फिलिप्पी 4:14 - केवट नया कारार

¹⁴ तैय्योपर भी हमर लिए पैसा भेजिके हमर कष्टमे तुहेंसब सहभागी भ्याके बहुते बढियाँ कैल्हैं छे।

फिलिप्पी 4:14 Iomraidhean Croise

मत्ती 25:21

मालिक ओकरा कहैल्कै, ‘शाबास! बढियाँ आर विश्वासयोग्य नोकर! तुहें कम धन सम्हारैमे विश्वासयोग्य भेल्हैं, आब हमे तोरा बहुते धन सम्हारैके जिम्मा देबौ। तुहें आपन मालिकके खुशीमे सामिल हो।’

रोमी 15:27

यी दान ऊसब खुशीसे जमा कैल्कै रहे, आर सच्चे यीसब यरूशलेम सहरके आदमीसिके कर्जदार छै। कहिनेकी गैर-यहूदी आदमीसब यरूशलेम सहरके विश्वासीसिसे खुश-खबरीके आत्मिक आशिष पैल्कै, सेल्याके ओकरासिके लागैछै कि एकर बदलामे ऊसब कमसे कम ओकरासिके आर्थिक सहायता करे सकैछै।

गलाती 6:6

यी बात उचित छै कि जे आदमीसब परमेश्वरके वचनके सिखाबैछै, ओकरा परमेश्वरके वचन सिखेवाला आदमीसिसे भौतिक सहायता मिलना चाही।

फिलिप्पी 1:7

तोरसिके सभैके लिए एरं सोचना हमर लिए सही छै, कहिनेकी तोरसिके लिए हमर मनमे विशेष जगह छै। चाहे हमे कैदमे छियै या खुश-खबरीके सच्चाईके साबित आर रक्षा करैछियै, हरेक समयमे तुहेंसब परमेश्वरके अनुग्रहमे हमरसंगे सामिल भेल छैं।

फिलिप्पी 4:18

हमे सभे कुछु पाबि लेलियै छे आर बहुते भी छै, जे चीज तुहेंसब इपाफ्रोडिटसके द्वारा भेज्लहैं रहे उटा पाबिके हमे सन्तुष्ट भेलियै छे। तोरसिके उपहारसब हमर लिए पुजारीद्वारा परमेश्वरके चढैल मिठा सुगन्धवाला दान आर बलिदानके जुगुर छै। उटा परमेश्वरके लिए स्वीकार योग्य आर मनमोहक छै।

१ तिमोथी 6:18

ओकरासिके बहुते बढियाँ कामसब करैके लिए कहैं। ऊसब बढियाँ काम करैमे मातबर हुए पडैछै आर जरुरत पडल आदमीसिके उदारताके साथ दै आर ओकरसिके संगमे जे छै से चीजसब बाँट-चुट कर्ते रहै।

हिब्रू 10:33

कतनें बेर तुहेंसब निन्दा आर अत्याचार सहते सभे आदमीसिके समनामे तमासा बन्लहैं आर कतनें बेर एरंके तकलीफ पाबेवालासिके साथ देल्हैं।

हिब्रू 10:34

तुहेंसब जेलमे कैदमे भेल आदमीसिके संगे सहानुभूति देखैल्हैं, आर तुहेंसब आपन धन-दौलत लुट्ल गेल पर भी खुशीके साथ सहलहैं, कहिनेकी तुहेंसब जानैछैं कि तोरसिकेलगत आब भी ऊ सभे चीज छौ जकर प्रतिज्ञा परमेश्वर कैल्कै रहे, जे कि बेसी बढियाँ छै आर जे सभे दिन रहैछै।

हिब्रू 13:16

मगर भलाइ करना आर जे कुछु तोरसिकेलगत छौ, ओकरा जरुरत पडल आदमीसिके संगे बाँटचुट कर, कहिनेकी परमेश्वर एरं बलिदानसिसे खुश हैछै।

प्रकाश 1:9

हमे, यूहन्ना, जे ख्रीष्टमे तोर साथी छियौ, तोरेसिके जुगुर सतैल जैछियै। हमे परमेश्वरके राज्यके एकटा नागरिक छियै जेरं कि तुहेंसब छैं आर हमरा भी आपन तकलीफके ओहिने ही धीरजके साथ सहन करना चाही जेरं तुहेंसब करैछैं। हमे परमेश्वरके वचन प्रचार करैके आर येशूके विषयमे बताबैके कारण पत्मोसके टापुमे निर्वासित करि देल गेलियै रहे।