फिलिप्पी 3:13 - केवट नया कारार

¹³ हे प्रिय विश्वासी भ्या-बहिनसब, हमे यी सभे चीज पहलहैसे पक्डी लेलियै छे कहिके हमे नैसोचैछियै, मगर हमे एकटा काम करैछियै, कि जे बात भेलै छे उटा बातसब बिर्सीके हमे भविष्यमे हुएवाला बातके लिए कडा मेहनत करैछियै।

फिलिप्पी 3:13 Iomraidhean Croise

लूका 10:42

खाली एक्केटा बात चिन्ता करैके योग्य छै। मरियम एकरा खोजी लेल्कै छे, आर एकरा यी नै छिन्ल जैतै।”

लूका 9:62

मगर येशू ओकरा कहैल्कै, आपन हात हरमे लग्याके पाछु महर देखेवाला कोय भी परमेश्वरके राज्यके योग्य नैहैछै।

२ कोरन्थी 5:16

इहे ल्याके आब हमेसब कोनो आदमीके बाहरी चीजके आधारपर मूल्याङ्कन नैकरैछियै। पहेला हमेसब ख्रीष्टके भी बाहरी चीजके आधारपर मूल्याङ्कन कैलियै रहे, मगर आब हमेसब ओकरा ओरंके नैदेखैछियै। आब हमेसब ओकरा जानी गेलियै छे।

फिलिप्पी 2:12

सेल्याके हे हमर प्रिय विश्वासी भ्या-बहिनसब, जब हमे तोरसिके संगे रहियौ तब तुहेंसब सभे दिन आज्ञापालन कैल्हैं। एखन हमे तोरसिसे दूर छियौ, तोरासिके आरहौ बेसी आज्ञापालन करना चाही। तोरासिमेसे हरेक आदमी डरके साथ आर कम्पनके साथ ऊ चीजसब कर जे काम परमेश्वरद्वारा उद्धार पैल आदमीसिके लिए सही छै।

फिलिप्पी 3:12

हमे यी दाबी नैकरैछियै कि हमे सभे कुछु पहलहैसे पाबि लेलियै छे, हमे ऊ सिद्धता पाबैके लिए कडा कोशिश कर्ते आगु बढैछियै जे इनामके लिए येशू ख्रीष्ट हमरा चुन्लकै छे।

फिलिप्पी 3:8

मगर येशू ख्रीष्टके हमर प्रभुके रुपमे चिन्हैके कारण, जे सभे चीजसिसे मूल्यवान छै, हमे उटा सभे चीजके हानी सोच्लियै, ओकरे कारण हमे सभे चीज त्यागी देलियै, आर ऊ सभे चीजके कचरा सोच्लियै, ताकी हमे ख्रीष्टके हुए सकियै।

हिब्रू 6:1

सेल्याके या जे बात अपनासिके सभैसे पहेला ख्रीष्टके विषयमे सिखैल गेलै रहे, उहे आधारभूत शिक्षासिके नै दोहरैते र, आर या अपनासब परिपक्क शिक्षासिके बारेमे विचार विमर्श करैछियै। या अपनासब उटा आधारभूत शिक्षासिके अलग राखियै जे एकटा जगके जुगुर छै, यानिकी, आपन पापमय कामसे जे मौतके महर ल्याजैछै, पाप करैले छोडिके परमेश्वरके तरफ मन लगाबैके विषयमे आर परमेश्वरपर भरोसा करैके विषयमे सिखाबैछै।

२ पत्रुस 3:8

हे प्रिय विश्वासी भ्या-बहिनसब, यी एकटा बातके कहियो नै भूल कि परमेश्वरके लिए एक दिन एक हजार सालके जुगुर छै आर एक हजार साल एक दिनके जुगुर छै। ओकर लिए एक दिन आर एक हजार साल सभे एक बराबर छै।