानिकी ओकरासिके जेसब महत्वपूर्ण छै आर जेसब महत्वहीन छै, ऊ आदमीसब जेसब समुन्दरमे डुबिके मरि गेलै रहे आर सारामे रहेल सभे मर्ल आदमीसब आर ऊ सभे आदमीसब जे पातालमे रहै, ऊ सभेको सिंहासनके समनामे खडा भेलै। उटा किताब खोल्ल गेलै, जकरामे ऊ आदमीसिके नाम लिख्ल रहै, जकर लगत कहियो खतम नैहुएवाला जीवन रहै। उटा किताब भी खोल्ल गेलै, जकरामे आदमीसब जे-जे कैल्कै छे, उटा लिख्ल गेलै रहे आर हरेक आदमी जे कुछु कैल्कै रहे ओकर मुताबिक ओकर फैसला कैल गेलै जे उटा किताबसिमे लिख्ल रहै।

प्रकाश 21:27

मगर कोनो भी गन्दा काम करेवाला उटा सहरमे प्रवेश नैकर्तै। कोय भी जे खराब काम करैछै या जे झुठ बोलैछै ओत्ते प्रवेश नैकर्तै। ओत्ते खाली उहे आदमीसब प्रवेश करे सक्तै जकर नाम बलि-भेंडाके जीवनके किताबमे लिख्ल गेलै छे, यी उटा किताब छै जकरामे ऊ आदमीसिके नाम लिख्ल छै जकर लगत कहियो खतम नैहुएवाला जीवन छै।

प्रकाश 3:5

जे आदमीसब जित हासिल करैछै ओकरासिके भी एकरेसिके जुगुर उजरा कपडा पिन्हैल जैतै। हमे ओकरसिके नाम उटा जीवनके किताबसे नै हटैबै जकरामे परमेश्वर ऊ आदमीसिके नाम लिखल्कै छे जकरासिके कहियो खतम नैहुएवाला जीवन मिल्तै। हमे आपन पिताके समनामे आर ओकर स्वर्गदूतसिके समनामे यी घोषित कर्बै कि ऊसब हमर छै।