फिलिप्पी 2:16 - केवट नया कारार

¹⁶ ताकी जब ख्रीष्ट वापस ऐतै तब हमरा गर्व करैके कारण है कि हमर प्रयास आर कठिन मेहनत करना बेकार नैभेलै।

फिलिप्पी 2:16 Iomraidhean Croise

मत्ती 10:27

एकर मतलब यी छै कि जे बात भी परमेश्वर अनहारमे तोरासिके कहैछौ, से बात उजेतमे सभैके सार्वजनिक रुपसे कहिदहैं आर जे बात हमे तोरासिके गुप्तमे कहैछियौ, ऊ बात घरके छतमे चढिके सार्वजनिक रुपसे प्रचार कर।

लूका 12:8

हमे तोरासिके कहैछियौ, जे भी आदमीसिके समनामे खुदके हमर चेलाके रुपमे स्वीकार कर्तै, ओक्रहौ हमे, आदमीके बेटा भी परमेश्वरके स्वर्गदूतसिके समनामे आपन चेलाके रुपमे स्वीकार कर्बै।

यूहन्ना 6:63

जीवन दिएवाला परमेश्वरके आत्मा छै। यी काम ते आदमीके शक्तिसे हुएवाला बाते नैछै। जे बात हमे तोरासिसे बोल्लियौ छे, उटा आत्मा छै आर जीवन भी छै।

यूहन्ना 6:68

तब सिमोन पत्रुस जबाब देल्कै, “हे प्रभु, हमेसब ककर लगत जैयै? कहियो खतम नैहुएवाला जीवनके बात ते तोरे लगत छै।

चुन्ल आर भेज्ल चेलासब 13:26

हे भैय्यासब, तुहेंसब जे अब्राहमके सन्तान छह, आर तुहेंसब जे परमेश्वरके डर मानेवाला यहूदी आदमीसब छह, परमेश्वर तोरसिकेलगत येशूके विषयमे यी सन्देशके भेजल्कहौं छे, जे आदमीसिके बचाबैछै।

१ कोरन्थी 1:8

आपनसिके प्रभु येशू ख्रीष्टके यी संसारमे वापस आबैके दिनमे तोरासिके दोषरहित राखैले परमेश्वर तोरासिके अन्ततक विश्वासमे मजगुत राख्तौ।

१ कोरन्थी 9:26

जेरंके एकटा दौडेवाला खेलाडी आपन दौडके दिशामे आगु बढैछै या एकटा मुक्केबाज आपन मुक्काके काबुमे राखैछै, ओहिने करिके हमे आपन ख्रीष्टियन जीवन एकटा निश्चित मकसदके साथ जियैछियै।

गलाती 2:2

परमेश्वर हमरा ओत्ते जैके लिए कहैके कारणसे हमे ओत्ते गेलियै। जब हमे ओत्ते रहियै ते हमे अगुवासिसे व्यक्तिगत रुपसे भेट कैलियै आर ओकरासिके उटा खुश-खबरीके विषयमे बतैलियै जे हमे गैर-यहूदी आदमीसिके बीचमे प्रचार कर्ते रहियै। ताकी एरं नैहै कि पहेला जे हमे कैलियै रहे आर जे हमे एखन आरहौ कर्बै, ओकर कोनो नतिजा नैमिल्तै।

गलाती 4:11

जे कुछु तुहेंसब करैछैं उटा बातके कारण हमे चिन्तित छियै कि तोरसिके बीचमे हमर सेवा बेकार भेलै।

फिलिप्पी 1:10

ताकी तुहेंसब चुने सक्हैं, कि करना सही छै, आर जब ख्रीष्ट वापस ऐतै ते तुहेंसब शुद्ध आर निर्दोष रहे सक्हैं।

फिलिप्पी 1:6

हमरा यी पक्का विश्वास छै कि परमेश्वर तोरासिमे कुछु बढियाँ करैले शुरु कैल्कौ छे, परमेश्वर ही यी काम उटा दिनमे पुरा कर्तौ जब येशू ख्रीष्ट वापस ऐतौ।

१ थेसलोनिकी 2:19

जब हमरसिके प्रभु येशू ख्रीष्ट फेर वापस ऐतै, तब हमरसिके आशा या आनन्द या गर्वके मकुट तुहेंसब ही हैभैं।

१ थेसलोनिकी 3:5

सेल्याके तुहेंसब केरं हालतमे छैं कहिके मालुम नैभेल बात जब हमे आरहौ बरदास करैले नैसक्लियै ते, तोरसिके विश्वासके हाल-खबर जानैके लिए हमे तिमोथीके भेज्लियै। कहिनेकी परीक्षा करेवाला शैतान तोरासिके परीक्षामे फस्याके हमरसिके मेहनत बेकार करिदेल्कै कि कहिके हमरा डर लाग्ल रहै।

हिब्रू 4:12

कहिनेकी परमेश्वरके वचन काम कर्ते रहेवाला आर जिन्दा छै। यी दोनो बगल धारवाला तलवारसे भी बेसी धर्हा छै। यी भितरमे जैके प्राण आर आत्माके अलग करि दैछै। जोडनी आर हड्डीके भितरके गुद्दीके अलग करि दैछै। परमेश्वरके वचन आदमीसिके हृदयके विचार आर इच्छाके जाँच करैछै।

१ पत्रुस 1:23

कहिनेकी तुहेंसब परमेश्वरसे नया जीवन पैल्हैं छे। तुहेंसब यी जीवन नाश हुएवाला चीजसे नैपैल्हैं छे मगर सभे दिन रहेवाला चीजसे पैल्हैं छे। अपनासब यी नया जीवन जिन्दा आर कहियो खतम नैहुएवाला परमेश्वरके वचनसे पैल्हैं छे।

१ यूहन्ना 1:1

हमे यी चिट्ठी तोरासिके ओकर विषयमे लिखैछियौ जे आदमीसिके लिए परमेश्वरके सन्देश छै आर आदमीसिके वास्तविक जीवन दैछै। ऊ संसारके सृष्टि हुऐसे पहेलासे ही रहै, मगर आब हमेसब आपनहैंसे ओकरा सुन्लियै छे आर हमेसब ओकरा आपन आँखसे देख्लियै छे, हमेसब ओकरा बडा ध्यानसे देख्लियै छे आर हमरसिके हातसे ओकरा छुलियै छे।

प्रकाश 22:17

परमेश्वरके आत्मा आर कनियाँ उत्तर देल्कै यानिकी ऊ आदमीसब जे येशूसे सम्बन्धित छै ऊसब कहैल्कै, “आब।” जे भी यी शब्दके सुनैछै ओकरा भी यी कहना चाही, “आब।” जे कोय भी प्यास्ल छै, ऊ एत्ते आबक। उटा पानीके पी जे जीवन दैछै, जे कि ऊ सभैके फोकटमे देल जैछै जे एकरा पियैले चाहैछै।