फिलिप्पी 3:6 - केवट नया कारार

⁶ उत्साहके विषयमे यदि कहैं ते मण्डलीके सताबेवाला, आर यहूदी विधि-विधानके पालन करैमे हमे एकटा धर्मी आदमी रहियै कहिनेकी हमे ऊसब पालन कैलियै रहे।

फिलिप्पी 3:6 Iomraidhean Croise

मत्ती 23:25

हे यहूदी धरमशास्त्रके पण्डितसब आर फरिसी समूहके आदमीसब, तोरसिके लिए यी बहुते भयानक हैतौ! तुहेंसब ढोंगी छैं! तुहेंसब बर्तनके जुगुर छैं जे बाहारसे साफ हैछै मगर भितरसे गन्दे हैछै। अहिने करिके तुहेंसब दोसर आदमीके समनामे अपने आपके बढियाँ आदमीके रुपमे देखाबैछैं। मगर तोरसिके मनमे लोभ आर स्वार्थीपन भर्ल हैछौ।

मत्ती 5:20

कहिनेकी हमे तोरासिके कहैछियौ, विधि-विधानके आज्ञासिके यहूदी धरमशास्त्रके पण्डित आर फरिसी समूहके आदमीसिसे बेसी बढियाँसे पालन नैकर्भैं ते तुहेंसब परमेश्वरके राज्यमे प्रवेश करैले नैसक्भैं।”

लूका 1:6

यी दोनो झन परमेश्वरके नजरीमे धर्मी रहै, आर परमेश्वरके सभेटा आज्ञा आर विधि-विधानके अनुसार निर्दोष भ्याके जीवन जिते रहै।

चुन्ल आर भेज्ल चेलासब 21:20

यी सुन्लके बाद ऊसब परमेश्वरके महिमा कैल्कै। फेर ऊसब पावलके कहैल्कै, “हे भैय्या, तुहें यी जानैछ कि यहूदी आदमीसिमेसे प्रभु येशूमे विश्वास करेवालासब हजारो आदमीसब छै। आर ऊसब सभेको मूसाके विधि-विधानके बहुते गम्भीरतासे मानैछै।

चुन्ल आर भेज्ल चेलासब 22:5

खुद प्रधान पुजारी आर सभे महासभाके यहूदी आदमीसिके अगुवा भी गवाह छै। उहेसब हमरा दमसकस सहरमे भेल यहूदी भ्या-बहिनसिके नाममे चिट्ठी देल्कै आर ऊ चिट्ठीमे हमरा प्रभु येशूमे विश्वास करेवाला आदमीसिके पकडैले अधिकार मिल्ल रहै। सेल्याके ओकरासिके यरूशलेम सहरमे आनिके सजाय दियैके मकसदसे हमे दमसकस सहरमे गेलियै रहे।

चुन्ल आर भेज्ल चेलासब 26:5

अगर ऊसब गवाही दियैले चाहैछै ते ऊसब हमरा जवानीसे चिन्हैछै, कि हमे आपन यहूदी आदमीसिके धरममे सभैसे बेसी कट्टर पन्थ, यानिकी फरिसी समूहके आदमीके पन्थमे चलेवाला एकटा आदमी रहियै।

चुन्ल आर भेज्ल चेलासब 8:3

मगर शाउल मण्डलीके सतैते रहै। आर ऊ घर-घर ढुकिके विश्वासी मरद आर जनानीसिके घिसिया-घिसियाके लज्याके जेलमे बन्द कर्या देते रहै।

रोमी 7:9

पहेला हमे विधि-विधानके बारेमे नैजानिके जीवन जिते रहियै, मगर जब हमरा विधि-विधानके बारेमे मालुम भेलै, तब पापके शक्ति बढे लाग्लै आर हमे परमेश्वरसे दूर भ्या गेलियै।

१ कोरन्थी 10:32

तुहेंसब कक्रहौ भी ख्रीष्टमे विश्वास करैसे दूर लजाबेवाला काम नैकर, चाहे ऊ यहूदी आदमीसिके है, या गैर-यहूदी आदमीसिके है या परमेश्वरके मण्डलीके है।

१ कोरन्थी 15:9

कहिनेकी चुन्ल आर भेज्ल चेलासिमेसे हमे कम महत्वपूर्ण छियै, एत्तेतक कि चुन्ल आर भेज्ल चेला कहलाबैके भी योग्यके नैछियै, कहिनेकी हमे परमेश्वरके मण्डलीसिके सतैलियै रहे।

फिलिप्पी 2:15

ताकी तुहेंसब भ्रष्ट आर दुष्ट आदमीसिसे भर्ल यी संसारमे परमेश्वरके सिद्ध बेटा-बेटीसिके जुगुर साफ आर निर्दोष जीवन जी। यी संसारके आदमीसिके बीचमे तोरासिके आकाशके तारासिके जुगुर अनहारमे चमकना चाही जब तुहेंसब ओकरासिके उटा वचन बताबैछैं जे कहियो खतम नैहुएवाला जीवन दैछै।

फिलिप्पी 3:9

ताकी हमे ओकरामे एक भ्याके जिये सकियै। हमर धर्मी घोषित होना मूसाके विधि-विधानप्रतिके हमर आज्ञाकारितामे आधारित नैछै, मगर हमर धर्मी घोषित होना इहे छै, जे परमेश्वर ख्रीष्टमे भेल हमर विश्वासके कारणसे देल्कै छे।

१ तिमोथी 1:13

हमे विश्वासी हुऐसे पहेला ख्रीष्टके बारेमे अपमानके बातसब बोल्ते रहियै, आर विश्वासीसिके सताबियै, आर ओकरसिके प्रति क्रूर व्यवहार करियै। तखनतक हमे ख्रीष्टमे विश्वास नैकैलियै रहे आर सेल्याके हमे यी बात नैबुझ्लियै रहे कि हमे जे काम कर्ते रहियै उटा काम गलत रहै। सेल्याके ख्रीष्ट हमरप्रति दयालु भेलै।