फिलिप्पी 3:18 - केवट नया कारार

¹⁸ कहिनेकी हमे तोरासिके पहेला बहुतेबेर कही चुक्लियौ छे आर एखनिहौं कानी-कानीके कहैछियौ, कि एरंको बहुते आदमीसब छै जेसब आपन चाल-चलनके द्वारा देखाबैछै कि ऊसब सच्कोरे ख्रीष्टके क्रूसके दुश्मन छै।

फिलिप्पी 3:18 Iomraidhean Croise

लूका 19:41

जब येशू यरूशलेम सहरके नज्दिक ऐलै, तब यी सहरके आदमीसिके देखिके ऊ कान्लै।

चुन्ल आर भेज्ल चेलासब 20:19

बहुते विनम्रतासे आर लोर बहैते उटा संकटके समयमे भी, जे यहूदी आदमीसिके षड्यन्त्रके बदौलत हमरापर ऐलै रहे, हमे प्रभुके सेवा कर्ते रहैलियै।

१ कोरन्थी 1:18

कहिनेकी सजाय पाबैके लिए परमेश्वरसे अलग भेल आदमीसब ख्रीष्ट क्रूसमे मर्ल शिक्षाके महत्वहीन समझतै, मगर अपनासब जेसब बचैल छियै, अपनासिके मालुम छै कि यी परमेश्वरके शक्तिके सबूत छै।

१ कोरन्थी 6:9

तुहेंसब जरुर ही जानैछैं कि दुष्ट आदमीसब परमेश्वरके राज्यके हकदार नैहैछै। कोय भी आदमी तोरासिके धोखा नैदौ। जे आदमीसब अनैतिक, मूर्तिपुजक, व्यबिचारी, समलिंगी, पुरुषगामी,

२ कोरन्थी 11:13

कहिनेकी एरंको आदमीसब सच्चा चुन्ल आर भेज्ल चेलासब नैछै आर छलसे काम करेवाला छै। ऊसब ख्रीष्टके चुन्ल आर भेज्ल चेलासब हुऐके दिखावा करैछै।

२ कोरन्थी 11:29

जब कोय कमजोर हैछै ते हमे भी कमजोर महसुस करैछियै। यदि कोय पाप करैके परीक्षामे पडैछै ते हमे बहुते परेशान भ्या जैछियै।

२ कोरन्थी 2:4

दुःखसे भर्ल मनसे भितरी हृदयके बेदना सहते लोर बहया-बहयाके हमे यी चिट्ठी लिख्लियौ रहे। हमे ऊ चिट्ठी तोरासिके दुःख पहुँचाबैके लिए नै लिख्लियौ, मगर इहे ल्याके लिख्लियौ जे तुहेंसब यी जान्हैं कि हमे तोरासिके कतनें बेसी प्रेम करैछियौ।

गलाती 1:7

वास्तवमे खाली एक्केटा सच्चा खुश-खबरी छै, मगर कुछु आदमीसब ख्रीष्टके विषयके खुश-खबरीके बिगाडैले चाहैछै आर ऊ आदमीसब तोरासिके धोखा देल्कौ छे।

गलाती 2:14

मगर जब हमे देख्लियै कि ओकरसिके व्यवहार ऊसब जे कर्ते रहै, उटा खुश-खबरीके सच्चा शिक्षाके संगे मेल नैखैते रहै, तब हमे सभैके समनामे खुल्लम-खुल्ला पत्रुसके कहैलियै, “तुहें एकटा यहूदी आदमी भ्याके भी गैर-यहूदी आदमीसिके रिती-रिवाजके पालन करैछ आर यहूदी आदमीसिके रिती-रिवाजके पालन नैकरैछ। तब फेर तुहें गैर-यहूदी आदमीसिके अपनासब यहूदी आदमीसिके रिती-रिवाजसिके पालन करैके लिए कहिने दबाब दैछ?”

