फिलिप्पी 1:7 - केवट नया कारार

⁷ तोरसिके सभैके लिए एरं सोचना हमर लिए सही छै, कहिनेकी तोरसिके लिए हमर मनमे विशेष जगह छै। चाहे हमे कैदमे छियै या खुश-खबरीके सच्चाईके साबित आर रक्षा करैछियै, हरेक समयमे तुहेंसब परमेश्वरके अनुग्रहमे हमरसंगे सामिल भेल छैं।

फिलिप्पी 1:7 Iomraidhean Croise

चुन्ल आर भेज्ल चेलासब 20:23

खाली एतनें जानैछियै, कि हरेक सहरमे पवित्र आत्मा हमरा चेतावनी दैछै कि हमर लिए जेल आर कष्ट तय छै।

चुन्ल आर भेज्ल चेलासब 21:33

तब सेना-दलके सेनापति पावलके नज्दिक आबिके ओकरा पक्डल्कै आर दीटा सिक्कड ल्याके ओकरा बान्हैके हुकुम द्याके पुछे लाग्लै, “यी के छै आर यी कि कैल्कै छे?”

१ कोरन्थी 13:7

प्रेम करेवाला आदमी सभे दिन बातसिके सहैछै, आर ऊसब कहियो भी विश्वास करैले नैछोडैछै, ऊसब सभे दिन आशा राखैछै, आर दुःख आर तकलीफमे भी ऊसब धीरज राखैछै।

१ कोरन्थी 9:23

आर हमे सभे कुछु ख्रीष्टके बारेमे खुश-खबरीके प्रचार करैके लिए करैछियै, ताकी हमरा खुश-खबरीमे प्रतिज्ञा कैल गेल आशीर्वादके हिस्सा देल ज्या सकै।

२ कोरन्थी 3:2

तुहेंसब खुद ही एकटा चिट्ठीके जुगुर छैं जे सभे आदमीसिके समनामे परमेश्वरके लिए हमर कामके सिफारिस करैछै, जे हमरसिके हृदयमे लिख्ल छै आर तोरसिके बदल्ल जीवन तोरसिके बीचमे हमरसिके कामके कारणसे छौ, जे एकटा चिट्ठीके जुगुर छै जकरा सभेकोय पढे आर चिन्हे सकैछै।

२ कोरन्थी 7:3

हमेसब तोरासिके दोषी बनाबैके लिए यी नैकहैछियौ कहिनेकी हमेसब पहलहै कही चुक्लियौ छे कि हमेसब तोरासिके आपन पुरा दिलसे प्रेम करैछियौ आर सभे दिन प्रेम कर्ते रहबौ चाहे कुछु भी भ्याजै।

गलाती 5:6

कहिनेकी यदि अपनासब ख्रीष्ट येशूके संगे एक छियै ते आपनसिके खतना भेल छै या नैभेल छै यी बात महत्वपूर्ण नैछै। मगर महत्वपूर्ण बात यी छै कि अपनासब ख्रीष्टके आपन उद्धारकर्ताके रुपमे विश्वास करैछियै, आर परमेश्वर आर दोसर आदमीसिके प्रति प्रेम राखैछियै।

एफिसी 3:1

परमेश्वर तुहेंसब गैर-यहूदी आदमीसिके लिए यी सभे कैल्कै छे, सेल्याके हमे पावल, तोरसिके लिए प्रार्थना करैछियौ। हमे जेलमे छियै कहिनेकी हमे तोरसिके लिए ख्रीष्ट येशूके सेवा करैछियौ।

एफिसी 4:1

सेल्याके, हमे जे प्रभु येशूके सेवा करैके कारणसे कैदी छियै, तोरासिके बिन्ती करैछियौ कि उटा बोलावटके संगे जकरासे परमेश्वर तोरासिके आपन सन्तान हुऐके लिए बोलैल्कौ छे, ओकर मुताबिक जीवन जी।

एफिसी 6:20

यी खुश-खबरीके खातिर हमे एकटा राजदूत छियै, जब कि हमे एखन जेलमे छियै। तुहेंसब प्रार्थना कर कि हमे, जेरं हमे बोलना चाही, ओहिने करिके बिना डरके साथ खुश-खबरीके प्रचार करे सकियै।

फिलिप्पी 1:12

हे विश्वासी भ्या-बहिनसब, तोरासिके यी बात मालुम हौ कहिके हमे चाहैछियै, कि हमर उप्परमे ऐल बातसिसे वास्तवमे खुश-खबरीके फैलाबैले आरहौ सहायता मिल्लै छे।

फिलिप्पी 1:13

एत्तेतक कि रोमी महाराजाके महलके सभे सिपाही आर बाँकी सभे आदमीसिके लगत यी प्रकट भेलै छे कि, हमे ख्रीष्टके सेवा करैके कारणसे जेलमे छियै।

फिलिप्पी 1:14

आर प्रभुमे जे भ्यासब छै, ओकरासिमेसे बहुते झन हमे एखन जेलमे हुऐके कारणसे उत्साहित भ्याके, परमेश्वरके वचन बिना डर्याके प्रचार करैके लिए साहासी भेलै छे।

फिलिप्पी 2:22

मगर तोरासिके मालुम छौ कि केरंके तिमोथी अपने आपके विश्वासयोग्य देखैल्कै छे। जेरंके बेटा बाबुके सेवा करैछै ओहिने करिके ऊ हमरसंगे खुश-खबरी फैलाबैमे हमरसंगे मेहनत कैल्कै छे।

फिलिप्पी 4:14

तैय्योपर भी हमर लिए पैसा भेजिके हमर कष्टमे तुहेंसब सहभागी भ्याके बहुते बढियाँ कैल्हैं छे।

