फिलिप्पी 2:6 - केवट नया कारार

⁶ ऊ सभे किसिमसे परमेश्वरके जुगुर भ्याके भी परमेश्वरके बराबर हुएवाला बातके एकटा पक्डीके राखेवाला चीज जेरं नैसोचल्कै,

फिलिप्पी 2:6 Iomraidhean Croise

मत्ती 1:23

“देख्, एकटा कुमारी लडकी गर्भधारण कर्तै, आर ऊ एकटा बच्चाके जनम देतै, आर ओकर नाम इम्मानुएल राख्ल जैतै, जकर मतलब छै, ‘परमेश्वर हमरसिके संगे छै।’ ”

यूहन्ना 1:18

परमेश्वरके कोय भी कहियो नैदेखल्कै छे। मगर परमेश्वरके एकलौता बेटा येशू ख्रीष्ट, जे खुद ही परमेश्वर छै, खाली उहे परमेश्वरके देखल्कै छे।

यूहन्ना 10:30

परमेश्वर पिता आर हमे एक छियै।”

यूहन्ना 10:33

यहूदी आदमीसिके अगुवासब ओकरा जबाब देल्कै, “बढियाँ कामके लिए हमेसब तोरा पत्थल ल्याके नैमारैले चाहैछियौ, मगर तुहें जे ईश्वर निन्दा करैछैं, इहे ल्याके कहिनेकी तुहें आदमी भ्याके भी अपने आपके परमेश्वर छियै कहिके दावा करैछैं।”

यूहन्ना 10:38

अगर हमे परमेश्वर पिताके काम करैछियै, तैय्योपर हमरापर विश्वास नैकरैछैं ते यी काममे विश्वास कर। तब तोरासिके मालुम हैतौ, कि परमेश्वर पिता हमरामे रहैछै आर हमे परमेश्वर पितामे रहैछियै।

यूहन्ना 14:28

“तुहेंसब हमरा यी कहते सुन्लहैं कि हमे जैछियौ, आर फेर तोरसिकेलगत ऐबौ। यदि तुहेंसब हमरा प्रेम कर्तिहैं ते खुशी मनैतिहैं कि हमे परमेश्वर पिताके लगत जैछियै, कहिनेकी परमेश्वर पिता हमरासे महान छै।

यूहन्ना 14:9

येशू ओकरा जबाब देल्कै, “फिलिप हमे तोरसिके संगमे एतनें दिनसे छियौ, आर एखनिहौं तक तुहें हमरा नैचिन्हैछैं? जे कोय हमरा देखल्कै छे ऊ परमेश्वर पिताके देखल्कै छे। ते तुहें केरंके कहैछैं, ‘हमरासिके परमेश्वर पिताके दर्शन कर्या द्या?’

यूहन्ना 17:5

आब हे पिता, आब तोर उपस्थितिमे हमर महिमा कर, उहे महिमा जे संसारके सृष्टिसे पहेला हमरलगत तोरसंगे रहैके समयमे रहै।”

यूहन्ना 20:28

यी सुनिके थोमा ओकरा जबाब देल्कै, “हे हमर प्रभु, हे हमर परमेश्वर!”

यूहन्ना 5:18

येशूके यी बात सुनिके यहूदी आदमीसिके अगुवासब येशूके मारैले आरहौ बेसी कोशिश करे लाग्लै, कहिनेकी ऊ यहूदी आदमीसिके विश्रामके दिनके खाली उलंघन नैकैल्कै रहे, मगर अपने आपके परमेश्वरके बराबर बन्याके ऊ परमेश्वरके आपन पिता कहैल्कै रहे।

रोमी 9:5

अब्राहम, इसहाक, आर याकूब ओकरसिके पुर्खासब छै, आर ख्रीष्ट खुद भी, आपन मानव स्वभावमे, एकटा यहूदी आदमी रहै। परमेश्वर, जे सभैपर राज्य करैछै, ओकर प्रशंसा सभे दिन हैते रहै। आमेन!

