फिलिप्पी 4:18 - केवट नया कारार

¹⁸ हमे सभे कुछु पाबि लेलियै छे आर बहुते भी छै, जे चीज तुहेंसब इपाफ्रोडिटसके द्वारा भेज्लहैं रहे उटा पाबिके हमे सन्तुष्ट भेलियै छे। तोरसिके उपहारसब हमर लिए पुजारीद्वारा परमेश्वरके चढैल मिठा सुगन्धवाला दान आर बलिदानके जुगुर छै। उटा परमेश्वरके लिए स्वीकार योग्य आर मनमोहक छै।

फिलिप्पी 4:18 Iomraidhean Croise

चुन्ल आर भेज्ल चेलासब 10:4

कर्नेलियस ओकर महर टकटकी लग्याके देखल्कै आर डरैते कहैल्कै, “हे प्रभु कि कहैछ?” स्वर्गदूत कहैल्कै, “तोर प्रार्थनासब आर तोरद्वारा गरिबसिके लिए कैल दयाके कामसब परमेश्वरके समनामे पुग्ल छौ। ऊ यी सभे बातके याद राखल्कौ छे।

रोमी 12:1

सेल्याके हे विश्वासी भ्या-बहिनसब, अपनासिपर भेल परमेश्वरके दया याद दिल्याके हमे तोरासिके बिन्ती करैछियौ, आपन-आपन जीवनके जिन्दा बलिदानके रुपमे परमेश्वरमे अर्पण कर। तोरसिके बलिदान पवित्र आर परमेश्वरके खुश करेवाला होना चाही। परमेश्वरके आराधना करैके सही तरिका इहे छै।

२ कोरन्थी 11:8

तोरसिके सेवा करैके लिए हमरा दोसर मण्डलीसे सहायता मिल्लै। तोरासिके यी नैकहना चाही कि एरं करना गलत छै।

२ कोरन्थी 9:12

कहिनेकी यी सेवाके काम पुरा करैसे सन्तसिके जरुरत खाली पुरा नैहैछै, मगर आदमीसिके द्वारा परमेश्वरके बहुते धन्यवाद भी चढैल जैछै।

एफिसी 5:2

ख्रीष्टके उदाहरणके अनुसरण कर्ते हुए, दोसर आदमीसिके प्रति प्रेमसे भर्ल जीवन जी, ख्रीष्ट तोरासे प्रेम कैल्कौ आर तोरसिके पापसिके उठाबैके लिए खुदके बलिदान करिदेल्कै। आर परमेश्वर यी बातसे खुश रहै, कहिनेकी उटा बलिदान ओकर लिए गमकौव्वा धुपके जुगुर रहै।

फिलिप्पी 4:12

हमे कंगाली आर भरपूरी दोनोमे जियैले सिखी लेलियै छे, चाहे हमर पेट भर्ल रहै या भुख्ल रहै, चाहे हमरलगत बहुते रहै या कुछु भी नैरहै, हमे ऊ सभे विषय आर परिस्थितिमे सन्तुष्ट रहैले सिखी लेलियै छे।

२ थेसलोनिकी 1:3

हे विश्वासी भ्या-बहिनसब, तोरसिके लिए सभे दिन हमरासिके परमेश्वरके धन्यवाद चढाना चाही, आर यी करना हमरसिके लिए उचित छै, कहिनेकी तुहेंसब निरन्तर येशू ख्रीष्टमे विश्वास करैछैं आर एक दोसरप्रतिके तोरसिके प्रेम भी बढते गेलौ छे।

हिब्रू 13:16

मगर भलाइ करना आर जे कुछु तोरसिकेलगत छौ, ओकरा जरुरत पडल आदमीसिके संगे बाँटचुट कर, कहिनेकी परमेश्वर एरं बलिदानसिसे खुश हैछै।