फिलिप्पी 4:15

हे फिलिप्पी सहरके आदमीसब, तुहेंसब आपनहैं भी जानैछैं कि तोरासिके शुरुआतमे खुश-खबरी प्रचार करिके माकेडोनिया प्रदेशसे बिदा हुऐके समयमे तोरसिके सिवाय कोनो मण्डली हमरा पैसा द्याके सहायता नैकैल्कै रहे।

फिलिप्पी 4:3

हे हमर सच्चा सहकर्मी, हमे तोरासे बिन्ती करैछियौ कि तुहें यी जनानीसिके एक दोसरसे मेल-मिलाप करैले सहायता कर, कहिनेकी ऊसब हमर संगमे खुश-खबरी फैलाबैमे विश्वासी भ्या क्लेमेस आर दोसर सहयोगीसिके संगे मिलिके एक्केसंगे मेहनत कैल्कै छे, ओकरसिके नाम उटा किताबमे लिख्ल छै जकरासिके कहियो खतम नैहुएवाला जीवन मिल्तै।

कलस्सी 4:18

हमे, पावल, चिट्ठीके यी भाग तोरासिके नमस्कार करैके लिए हमे आपने हातसे लिखैछियौ। याद कर कि हमे जेलमे छियै आर हमर लिए प्रार्थना कर। तोरसिके संगे परमेश्वरके अनुग्रह रहौ। आमेन।

कलस्सी 4:3

आर एकर साथे-साथ हमरसिके लिए भी प्रार्थना कर कि परमेश्वर हमरासिके ख्रीष्टके सन्देश सुनाबैके लिए एकटा मौका दै कि हमे ख्रीष्टके उटा रहस्यके वर्णन करे सकियै जकर खातिर हमे एखन जेलमे पडल छियै।

१ थेसलोनिकी 5:5

कहिनेकी तुहेंसब बढियाँ व्यवहार करेवाला आर जे सही छै उटा करेवाला सन्तान छैं। जे उजेतमे जियैके जुगुर छै आर दिनके आदमीसिके जुगुर छै। यी विश्वासीसब पाप करेवाला आर खराब तरिकासे व्यवहार करेवाला आदमीसब नैछै, जे अनहारमे रहैके जुगुर आर यी दुष्ट संसारसंगे सम्बन्धित भेल जुगुर छै।

२ तिमोथी 1:8

सेल्याके दोसर आदमीसिके आपनसिके प्रभु येशू ख्रीष्टके विषयमे बताबैमे लज्जित नैहु, आर तोरा यी बातसे भी लाज नै होना चाही कि हमे ख्रीष्टके सेवा करैके कारणसे जेलमे छियै। मगर तोरा उटा सामर्थ्यके प्रयोग करना चाही जे परमेश्वर तोरा दैछौ आर खुश-खबरीके लिए तुहें हमर दुःखमे साथ दे।

२ तिमोथी 2:9

हमे खुश-खबरीके प्रचार करैके कारणसे एकटा अपराधीके जुगुर जेलमे दुःख भोगैछियै। मगर कोनो भी चीज आदमीसिके परमेश्वरके खुश-खबरी फैलाबैसे रोके नैसकैछै।

फिलेमोन 1:13

हमे जेलमे हुऐके बखत येशू ख्रीष्टके बारेमे खुश-खबरी प्रचार करैके लिए सहायताके लिए ओकरा आपनसंगे राखे चहते रहियै। ऊ तोर बदलामे हमरा सहायता करे सक्तियै, कहिनेकी हमरा मालुम छै कि तुहें हमरा सहायता करैले चाहैछैं।

हिब्रू 3:1

सेल्याके हे विश्वासी भ्या-बहिनसब, जेसब परमेश्वरसे सम्बन्ध राखैछैं, तुहेंसब स्वर्गमे ओकरसंगे सामिल हुऐके लिए बोलैल गेल्हैं छे। प्रभु येशूपर ध्यान दहैं, जे आपनसिके लिए परमेश्वरके सन्देशवाहक आर प्रधान पुजारी छै।

१ पत्रुस 4:13

खाली एकर विषयमे खुश र, कहिनेकी तोरासिके उटा दुःखसिमे एकटा हिस्सा मिल्लौ छे जे ख्रीष्टके मिल्लै रहे। इहे कारणसे, जब ख्रीष्ट सभे आदमीसिके आपन महिमा प्रकट करैके लिए फेर वापस ऐतै ते तोरसिके आनन्द सचमे बडका हैतौ।

१ पत्रुस 5:1

कुछु एरं बातसब छै जे हमे ओत्ते भेल मण्डलीके अगुवासिके कहैले चाहैछियै कहिनेकी हमे भी तोरसिके जुगुर एकटा मण्डलीके रेख-देख करेवाला छियै। हमे खुद उटा दुःखसिके देख्लियै छे जे बहुते समय पहेला ख्रीष्ट सहैल्कै। जब ऊ फेर वापस ऐतै ते, हमे भी ओकर महिमामे सामिल हैबै। आब हमे तोरासिके आग्रह करैछियौ,

२ पत्रुस 1:13

हमे जानैछियै कि जबतक हमे यी शरीरमे जिन्दा छियै ते यी उचित छै कि यी बातसिके विषयमे तोरासिके अक्सर याद दिलैते रहियौ, ताकी तुहेंसब उटा बातसब भूली नैजहैं।

१ यूहन्ना 3:14

अपनासब जानैछियै, कि अपनासब मौतके शक्तिसे मुक्त भ्या गेलियै छे आर आब अपनासिमे कहियो खतम नैहुएवाला जीवन छै, कहिनेकी अपनासब आपन विश्वासी भ्या-बहिनसिसे प्रेम करैछियै। आर प्रेम नैकरेवाला आदमी मौतके दशामे रहैछै।