फिलिप्पी 2:1 - केवट नया कारार

¹ तुहेंसब ख्रीष्टके संगे एक हुऐके कारणसे तोरासिके उत्साह मिल्लौ छे। ख्रीष्ट तोरासिके प्रेम करैके कारणसे तुहेंसब सान्त्वना पैल्हैं छे। तुहेंसब पवित्र आत्मामे संगति करैके कारणसे तुहेंसब ख्रीष्टके कोमलता आर दया पैल्हैं छे।

फिलिप्पी 2:1 Iomraidhean Croise

लूका 2:25

ऊ समयमे यरूशलेम सहरमे शिमियोन नामके एकटा आदमी रहै, जे धर्मी आर भक्त रहै। ऊ बेसबरीसे येशूके आबैके इन्तजार कर्ते रहै कि ऊ आबिके इस्राएलीसिके सान्त्वना दै। पवित्र आत्मा ओकरपर रहै।

यूहन्ना 14:18

हमे तोरासिके अनाथ नैछोड्बौ। हमे तोरसिकेलगत फेर ऐबौ।

यूहन्ना 14:27

हमे तोरासिके शान्ति दैछियौ यानिकी उटा शान्ति जे हमरलगत छै। यी ऊ शान्ति नैछै जे संसार दिए सकैछै। तुहेंसब आपन मनमे व्याकुल नैहु आर नैडर।”

यूहन्ना 17:13

मगर आब हमे तोरलगत आबैछियै। संसारमे रहैके समयमे ही हमे यी सभे बात कहैछियै, कि ऊसब हमर आनन्दसे पुरा भरि जै।

चुन्ल आर भेज्ल चेलासब 2:46

ऊसब एक मनके भ्याके परमेश्वरके मन्दिरमे एक साथ उपस्थित है, आर एक दोसरके घरमे जैके आनन्द आर शुद्ध हृदयसे मिलिजुलिके भोजन खै।

चुन्ल आर भेज्ल चेलासब 4:32

विश्वास करेवालासिके समूह सभेको एक मन, एक आत्माके भेलै रहे, आर ओकरसिमेसे कोय भी आपन धन-दौलतके कोनो चीज यी हमर छै कहिके नैकहै, मगर ओकरसिके सभे चीज साझा रहै।

रोमी 5:5

आशा अपनासिके कहियो लज्जित हुऐले नैदैछै, कहिनेकी परमेश्वरके देल पवित्र आत्माद्वारा ऊ आपनसिके हृदय आपन प्रेमसे भरि देल्कै छे।

रोमी 8:26

ओहिने करिके पवित्र आत्मा भी अपनासिके सहायता करैछै जब परमेश्वरमे आपनसिके भरोसा कमजोर हैछै। कहिनेकी अपनासब नैजानैछियै कि केरंके प्रार्थना करे पडैछै। मगर पवित्र आत्मा जे कोनो भी आदमी बोले नैसकैछै ओरंके आपनसिके लिए बिन्ती करैछै।

१ कोरन्थी 12:13

कहिनेकी अपनासब सभेको यहूदी आदमीसब छियै आर जेसब गैर-यहूदी आदमीसब छियै, जे दास छियै आर जे दास नैछियै अपनासब एक्केटा पवित्र आत्माके द्वारा एक्केटा शरीर हुऐके लिए बप्तिस्मा पैलियै छे आर अपनासब सभेको उहे पवित्र आत्मा पैलियै छे, जेरंके अपनासब एक्केटा कटौरीमेसे पियैछियै।

१ कोरन्थी 15:31

हे विश्वासी भ्या-बहिनसब, जेरंके यी बात पक्का छै कि हमरा तोरासिपर घमण्ड छै कि तुहेंसब आपनसिके प्रभु येशू ख्रीष्टके संगे एकजुट छैं, ओहिने करिके यी भी पक्का छै कि हमरा सभे दिन जान मार्ल जैके खतरा छै।

१ कोरन्थी 3:16

तोरासिके जरुर मालुम छौ कि तुहेंसब परमेश्वरके मन्दिर छैं, आर परमेश्वरके पवित्र आत्मा तोरासिमे बास करैछौ।

२ कोरन्थी 13:14

प्रभु येशू ख्रीष्टके अनुग्रह, परमेश्वरके प्रेम आर पवित्र आत्माके संगति तोरसिके सभैके संगे बन्ल रहौ।

२ कोरन्थी 2:14

परमेश्वरके धन्यवाद है, ख्रीष्टके संगे आपनसिके एकताके कारण ऊ सभे दिन ओकरसंगे आपनसिके अगुवाई करैछै आर अपनासिके जित दिलाबैछै। एकर मतलब यी छै कि अपनासब जते भी जैछियै, ओत्ते खुश-खबरीके घोषणा करैछियै ताकी सभे आदमीसब सुनै आर परमेश्वरके जाने सकै।