गलाती 2:21

हमे यी बातके इन्कार नैकरे सकैछियै कि परमेश्वर आपनसिके प्रति अनुग्रहके कारण अपनासिके बचैल्कै। कहिनेकी यदि विधि-विधानके मानैके द्वारा कोनो आदमीके धर्मी घोषित करैके लिए सम्भव हैतियै ते फेर ख्रीष्टके मरैके लिए कोनो जरुरत नैरहै।

गलाती 5:21

डाहा, पियक्कडपन, मौजमजा आर ऊसब एरंको दोसर सभे खराब कामसब करैछै। यी सभैके विषयमे हमे तोरासिके चेतावनी दैछियौ आर पहेला भी देलियौ छे। जे एरंको कामसब करैछै, ऊसब परमेश्वरके राज्यके हकदार नैबन्तै।

गलाती 6:12

यहूदी आदमीसिके खुश करैके लिए ऊसब तोरासिसे खतना करवाबैके लिए कहैछौ। ऊसब यी इहे ल्याके करैछै ताकी आदमीसब ओकरासिके यी प्रचार करैके कारण नै सताबै कि परमेश्वर आदमीसिके खाली इहे ल्याके बचाबैछै कहिनेकी ख्रीष्ट क्रूसपर मर्लै कहिके ऊसब विश्वास करैछै।

गलाती 6:14

हमर लिए, यदि हमे घमण्ड करैछियै ते हमे खाली यी बात पर घमण्ड कर्बै कि आपनसिके प्रभु येशू ख्रीष्ट आपनसिके लिए क्रूसपर मर्लै। क्रूसपर ख्रीष्टके मौतके कारण यी संसारके चीजसिके हमर लिए कोनो मतलब नैछै, आर हमे यी संसारके लिए कुछु भी नैछियै।

एफिसी 4:17

सेल्याके प्रभु हमरा देल अधिकारके साथ हमे तोरासिके यी बताबैछियौ कि जेरं अविश्वासी आदमीसब ओकरसिके बेकारके विचारके साथ आपन रीतिमे चलैछै, आब तुहेंसब फेर एरं जीवन नैजिते र।

१ थेसलोनिकी 4:6

एरं करिके, कोय भी आपन विश्वासी भ्या-बहिनके विरुद्धमे पाप नैकरक आर ओकर फैदा नैउठाबक कहिनेकी प्रभु येशू एरंको सभे काम करेवाला आदमीसिके सजाय देतै। हमेसब तोरासिके एकर बारेमे पहलहै साफसे कहैलियौ रहे आर गम्भीर चेतावनी देलियौ रहे।

२ थेसलोनिकी 3:11

हमेसब सुनैछियै, कि तोरसिमेसे कतनें झन कोढिया जीवन बिताबैछै। ऊसब अपना कोनो काम नैकरैछै, मगर दोसरके काममे बेकारमे दखल दैछै आर ओकरासिके काम करैसे रोकैछै।

२ पत्रुस 2:10

परमेश्वर जरुर ही ऊ झुट्ठा शिक्षकसिके सजाय देतै, जे आपन दुष्ट, लजलग्गा इच्छाके मुताबिक काम करैछै आर आपन उप्परमे परमेश्वरके अधिकारके अस्वीकार करैछै। ऊसब हठी आर अहंकारी हैछै। ऊसब स्वर्गमे भेल महिमित प्राणीसिके बारेमे अपमान करैले नैडराबैछै।

यहूदा 1:13

जेरंके समुन्दरके अशान्त लहर गन्दा फेन बनाबैछै, ओहिने करिके यी आदमीसब शर्मनाक काम करैछै। ऊसब कुछु तारासिके जुगुर छै जे एकटा सिधा रस्तापर नैचलैछै, ऊसब सही रस्ता नैदेखाबैछै। प्रभु ओकरसिके लिए एकटा जगह राखैछै जे पुरा तरहसे अनहार छै जते ओकरासिके सभे दिनके लिए रहे पड्तै।