फिलिप्पी 4:11 - केवट नया कारार

¹¹ हमरा जरुरी पडल चीज हमरलगत नैहुऐके कारणसे हमे यी नैकहैछियौ, कहिनेकी जेरंको भी परिस्थितिमे सन्तुष्ट रहैले हमे सिखी लेलियै छे।

फिलिप्पी 4:11 Iomraidhean Croise

लूका 3:14

अहिने करिके सिपाहीसब पुछल्कै, “आब हमेसब कि करियै?” यूहन्ना कहैल्कै, “ककरो उप्पर अत्याचार करिके आर झुट्ठा दोष लग्याके पैसा नैले। मगर आपन दरमाहामे सन्तुष्ट र।”

२ कोरन्थी 11:27

हमे अनेक रात जागिके, भुख्ल-प्यास्ल रहिके, अक्सर भुख्ल रहिके, जाड आर कपडाके अभावमे रहिके कठिन मेहनत कैलियै आर अनेक कष्ट भोग्लियै छे।

२ कोरन्थी 6:10

हमरसिके लगत दुःखके समय रहै, मगर सभे दिन आनन्दित रहैछियै। हमेसब खुद ते कंगाल छियै, मगर बहुते आदमीसिके आत्मिक रुपसे मातबर बन्या दैछियै। हमरसिके लगत आपन कुछु नैहैते पर भी सभे कुछु छै।

२ कोरन्थी 8:9

तुहेंसब आपनसिके प्रभु येशू ख्रीष्टके अनुग्रहके जानैछैं, कि ऊ मातबर भ्याके भी तोरसिके खातिर गरिब बन्लै ताकी ओकर गरिबीसे तुहेंसब मातबर हुए सक्हैं।

२ कोरन्थी 9:8

परमेश्वर सभे प्रकारके अनुग्रह तोरसिके जरुरतसे बेसी दिए सकैछै। जकरासे हरेक बातमे आर हरेक समय, सभे कुछु, जे तोरासिके जरुरत हौ तोरसिकेलगत रहौ आर ताकी तोरसिकेलगत सभे कुछु सभे दिन बहुते हौ आर हरेक भला कामके लिए बहुतायतसे उपलब्ध करवाबे सक्हैं।

फिलिप्पी 3:8

मगर येशू ख्रीष्टके हमर प्रभुके रुपमे चिन्हैके कारण, जे सभे चीजसिसे मूल्यवान छै, हमे उटा सभे चीजके हानी सोच्लियै, ओकरे कारण हमे सभे चीज त्यागी देलियै, आर ऊ सभे चीजके कचरा सोच्लियै, ताकी हमे ख्रीष्टके हुए सकियै।

हिब्रू 10:34

तुहेंसब जेलमे कैदमे भेल आदमीसिके संगे सहानुभूति देखैल्हैं, आर तुहेंसब आपन धन-दौलत लुट्ल गेल पर भी खुशीके साथ सहलहैं, कहिनेकी तुहेंसब जानैछैं कि तोरसिकेलगत आब भी ऊ सभे चीज छौ जकर प्रतिज्ञा परमेश्वर कैल्कै रहे, जे कि बेसी बढियाँ छै आर जे सभे दिन रहैछै।