२ कोरन्थी 4:4

यी संसारके देवता शैतान परमेश्वरके नैचिन्हेवाला आदमीसिके बुद्धिके अनराह बन्या देल्कै छे, सेल्याके ऊसब ख्रीष्ट आर ओकर महिमाके विषयमे खुश-खबरीके नैबुझे सकैछै। ख्रीष्ट परमेश्वरके प्रतिरुप छै।

२ कोरन्थी 8:9

तुहेंसब आपनसिके प्रभु येशू ख्रीष्टके अनुग्रहके जानैछैं, कि ऊ मातबर भ्याके भी तोरसिके खातिर गरिब बन्लै ताकी ओकर गरिबीसे तुहेंसब मातबर हुए सक्हैं।

१ तिमोथी 1:17

ऊ राजा जे सभे दिनके लिए राज्य करैछै, जे सभे दिनके लिए जिन्दा छै, जकरा कोय नैदेखे सकैछै आर उहे खाली एक्केटा आर सच्चा परमेश्वरके आदर आर महिमा सभे दिन मिल्ते रहै। आमेन।

१ तिमोथी 3:16

बिना कोनो शंकाके, हमेसब कहे सकैछियै कि परमेश्वरद्वारा प्रकट कैल शिक्षासब पुरा रुपसे सच्चा छै, यानिकी येशू ख्रीष्ट आदमीके रुपमे ऐलै, ऊ पवित्र आत्माद्वारा परमेश्वरके बेटा साबित भेलै, स्वर्गदूतसब ओकरा देखल्कै, ऊ स्वर्गके महिमामे लजैल गेलै, आदमीसब ओकर बारेमे जात-जातके आदमीसिमे प्रचार कैल्कै, आर संसारके बहुते आदमीसब ओकरापर विश्वास कैल्कै।

तीतस 2:13

हमेसब एरंके व्यवहार करैछियै जब आपनसिके आशा कैल उटा सुन्दर दिनके लिए हमेसब उम्मीदके साथ इन्तजार करैछियै: उटा दिन जब आपनसिके महान परमेश्वर आर उद्धारकर्ता येशू ख्रीष्ट आपन सारा महिमाके साथ धर्तीपर फेर वापस ऐतै।

हिब्रू 1:3

बेटा ही परमेश्वरके महिमाके उजेत छै आर ऊ सभे प्रकारसे परमेश्वरके जुगुर छै। ऊ आपन शक्तिशाली वचनके द्वारा सृष्टि कैल सभे चीजके सम्हारिके राखैछै। ऊ आदमीसिके ओकरसिके पापसे शुद्ध कैल्कै आर एकरबाद स्वर्गमे परमधन्य परमेश्वरके दहिना हातके बगलमे बैठ्लै।

हिब्रू 1:6

आर जब परमेश्वर आपन आदरणीय बेटाके यी संसारमे भेजल्कै ते कहैछै, “हमर सभे स्वर्गदूतसब ओकरा झुकिके आराधना करक।”

हिब्रू 1:8

मगर बेटाके विषयमे कहैछै, “हे परमेश्वर, तुहें सभे दिनके लिए राजाके जुगुर राज्य कर्भ। तुहें आपन राज्यपर धार्मिकतासे राज्य करैछह।

हिब्रू 13:8

येशू ख्रीष्ट क्याल, ऐज आर सभे दिन एक समान छै, ऊ कहियो नैबदलैछै।

प्रकाश 21:6

तब ऊ हमरा कहैल्कै, “आब सभे कुछु समाप्त भ्यागेलै छे। हम्हीं छियै जे सभे चीजसिके शुरुआत कैलियै आर हम्हीं छियै जे सभे चीजसिके समाप्त कर्बै। हमे उहे परमेश्वर छियै जे समयके शुरुआतसे ल्याके एखनतक आर सभे दिनके लिए नैबदलैछियै। जे कोय भी प्यास्ल छै, हमे ओकरा उटा पानीके मोकासे फोकटमे पानी पियैके लिए देबै जे कहियो खतम नैहुएवाला जीवन दैछै।