फिलिप्पी 4:19 - केवट नया कारार

¹⁹ हमर परमेश्वर आपन असीम महिमाके भण्डारसे जे येशू ख्रीष्टमे रहैछै, तोरसिके सभे जरुरतके पुरा करि देतौ।

फिलिप्पी 4:19 Iomraidhean Croise

मत्ती 6:32

कहिनेकी परमेश्वरके नैचिन्हेवाला गैर-यहूदी आदमीसब यी सभे चीजके चिन्ता-फिकिर करैछै। आर स्वर्गमे रहेवाला परमेश्वर पिता तोर्हौसिके भी यी सभे चीजके जरुरत छै कहिके जानैछै। सेल्याके, चिन्ता-फिकिर नैकर।

यूहन्ना 20:17

येशू ओकरा कहैल्कै, “हमर चरणके पक्डीके हमरा नैरोक, कहिनेकी हमे एखनतक पिताके लगत नै गेलियै छे। मगर हमर भ्या-बहिनसिके लगत जैके कहिदहैं, ‘हमर पिता आर तोरसिके पिता, हमर परमेश्वर आर तोरसिके परमेश्वरके लगत हमे जैछियै।’ ”

यूहन्ना 20:27

तब येशू थोमाके कहैल्कै, “आपन आङगुरसे हमर हात छुबिके देख। आर आपन हात बढ्याके हमर पाँजरमे राख। शंका करैले बन्द कर मगर विश्वास कर कि हमे जिन्दा छियै।”

रोमी 1:8

सभैसे पहेला, हमे हमर परमेश्वरके येशू ख्रीष्टके द्वारा तोरसिके सभैके लिए धन्यवाद चढाबैछियै, कहिनेकी येशू ख्रीष्टमे भेल तोरसिके विश्वासके बारेमे बहुते जगहमे आदमीसब चर्चा करैछै।

रोमी 11:33

आहा! परमेश्वरके धन आर बुद्धि आर ज्ञान सच्चे बहुते महान छै! कोय भी ओकर फैसलाके व्याख्या नैकरे सकैछै, कोय भी ओकर रस्ताके नैसम्झे सकैछै!

रोमी 2:4

या तुहें परमेश्वरके भलाइ, सहनशीलता आर धीरजके तुच्छ सम्झैछैं? आर कि यी नैसम्झैछैं कि परमेश्वरके भलाइ तोरा पाप करैले छोडिके परमेश्वरके तरफ मन लगाबैके लिए सिखाबैछै?

रोमी 8:18

हमरा पक्का मालुम छै, कि जे महिमा परमेश्वर अपनासिके पाछु दिएवाला छै, से उटा तकलीफसे बहुते बडका छै जे अपनासब एखन सहैछियै।

रोमी 9:23

ऊ एरं कैल्कै कहिनेकी ख्रीष्टके बलिदानवाला मौतके माध्यमसे ऊ देखाबैले चहते रहै कि ऊ कतनें महान छै, जब परमेश्वर ऊ आदमीसिपर दया कैल्कै जकरा परमेश्वर आपन भरपुर महिमामे सामिल हुऐके लिए चुनल्कै छे।

२ कोरन्थी 12:21

आर कहीं एरं नैहै कि जब हमे दोबारा तोरसिसे भेट करैले वापस ऐबौ, हमर परमेश्वर हमरा लज्जित बनाबै। आर हमरा बहुते झनके लिए फेर शोक करे पडै, जेसब पहेला पाप कैल्कै रहे, आर आपन कैल अशुद्ध व्यवहार, व्यबिचार, आर भोग-विलासके लिए पाप करैले छोडिके परमेश्वरके तरफ मन नैलगैल्कै छे।

२ कोरन्थी 4:17

कहिनेकी हमरसिके समस्या छोटका छै आर बहुते लम्बा समयतक नैरहतै। कहिनेकी एकर परिणाम कहियो खतम नैहुएवाला महिमा हैतै, जे ऊ सभैसे बहुते बेसी हैतै जकर हमेसब कल्पना करे सकैछियै।

एफिसी 1:18

हमे यी भी प्रार्थना करैछियौ कि ऊ तोरासिके सचके आर उटा आशाके जकर लिए ऊ तोरासिके बोलैल्कौ छे, ओकरा समझैमे तोरसिके सहायता करौ। ताकी तुहेंसब जाने सक्हैं कि उटा आशिषसब कतनें महान आर महिमामय छै जकर प्रतिज्ञा परमेश्वर आपन सन्तसिके संगे कैल्कै छे।

