फिलिप्पी 4:21 - केवट नया कारार

²¹ ख्रीष्ट येशूमे भेल सभे परमेश्वरके आदमीसिके हमर नमस्कार कहैं। जे विश्वासी भ्यासब हमर संगमे छै उहोसब भी तोरासिके नमस्कार भेजल्कौ छे।

फिलिप्पी 4:21 Iomraidhean Croise

मत्ती 5:47

अगर तुहें खाली आपन चिन्हल आदमीसिके नमस्कार करैछैं ते, निश्चित रुपसे तुहें दोसर आदमीके तुलनामे कुछु बढियाँ नैकरैछैं। एत्तेतक कि गैर-यहूदी आदमी भी, जे परमेश्वरके नियमके पालन नैकरैछै, अहिने करैछै।

१ कोरन्थी 1:2

हमे यी चिट्ठी कोरन्थी सहरमे भेल परमेश्वरके मण्डलीके लिखैछियै जकरा ख्रीष्ट येशूमे एक बन्याके आपन आदमी हुऐके लिए परमेश्वर अलग कैल्कौ छे आर ऊ तोरासिके आपन पवित्र आदमी हुऐके लिए बोलैल्कौ छे। आपनसिके प्रभु येशू ख्रीष्टके प्रार्थना करैके लिए सभे आदमीसिके पवित्र बनैल जुगुर ऊ तोरासिके भी पवित्र बनैल्कौ छे, कहिनेकी ऊ आपनसिके सभैके प्रभु छै।

गलाती 1:2

हमे यी चिट्ठी हमर संगमे भेल सभे विश्वासी भ्यासिके संगे ऊ मण्डलीसिके लिखैछियै जे गलातिया प्रदेशमे छै।

गलाती 2:3

हमर साथी तीतस, जे एकटा यूनानी आदमी छै, ओकर खतना कहियो कैल नैगेलै। मगर यरूशलेम सहरके मण्डलीके अगुवासब ओकरा स्वीकार कैल्कै। ऊसब खतना कराबैके लिए ओकरापर कोनो दबाब नैदेल्कै।

एफिसी 1:1

हमे, पावल यी चिट्ठी लिखैछियै। परमेश्वरके इच्छा रहै कि हमे ख्रीष्ट येशूके एकटा चुन्ल आर भेज्ल चेला बनियै। एफिसस सहरमे रहेवाला तुहें विश्वासीसिके हमे यी चिट्ठी लिखैछियौ।

फिलिप्पी 1:1

यी चिट्ठी हमे, पावल आर तिमोथीके तरफसे छै, जेसब येशू ख्रीष्टके दास छै। हमे यी चिट्ठी फिलिप्पी सहरके मण्डलीके देख-रेख करेवाला आर मण्डलीके सेवक सहित परमेश्वरके आदमीसिके लिखैछियै।

फिलिप्पी 4:7

तब परमेश्वरके शान्ति, जे आदमीके समझसे बाहार छै, से तोरसिके ह्रदय आर तोरसिके विचारके ख्रीष्ट येशूमे सुरक्षित राख्तौ।