फिलिप्पी 1:25 - केवट नया कारार

²⁵ यी बातमे हमे निश्चित छियै। सेल्याके हमे जानैछियै कि हमे जिन्दा रहबै आर तोरसिके सभैके संगे रहबै, आर विश्वासमे मजगुत हुऐले आर एकरामे आनन्दित हुऐले हमे तोरसिके सहायता कर्बौ।

फिलिप्पी 1:25 Iomraidhean Croise

लूका 22:32

मगर सिमोन, तुहें हमरापर विश्वास करैले नैछोडहैं कहिके हमे तोर लिये प्रार्थना कैलियौ छे। फेर तुहें पाप करैले छोडिके परमेश्वरके तरफ मन लगैलके बाद आपन साथी विश्वासीसिके हमरापर विश्वास करैके लिए मजगुत बना।”

चुन्ल आर भेज्ल चेलासब 11:23

ऊ ओत्ते आबिके परमेश्वरके अनुग्रहके देखिके बहुते आनन्दित भेलै, आर ऊ सभैके तन मनसे प्रभुके बतैल रस्तामे चलैके लिए उपदेश देल्कै।

चुन्ल आर भेज्ल चेलासब 14:22

ऊसब सभे सहरमे चेलासिके मनके मजगुत बनैते रहलै आर यी उपदेश दै कि आपन विश्वासमे स्थिर र, आर यी कहै, “अपनासिके बहुते कष्ट सहिके परमेश्वरके राज्यमे प्रवेश करे पड्तै।”

चुन्ल आर भेज्ल चेलासब 20:25

आब देख, तोरसिके जकर बीचमे हमे सभे जगहमे परमेश्वरके राज्यके प्रचार कर्ते ऐलियै छे, तोरसिके संगे फेर हमर भेट कहियो भी नैहैतै कहिके हमरा मालुम छै।

रोमी 15:13

हमे प्रार्थना करैछियै कि परमेश्वर जे आशाके दाता छै, ऊ तुहेंसब विश्वास करैके कारणसे तोरासिके पुरा तरिकासे खुशी आर शान्तिके आनन्द लियैके लिए सहायता करौ ताकी पवित्र आत्माके शक्तिसे तोरसिके आशा बढते जौ।

रोमी 15:18

कहिनेकी हमे यी कहैके लिए साहासी छियै कि ख्रीष्ट हमरद्वारा जे काम कैल्कै छे, ओकरद्वारा हमे गैर-यहूदी आदमीसिके परमेश्वरके अनुसरण करैके लिए प्रभावित कैलियै छे। ऊसब हमर बोल्ल वचन सुनिके आर हमर कैल काम देखिके परमेश्वरपर भरोसा कैल्कै छे।

रोमी 15:29

आर हमे जानैछियै कि हमे तोरसिकेलगत ऐबौ आर ओकर कारण ख्रीष्ट पुरा तरहसे तोरासिके आशीर्वाद देतौ।

रोमी 5:2

आपनसिके विश्वासके कारण, ख्रीष्ट अपनासिके यीटा अनुग्रहमे आनल्कै छे जते अपनासब एखन खडा छियै, आर अपनासब निश्चय आर आनन्दके साथ परमेश्वरके महिमामे सामिल हुऐके आशा करैछियै।

२ कोरन्थी 1:24

हमेसब तोरसिके विश्वासपर अधिकार जमाबैले नैचाहैछियै, बल्की तोरसिके आनन्दके लिए तोरसिके संगे-संगे मिलिके काम करेवाला छियै। कहिनेकी तुहेंसब ते आपन विश्वासमे स्थिर छैं।

फिलिप्पी 1:24

मगर हमर जिन्दा रहना तोरसिके सहायताके लिए आरहौ जरुरी छै।

फिलिप्पी 2:24

आर हमरा पुरा भरोसा छै कि प्रभुके सहायतासे हमे खुद भी तोरसिकेलगत जल्दी ही ऐबौ।

फिलेमोन 1:22

एकर साथे-साथ हमर लिए आपन घरमे एकटा मैजमान कोठा तैय्यार करिके राख, कहिनेकी हमे आशा करैछियै कि परमेश्वर तोर प्रार्थनाके उत्तर दौ आर हमरा तोरसिके लगत फेर आबिके भेट करैले दौ।

१ पत्रुस 1:8

तुहेंसब येशूके कहियो नैदेख्लहैं छे, तैय्योपर तुहेंसब ओकरासे प्रेम करैछैं। सेल्याके तुहेंसब आनन्द आर प्रशंसाके साथ बहुते खुश छैं जकरा शब्दमे बयान नैकैल ज्या सकैछै।