फिलिप्पी 4:10 - केवट नया कारार

¹⁰ हमे प्रभुमे बहुते आनन्दित छियै कि आब बहुते दिनके बाद हमर लिए उपहार भेजिके हमर लिए तोरसिके वास्ता फेर बढ्ल छौ। तुहेंसब सच्चे हमर लिए चिन्तित रहैं, मगर तोरासिके हमरा सहायता करैके मौका नैमिल्लौ।

फिलिप्पी 4:10 Iomraidhean Croise

२ कोरन्थी 11:9

आर जब हमे तोरसिके संगे रहियै आर हमरा धनके कमी भेलै ते, हमे ककरोपर बोझ नैबन्लियै, कहिनेकी विश्वासी भ्यासब माकेडोनिया प्रदेशसे आबिके हमर जरुरत पुरा करिदेल्कै। आर सभे बातमे हमे कोनो भी तरहसे तोरसिके लिए कोनो भी तरहके परेशानी बनैसे बच्लियै आर हमे भविष्यमे भी तोरासिपर बोझ नैबन्बौ।

२ कोरन्थी 6:7

परमेश्वरके सच्चाईके वचनमे आर ओकर शक्तिमे, हमेसब धार्मिकताके हतियारसब दहिना हातमे हमलाके लिए आर बायाँ हातमे बचावके लिए प्रयोग करैछियै।

गलाती 6:10

सेल्याके मौका पाबै तक अपनासब सभे आदमीसिके संगे भलाइ कर, विशेष करिके ख्रीष्टमे विश्वासी भ्या-बहिनसिके लिए।

गलाती 6:6

यी बात उचित छै कि जे आदमीसब परमेश्वरके वचनके सिखाबैछै, ओकरा परमेश्वरके वचन सिखेवाला आदमीसिसे भौतिक सहायता मिलना चाही।

फिलिप्पी 1:1

यी चिट्ठी हमे, पावल आर तिमोथीके तरफसे छै, जेसब येशू ख्रीष्टके दास छै। हमे यी चिट्ठी फिलिप्पी सहरके मण्डलीके देख-रेख करेवाला आर मण्डलीके सेवक सहित परमेश्वरके आदमीसिके लिखैछियै।

फिलिप्पी 1:3

पहेला दिनसे ही एखनतक तुहेंसब येशू ख्रीष्टके विषयमे यी खुश-खबरीपर विश्वास कैल्हैं छे आर एकरा फैलाबैमे तुहेंसब हमर सहयोगी भेल्हैं छे। सेल्याके, जब भी हमे तोरसिके विषयमे सोचैछियै ते परमेश्वरके धन्यवाद दैछियै। आर हमे आनन्दके साथ तोरसिके सभैके लिए परमेश्वरके सहायताके लिए प्रार्थना करैछियौ।

फिलिप्पी 2:30

कहिनेकी ऊ ख्रीष्टके कामके लिए आपन जानके जोखिम उठ्याके मरै पर भेलै रहे, ताकी ऊ उटा कामसे हमरा सहायता करे सकै जे काम तुहेंसब करैले नैसक्लहैं छे, कहिनेकी तुहेंसब बहुते दूर छैं।