एफिसी 1:7

ख्रीष्टके खून बहैल जैके कारणसे आपनसिके छुटकारा भेलै छे। यानिकी, आपनसिके पाप माफ कैल गेलै छे। परमेश्वरके अनुग्रह बहुते ही महान छै जे ऊ अपनासिके प्रशस्त करिके देल्कै छे।

एफिसी 2:7

परमेश्वर एरं इहे ल्याके कैल्कै ताकी आबेवाला दिनमे ऊ संसारके आदमीसिके देखाबे सकै कि ओकर अनुग्रह कतनें महान छै। ऊ आपनसिके लिए जे कुछु कैल्कै छे ओकरामे अपनासब जे येशू ख्रीष्टसंगे एकतामे छियै, अपनासिमे ओकरद्वारा अनुग्रह देखैल छै।

एफिसी 3:16

हमे प्रार्थना करैछियै कि ओकर महिमाके दौलतसे परमेश्वर तोरासिके आपन पवित्र-आत्मासे तोरासिके शक्ति दौ ताकी तुहेंसब आपन आत्मामे मजगुत हुए सक्हैं।

एफिसी 3:8

हमे परमेश्वरके सभे आदमीसिमेसे सभैसे कम महत्वपूर्ण छियै। मगर परमेश्वर हमरापर अनुग्रहकारी रहै कि हमे गैर-यहूदी आदमीसिके खुश-खबरी सुनाबे सक्लियै कि ख्रीष्ट अपार आशिषके मूल छै, जे समझसे बाहार छै।

फिलिप्पी 4:7

तब परमेश्वरके शान्ति, जे आदमीके समझसे बाहार छै, से तोरसिके ह्रदय आर तोरसिके विचारके ख्रीष्ट येशूमे सुरक्षित राख्तौ।

कलस्सी 1:27

परमेश्वर आपन आदमीसिके लिए यी रहस्य प्रकट करैके निर्णय कैल्कै ताकी ऊसब जानी जै कि ओकर योजना, जे जात-जातके आदमीसिके लिए छै से कतनें अदभुद आर महिमामय छै। ऊ रहस्य खुद ख्रीष्ट ही छै, जे तोरासिमे छौ। आर उहे यी बातके आशाके आधार छै कि तुहेंसब परमेश्वरके महिमामे सहभागी हैभैं।

कलस्सी 3:16

ख्रीष्टके वचनके बारेमे हरदम विचार कर, ताकी ऊ तोरसिके काम आर सोचमे नियन्त्रण करौ। पुरा बुद्धिमानीसे एक दोसरके सिखा आर चेतावनी दहैं आर आपन-आपन मनमे धन्यवादके साथ परमेश्वरके लिए भजन, स्तुति आर आत्मिक गीत गा।

१ थेसलोनिकी 2:12

तुहेंसब परमेश्वरके खुश करेवाला जीवन जी, जे तोरासिके आपन राज्य आर महानतामे बोलाबैछौ।

१ तिमोथी 6:17

यी संसारके मातबर आदमीसिके आदेश दहैं कि ऊसब घमण्डी नैबनै आर अस्थाई धन-दौलतमे ऊसब आपन आशा नैराखै, मगर उदारताके साथ अपनासिके सभे चीज दिएवाला परमेश्वरमे भरोसा राखक ताकी हमेसब आनन्दित हुए सकियै।

फिलेमोन 1:4

जब भी हमे तोरसिके लिए प्रार्थना करैछियै, हमे सभे दिन परमेश्वरके तोर लिए धन्यवाद दैछियै।

१ पत्रुस 5:1

कुछु एरं बातसब छै जे हमे ओत्ते भेल मण्डलीके अगुवासिके कहैले चाहैछियै कहिनेकी हमे भी तोरसिके जुगुर एकटा मण्डलीके रेख-देख करेवाला छियै। हमे खुद उटा दुःखसिके देख्लियै छे जे बहुते समय पहेला ख्रीष्ट सहैल्कै। जब ऊ फेर वापस ऐतै ते, हमे भी ओकर महिमामे सामिल हैबै। आब हमे तोरासिके आग्रह करैछियौ,

१ पत्रुस 5:10

परमेश्वर जे पूर्ण रुपसे अनुग्रहकारी छै, आपनसिके ख्रीष्टके संगे भेल सम्बन्ध हुऐके कारण आपन अनन्त महिमामे अपनासिके साझेदार हुऐके लिए बोलैल्कै छे। तुहेंसब कुछु समयके लिए कष्ट भोग्लके बाद परमेश्वर तोरासिके बढियाँ बनैतौ ताकी तोरासिमे कोनो दोष नैरहौ आर येशू तोरसिके हृदयके मजगुत बनैतौ आर ओकरापर तोरसिके भरोसाके वास्तवमे स्थिर बन्या देतौ।