गलाती 4:6

अपनासब ओकर बेटा हुऐके कारणसे परमेश्वर आपन बेटाके आत्मा आपनसिके हृदयमे भेजी देल्कै, जे आत्मा परमेश्वरके “हे अब्बा, पिता!” कहिके पुकारैछै।

गलाती 5:22

पवित्र आत्माद्वारा उत्पन्न हुएवाला चरित्रसब यी छियै: प्रेम, आनन्द, शान्ति, धीरज, दया, भलाइ, विश्वस्तता,

एफिसी 4:4

अपनासब सभे विश्वासी एक्केटा शरीरके अंगसिके जुगुर छियै। अपनासिके एक्केटा पवित्र आत्मा मिल्लै, जेरंके तोरासिके एक्केटा आशा देल गेलौ रहे, जब तोरासिके परमेश्वरके आदमीसब हुऐके लिए चुन्ल गेलौ।

फिलिप्पी 1:8

परमेश्वर हमर गवाह छै, कि हमर ह्रदय तोरसिके प्रति ख्रीष्ट येशूके प्रेमसे भरि गेलै छे आर हमे तोरासिके सभैके देखैके लिए तर्सैछियै।

फिलिप्पी 3:3

कहिनेकी परमेश्वरके आत्मामे आराधना करेवाला, ख्रीष्ट येशूमे गर्व करेवाला आर आपने मानव प्रयासमे भरोसा नैराखेवाला अपनासब ही छियै, जेसब वास्तवमे ही परमेश्वरके आदमीसब छियै।

कलस्सी 2:2

हमे कठिन मेहनत करैछियै कहिनेकी हमे तोरासिके सभैके आत्मिक रुपसे उत्साह दियैले चाहैछियै, आर तोरसिके एक दोसरके प्रतिके प्रेम तोरासिके एक बनैतौ। हमे चाहैछियै कि ऊसब पुरा भरोसा राखै कहिनेकी ऊसब परमेश्वरके रहस्यमय योजनाके पुरे बुझ्ल छै, जे ख्रीष्ट आपनहैं छै।

कलस्सी 3:12

सेल्याके परमेश्वर तोरासिके आपन आदमी हुऐके लिए चुन्लकौ छे आर तोरासिके प्रेम करैछौ, इहे ल्याके तुहेंसब करुणा, दया, दीनता, नम्रता आर धीरज धारण कर।

हिब्रू 6:18

आब एत्ते दीटा बात छै, ओकर प्रतिज्ञा आर ओकर कसम, जे कहियो नै बदले सकैछै आर जकर बारेमे परमेश्वर कहियो झुठ नैकहे सकैछै। सेल्याके अपनासब जेसब परमेश्वरके लगत सुरक्षा पाबैके लिए ऐलियै छे आर जे आशा ऊ अपनासिके देल्कै छे, ओकरा थाम्ले छियै आर बहुते उत्साहित छियै।

१ पत्रुस 1:2

परमेश्वर पिता बहुते पहेला ही तोरासिके आपन आदमी बनाबैके लिए आर पवित्र आत्माके कामके द्वारा तोरासिके पवित्र बनाबैले चुनैके फैसला कैल्कै रहे। ऊ एरं इहे ल्याके कैल्कै ताकी तुहेंसब येशू ख्रीष्टके आज्ञापालन करहैं आर ओकर खूनके द्वारा शुद्ध हुए सक्हैं। हमे प्रार्थना करैछियौ कि परमेश्वर तोरासिके बहुते अनुग्रह आर शान्ति दौ।

१ यूहन्ना 3:24

आर जे परमेश्वरके आज्ञापालन करैछै, ऊ परमेश्वरके संगे एक भ्याके रहैछै आर परमेश्वर ओकरसंगे एक भ्याके रहैछै। आर ओकर देल पवित्र आत्माके द्वारा अपनासब जानैछियै, कि ऊ आपनसिके संगे एक भ्याके रहैछै।

१ यूहन्ना 4:12

परमेश्वरके कोय कहियो नैदेखल्कै छे। यदि अपनासब एक-दोसरके प्रेम कर्बै ते परमेश्वर अपनासिमे रहतै आर ओकर प्रेम अपनासिमे सिद्ध हैछै।

१ यूहन्ना 4:16

अपनासिके बढियाँसे मालुम छै आर अपनासब विश्वास करैछियै कि परमेश्वर अपनासिके प्रेम करैछै। परमेश्वर प्रेम छै, आर जेसब प्रेममे रहैछै ऊ परमेश्वरमे एक भ्याके रहैछै, आर परमेश्वर ओकरामे एक भ्याके रहैछै।