फिलिप्पी 2:13 - केवट नया कारार

¹³ कहिनेकी परमेश्वर तोरासिमे काम करैछौ, तोरासिके उटा काम करैके इच्छा आर शक्ति दैछौ जे काम ओकरा खुश करैछै।

फिलिप्पी 2:13 Iomraidhean Croise

लूका 12:32

येशू फेर कहैल्कै, “तुहें भेंडाके एकटा छोटका झुण्डके जुगुर छैं, सेल्याके कोय भी बातके विषयमे नैडर! कहिनेकी तोरसिके परमेश्वर पिता खुशी-खुशी आपन राज्य तोरासिके दियैके लिए फैसला करि लेल्कौ छे।

लूका 2:14

‘सर्वोच्च स्वर्गमे परमेश्वरके जय-जयकार है, आर धर्तीपर जे आदमीसिसे ऊ खुश छै, ओकरासिके शान्ति हैते रहै।’ ”

यूहन्ना 3:27

यूहन्ना जबाब देल्कै, “जबतक परमेश्वर नैदेतै आदमी कुछु भी पाबैले नैसक्तै।

यूहन्ना 6:45

धरमशास्त्रमे परमेश्वरके वक्तासब एरं लिखल्कै छे, ‘परमेश्वर ही सभे आदमीसिके सिखैतै।’ एरंके परमेश्वर पिताके शिक्षा सुनेवाला आर सिखेवाला सभे हमरलगत ऐतै।

यूहन्ना 6:65

तकरबाद येशू फेर कहैल्कै, “सेल्याके हमे तोरासिके कहैलियौ छे, हमर परमेश्वर पिता हमरलगत आबैके मन नैदियै तक कोय भी आदमी हमरलगत नैआबे सकैछै।”

चुन्ल आर भेज्ल चेलासब 11:21

प्रभुके शक्ति ओकरसिके संगे रहै आर बहुते गैर-यहूदी आदमीसब ओकरसिके सन्देशमे विश्वास कैल्कै आर प्रभु येशूमे भरोसा करे लाग्लै।

रोमी 12:3

हमरा देल अनुग्रहद्वारा तोरासिके सभैके हमे बिन्ती करैछियौ कि, कोय भी आदमी खुद जेरं छियै अपने आपके बडका नैसोचना चाही। मगर परमेश्वर तोरासिके देल विश्वासके नाप बमोजिम खुदके जाँच।

रोमी 9:11

आर जोडमा बच्चासब जनमैसे पहलहै या कुछु खराब या भला काम करैसे पहेला ही परमेश्वर रिबेकासे कहैल्कै रहे कि ओकर बडका बेटा छोटका बेटाके सेवा कर्तै। परमेश्वर यी देखाबैके लिए कहैल्कै कि ऊ आपन इच्छाके चुनाव आपनहैं करैछै आर यी ओकरसिके कैल कोनो भी कामके कारणसे नैरहै।

रोमी 9:16

सेल्याके ते परमेश्वर ऊ आदमीके चुन्तै जकरापर ऊ दया देखाबैके निर्णय लैछै। ओकर पसन्द यी बात पर आधारित नैहैछै कि आदमीसब कि चाहैछै या कि करैके कोशिश करैछै।

१ कोरन्थी 12:6

आपनसिके जीवनमे काम करैके परमेश्वरके अलग-अलग तरिका छै, मगर यी उहे परमेश्वर छै जे अपनासिके ओकर लिए काम करैके क्षमता दैछै।

१ कोरन्थी 15:10

मगर परमेश्वरके अनुग्रहसे हमे चुन्ल आर भेज्ल चेला छियै। हमरापर ओकर अनुग्रहके परिणाम महान भेलै। मगर यदि हमे दोसर चुन्ल आर भेज्ल चेलासिसे बेसी भी मेहनत कैलियै ते, यी भी हमर तरफसे नैभेलै मगर परमेश्वरके अनुग्रह हमरा ओकर काम करैके लिए योग्य बनैल्कै छे।

२ कोरन्थी 3:5

हमेसब यी नैकहैछियै कि हमरसिके लगत खुदके ताकतसे कुछु भी करैके क्षमता छै। मगर परमेश्वर हमरासिके यी क्षमता दैछै।

एफिसी 1:11

ख्रीष्टके संगे आपनसिके सम्बन्धके कारण परमेश्वर अपना यहूदी आदमीसिके चुनल्कै ताकी अपनासब ऊ पाबे सकियै जकरा दियैके प्रतिज्ञा परमेश्वर कैल्कै रहे। यी उहे प्रतिज्ञा रहै जे ऊ बहुते पहेला ही करैके योजना बनैल्कै रहे आर ऊ सभे कुछु आपन योजना आर इच्छासे पुरा करैछै।

एफिसी 1:5

कहिनेकी परमेश्वर अपनासिके प्रेम कैल्कै, ऊ बहुते पहलहैसे येशू ख्रीष्टके कैल कामके द्वारा अपनासिके आपन सन्तान बनाबैके फैसला कैल्कै रहे।

एफिसी 1:9

परमेश्वर उहे कैल्कै जे ऊ नुक्याके राखल्कै, आर अपनासिके उटा नुकैल योजना प्रकट कैल्कै जे ऊ पहलहैसे ही ख्रीष्टके द्वारा पुरा करैके फैसला कैल्कै रहे।

एफिसी 2:8

कहिनेकी जब तुहें विश्वास कैल्हैं ते परमेश्वर आपन अनुग्रहसे तोरा बच्या लेल्कौ। तुहें आपन उद्धारके नैकमैल्हैं छे, यी ते परमेश्वरके दान छै।

२ थेसलोनिकी 1:11

सेल्याके हमेसब तोरसिके सभैके लिए लगातार प्रार्थना भी करैछियै कि हमरसिके परमेश्वर तोरासिके उटा काम करैके लिए काबिल बनैतौ जे कामके लिए ऊ तोरासिके बोलैल्कौ छे। आर ऊ आपन शक्तिसे तोरसिके सभे बढियाँ मकसदसिके पुरा करौ आर सभे उटा कामके ऊ सफल बनाबौ जे तोरसिके विश्वासके फल छै।

२ तिमोथी 1:9

ऊ अपनासिके बचैल्कै आर अपनासिके एकटा पवित्र जीवन जियैके लिए बोलैल्कै छे, आर अपनासब बढियाँ काम करैके कारणसे ऊ अपनासिके नैचुनल्कै छे, मगर ओकर आपन योजना आर अनुग्रहके आधारमे छै। यी संसारके सृष्टि हुऐसे पहेला ही परमेश्वर येशू ख्रीष्टके आपनसिके लिए मरैके लिए भेजिके आपन अनुग्रह अपनासिपर देखाबैके योजना बन्या लेल्कै रहे।

१ पत्रुस 1:3

आपनसिके प्रभु येशू ख्रीष्टके पिता आर परमेश्वरके धन्यवाद है। परमेश्वर आपनसिके प्रति आपन बडका दयासे अपनासिके एकटा नया जीवन देल्कै छे। कहिनेकी परमेश्वर येशू ख्रीष्टके मुर्दासे जिन्दा बनैल्कै, ऊ अपनासिके बहुते आत्मविश्वासके साथ जियैके योग्य बनैल्कै छे, यानिकी अपनासब उटा चीजसिके प्राप्त करैके पुरा आशा करे सकैछियै जे ऊ अपनासिके दियैके प्रतिज्ञा कैल्कै छे।