फिलिप्पी 3:14 - केवट नया कारार

¹⁴ ख्रीष्ट येशूमे परमेश्वरके स्वर्गीय बुलाहटके इनाम पाबैके लिए हमे निशाना महर दौड्ते जैछियै।

फिलिप्पी 3:14 Iomraidhean Croise

लूका 16:16

बप्तिस्मा दिएवाला यूहन्नाके समयतक, मूसाके विधि-विधान आर परमेश्वरके वक्तासिके प्रचार तोरसिके लिए मार्ग दर्शक रहै। मगर आब परमेश्वरके राज्यके खुश-खबरीके प्रचार कैल जैछै, आर सभेकोय परमेश्वरके राज्यमे पुरा बलके साथ प्रवेश करैके कोशिश करैछै।

रोमी 11:29

कहिनेकी परमेश्वर आपन वरदान आर बुलाहटसे कहियो भी आपन मन नैबदलैछै।

१ कोरन्थी 9:24

जेरं दौडमे दौडेवाला सभेकोय दौडैछै, मगर इनाम ते एक्के झन पाबैछै। ओहिने करिके, अपनासिके परमेश्वरके खुश बनाबेवाला सभे काम करना चाही, ताकी अपनासब परमेश्वर भविष्यमे दिएवाला इनाम पाबे सकियै।

२ कोरन्थी 4:17

कहिनेकी हमरसिके समस्या छोटका छै आर बहुते लम्बा समयतक नैरहतै। कहिनेकी एकर परिणाम कहियो खतम नैहुएवाला महिमा हैतै, जे ऊ सभैसे बहुते बेसी हैतै जकर हमेसब कल्पना करे सकैछियै।

फिलिप्पी 3:3

कहिनेकी परमेश्वरके आत्मामे आराधना करेवाला, ख्रीष्ट येशूमे गर्व करेवाला आर आपने मानव प्रयासमे भरोसा नैराखेवाला अपनासब ही छियै, जेसब वास्तवमे ही परमेश्वरके आदमीसब छियै।

कलस्सी 2:18

ख्रीष्ट शरीरके शिर छै, ओकरे लिए ही शरीरके सभे अंगके देखभाल कैल जैछै आर संगहै राख्ल जैछै, एरंके यी परमेश्वरके चहेल मुताबिक बढैछै। अपने आपके अपमान करिके आर स्वर्गदूतसिके आराधना करैले लग्याके कक्रहौ तोरासिके अयोग्य बनाबैले नैदहैं। एरंको आदमीसब दर्शन देखैछै जे ओकरासिके मानव सोचके कारणसे मूर्खपनके घमण्डसे भरैछै। ऊसब ख्रीष्टके छोडी देल्कै छे।

१ थेसलोनिकी 2:12

तुहेंसब परमेश्वरके खुश करेवाला जीवन जी, जे तोरासिके आपन राज्य आर महानतामे बोलाबैछौ।

२ तिमोथी 1:9

ऊ अपनासिके बचैल्कै आर अपनासिके एकटा पवित्र जीवन जियैके लिए बोलैल्कै छे, आर अपनासब बढियाँ काम करैके कारणसे ऊ अपनासिके नैचुनल्कै छे, मगर ओकर आपन योजना आर अनुग्रहके आधारमे छै। यी संसारके सृष्टि हुऐसे पहेला ही परमेश्वर येशू ख्रीष्टके आपनसिके लिए मरैके लिए भेजिके आपन अनुग्रह अपनासिपर देखाबैके योजना बन्या लेल्कै रहे।

हिब्रू 3:1

सेल्याके हे विश्वासी भ्या-बहिनसब, जेसब परमेश्वरसे सम्बन्ध राखैछैं, तुहेंसब स्वर्गमे ओकरसंगे सामिल हुऐके लिए बोलैल गेल्हैं छे। प्रभु येशूपर ध्यान दहैं, जे आपनसिके लिए परमेश्वरके सन्देशवाहक आर प्रधान पुजारी छै।

हिब्रू 6:1

सेल्याके या जे बात अपनासिके सभैसे पहेला ख्रीष्टके विषयमे सिखैल गेलै रहे, उहे आधारभूत शिक्षासिके नै दोहरैते र, आर या अपनासब परिपक्क शिक्षासिके बारेमे विचार विमर्श करैछियै। या अपनासब उटा आधारभूत शिक्षासिके अलग राखियै जे एकटा जगके जुगुर छै, यानिकी, आपन पापमय कामसे जे मौतके महर ल्याजैछै, पाप करैले छोडिके परमेश्वरके तरफ मन लगाबैके विषयमे आर परमेश्वरपर भरोसा करैके विषयमे सिखाबैछै।

१ पत्रुस 1:13

सेल्याके सचेत र कि तुहेंसब कि करेवाला छैं आर होशियार र। उद्धार पाबैके आशा कर, जे अनुग्रहसे आबैछै, जे तोरासिके येशू ख्रीष्ट यी संसारमे फेर वापस आबैके दिनमे देल जैतौ।

१ पत्रुस 5:10

परमेश्वर जे पूर्ण रुपसे अनुग्रहकारी छै, आपनसिके ख्रीष्टके संगे भेल सम्बन्ध हुऐके कारण आपन अनन्त महिमामे अपनासिके साझेदार हुऐके लिए बोलैल्कै छे। तुहेंसब कुछु समयके लिए कष्ट भोग्लके बाद परमेश्वर तोरासिके बढियाँ बनैतौ ताकी तोरासिमे कोनो दोष नैरहौ आर येशू तोरसिके हृदयके मजगुत बनैतौ आर ओकरापर तोरसिके भरोसाके वास्तवमे स्थिर बन्या देतौ।

२ पत्रुस 1:3

परमेश्वर आपन शक्तिके द्वारा अपनासिके उटा सभे कुछु देल्कै छे, जे अपनासिके एकटा ईश्वरीय जीवन जियैके लिए चाही। यी सम्भव छै कहिनेकी अपनासब परमेश्वरके चिन्हैछियै आर ऊ उहे छै जे अपनासिके आपन महिमा आर नैतिक भलाइके द्वारा आपन आदमी हुऐके लिए बोलैल्कै छे।

प्रकाश 3:21

जे आदमीसब जित हासिल करैछै, ओकरा हमे आपन सिंहासनके बगलमे सिंहासनपर बैठैके अधिकार देबै। यी बिल्कुल हमर जुगुर ही हैतै, जे जित हासिल कैल्कै आर आपन पिताके बगलमे आसन प्राप्त कैल्कै छे।