फिलिप्पी 3:15 - केवट नया कारार

¹⁵ सेल्याके अपनासिमेसे जतनें भी आदमी आत्मिक रुपमे परिपक्क छियै सभेको अहिने मनके बन, आर तुहेंसब कोनो बातमे दोसर विचारके छैं ते परमेश्वर उहो बात तोरासिके साफसे बुझ्या देतौ।

फिलिप्पी 3:15 Iomraidhean Croise

मत्ती 5:48

सेल्याके, जेरंके स्वर्गमे रहेवाला परमेश्वर पिता सभे समय सही काम करैछै, ओहिने करिके तहुँसब भी सभे समय उहे कर जे सही छै।”

लूका 11:13

यदि तुहेंसब दुष्ट भ्याके भी आपन बेटा-बेटीसिके बढियाँ चीज दिए जानैछैं ते, स्वर्गमे भेल तोरसिके परमेश्वर पिता ओकरसे माँगेवालासिके कतनें बेसी करिके पवित्र आत्मा देतै।”

यूहन्ना 6:45

धरमशास्त्रमे परमेश्वरके वक्तासब एरं लिखल्कै छे, ‘परमेश्वर ही सभे आदमीसिके सिखैतै।’ एरंके परमेश्वर पिताके शिक्षा सुनेवाला आर सिखेवाला सभे हमरलगत ऐतै।

यूहन्ना 7:17

परमेश्वरके इच्छा मुताबिक काम करेवाला आदमीसब यी जानी लेतै कि हमर शिक्षा परमेश्वरके तरफसे आबैछै या हमर आपने अधिकारसे आबैछै।

रोमी 15:1

अपनासब, जे विश्वासमे मजगुत छियै यी जानैछियै कि यी बातसिसे कोय फरक नैपडैछै, मगर अपनासब खाली खुदके खुश बनाबैके लिए एरं नैकरे सकैछियै। अपनासिके ऊ आदमीसिके शंका आर डरसिपर धीरज करना चाही जे यी बातसिके गलत मानैछै।

१ कोरन्थी 14:20

हे विश्वासी भ्या-बहिनसब, एकटा बच्चाके जुगुर नैसोच, मगर बच्चासिके जुगुर निर्दोष बन, जब खराबीके बात आबैछै, मगर एरंको बातसिके बुझैमे परिपक्क बन।

१ कोरन्थी 2:6

तैय्योपर भी हमे जे आदमीसब आत्मिक रुपसे परिपक्क छै ओकरसिके बीचमे ज्ञानके सन्देशके घोषणा करैछियै। मगर यी ज्ञान संसारिक ज्ञान नैछै आर नैते यी संसारके शासकसिके ज्ञान छै, जेसब नाश हुएवाला छै।

गलाती 5:10

हमे परमेश्वरपर भरोसा राखैछियै कि ऊ तोरासिके झुट्ठा शिक्षासिपर विश्वास करैसे बच्याके राख्तौ। मगर तोरसिके लिए परेशानी खडा करेवाला सभे आदमीसब परमेश्वरके द्वारा सजाय पैतै।

एफिसी 1:17

हमे प्रार्थना करैछियै कि परमेश्वर, आपनसिके प्रभु येशू ख्रीष्टके महिमामय पिता, तोरासिके आत्मिक ज्ञान आर समझ दौ आर तोरा यी समझैके लिए सहायता करौ कि परमेश्वरके जानैके मतलब कि छै।

कलस्सी 1:28

हमेसब सभे आदमीके ख्रीष्टके बारेमे सन्देश प्रचार करैछियै, आर परमेश्वरके देल बुद्धिसे सभे आदमीसिके चेतावनी आर शिक्षा दैछियै। ताकी जब ऊसब परमेश्वरके समनामे खडा हैतै, तब ऊसब ख्रीष्टमे परिपक्क भेल बात हमेसब पक्का करे सकियै।

कलस्सी 4:12

इपाफ्रास जे तोरसिके सहरसे छै, आर ख्रीष्ट येशूके दास छै, तोरासिके नमस्कार भेजल्कौ छे। आर ऊ सभे दिन तोरसिके लिए लगनशील भ्याके यी प्रार्थना करैछौ कि तुहेंसब परमेश्वरके सभे इच्छामे पूर्ण रुपसे आज्ञाकारी हुऐके कारणसे विश्वस्त हुए सक्हैं।

१ थेसलोनिकी 4:9

मगर आपन विश्वासी भ्या-बहिनसिके प्रति प्रेमके विषयमे कक्रहौ तोरासिके लिखैके जरुरत नैछै, कहिनेकी एक दोसरके प्रेम करिहैं कहिके तुहेंसब आपनहैं परमेश्वरसे शिक्षा पैल्हैं छे।

२ तिमोथी 3:17

ताकी परमेश्वरके आदमीसब सभे प्रकारके बढियाँ कामसब करैके लिए तैय्यार आर सुसज्जित हुए सकै।

हिब्रू 5:14

ठोस खाना ऊ आदमीके लिए छै जे विश्वासमे परिपक्क छै, जे अभ्यासके द्वारा सही आर गलतके पहचान करैमे सक्षम छै।

१ यूहन्ना 2:5

मगर जे आदमी परमेश्वरके वचन पालन करैछै, ओकरामे परमेश्वरप्रतिके प्रेम सच्चेके सिद्ध भेल छै। अपनासिके एक्रहैसे मालुम हैछै कि अपनासब ओकरामे एक भेल छियै,