फिलिप्पी 1:21 - केवट नया कारार

²¹ हमे जिबै ते, यी ख्रीष्टके आदरके लिए हैतै। जब हमे मरैछियै, ऊ हमर लिए उत्तम हैतै कहिनेकी तब हमे ख्रीष्टके संगे हैबै।

फिलिप्पी 1:21 Iomraidhean Croise

१ कोरन्थी 1:30

मगर परमेश्वर तोरासिके येशू ख्रीष्टमे एक बन्या देल्कौ छे, आर ख्रीष्टके द्वारा ऊ अपनासिके आपन बुद्धि दैछै। परमेश्वर अपनासिके धर्मी घोषित कैल्कै छे। ख्रीष्टके द्वारा अपनासब पवित्र बनैल छियै, आर ऊ अपनासिके पापसिसे छुटकारा देल्कै छे।

१ कोरन्थी 3:22

सेल्याके कोनो भी आदमीके द्वारा कैल कामके विषयमे घमण्ड करैले बन्द कर। हमे, पावल आर अपोल्लोस आर पत्रुस सभेको तोरेसिके छियै। वास्तवमे संसार, जीवन, मौत, वर्तमान, आर भविष्य सभे चीज तोरसिके छौ।

२ कोरन्थी 5:1

कहिनेकी अपनासब जानैछियै यदि धर्तीमे भेल आपनसिके यी अस्थायी शरीर खतम भ्याजैतै ते अपनासिके परमेश्वरके तरफसे स्वर्गमे एकटा एरंको घर मिल्तै, जे हातसे बन्ल नै मगर सभे दिन रहेवाला छै।

२ कोरन्थी 5:6

सेल्याके हमरासिके पुरा निश्चय छै आर हमेसब जानैछियै, कि जबतक अपनासब शरीरमे रहबै, तबतक प्रभुसे दूर रहबै, जे स्वर्गमे छै।

२ कोरन्थी 5:8

सेल्याके हमेसब निश्चिन्त रहैछियै आर जब हमेसब मर्बै ते, यी शरीरके छोडिके प्रभुके संगे आपनसिके घरमे रहना आरहौ भी उत्तम मानैछियै।

गलाती 2:20

एरं कहे सकैछियै कि जब ख्रीष्ट क्रूसपर मर्लै तब हमे भी ओकरसंगे मरि गेलियै। आब हमे जिन्दा नैछियै, मगर ख्रीष्ट हमरामे जियैछै। जेरंके आब हमे जियैछियै, हमे परमेश्वरके बेटापर भरोसा करिके जिन्दा छियै, जे हमरासे एतनें प्रेम करैछै कि ऊ हमर खातिर आपन जान द्या देल्कै।

गलाती 6:14

हमर लिए, यदि हमे घमण्ड करैछियै ते हमे खाली यी बात पर घमण्ड कर्बै कि आपनसिके प्रभु येशू ख्रीष्ट आपनसिके लिए क्रूसपर मर्लै। क्रूसपर ख्रीष्टके मौतके कारण यी संसारके चीजसिके हमर लिए कोनो मतलब नैछै, आर हमे यी संसारके लिए कुछु भी नैछियै।

फिलिप्पी 1:20

हमर उत्कट इच्छा आर आशा यी छै कि हमे कहियो लज्जित नैहैबै, मगर पहेला कैल जुगुर ख्रीष्टके बारेमे बोलैके हमरा साहास हैतै। चाहे हमे जियै या मरियै हमे हमर सारा जीवनसे ख्रीष्टके लगातार आदर देबै।

फिलिप्पी 1:22

यदि शरीरहैमे जिना छै ते हमे ख्रीष्टके लिए उपयोगी काम करैले सक्षम हैबै। तैय्योपर हमरा जिना या मरना ककरा चुने पड्तै, ऊ हमे नैकहे सकैछियै।

फिलिप्पी 1:23

हमे नैजानैछियै कि यी दीटामे ककरा चुने पड्तै। मगर मरिके ख्रीष्टके संगमे हुऐके इच्छा छै, कहिनेकी यी बहुते बढियाँ छै,

फिलिप्पी 2:21

कहिनेकी सभेको आपन स्वार्थके खोजमे रहैछै, ऊसब जे बात येशू ख्रीष्टके लिए महत्वपूर्ण छै से बातमे चिन्तित नैहैछै।

कलस्सी 3:4

जब ख्रीष्ट, जे तोरासिके सच्चा जीवन दैछै, ऊ जब यी संसारमे फेर वापस ऐतै तब तहुँसब ओकरेसंगे दिखाई देभैं आर ओकर आदरमे सामिल हैभैं।

प्रकाश 14:13

फेर हमे स्वर्गसे कक्रहौ बोल्ते सुन्लियै आर ऊ हमरा कहैल्कै, “यी बातसिके एत्ते लिख। आबसे ऊ आदमीसब धन्य छै जेसब प्रभुमे भरोसा कर्ते हुए मरि जैछै।” तब पवित्र आत्मा यी बात पर सहमत भेलै आर ऊ कहैल्कै, “यी सच छै। ऊसब धन्य छै कहिनेकी ऊसब आपन कडा मेहनतसे आराम पैतै आर जे काम ऊसब कैल्कै छे ओकर खातिर ओकरासिके इनाम देल जैतै।”