लूका 8:3 - केवट नया कारार

³ आर बाँकी जनानीसिमेसे एकटाके नाम योअन्ना रहै, जे हेरोद राजाके मुन्सी खुजासके पतनी रहै। सुसन्ना नामके जनानी भी आरहौ बहुते जनानीसिके साथमे रहै। ऊ जनानीसब आपन धन-दौलतसे येशू आर ओकर चेलासिके सेवा कर्ते रहै।

लूका 8:3 Iomraidhean Croise

१ तिमोथी 5:10

आर दोसर आदमीसिके यी बातके पुष्टि करना चाही कि ऊ सभे दिन बढियाँ काम कैल्कै छे, उदाहरणके लिए, आपन बालबच्चासिके बढियाँसे देखभाल कैल, यात्रा करेवाला आदमीसिके आपन घरमे स्वागत कैल, नम्र भ्याके नोकरके जुगुर विश्वासीसिके सेवा कैल, आर दुःखमे पडल आदमीसिके सहायता कैल होना चाही। ऊ अपने आपके सभे तरहके बढियाँ काम करैके लिए खुदके समर्पण कैल होना चाही।

फिलिप्पी 4:22

सभे परमेश्वरके आदमीसब, विशेष करिके रोमी महाराजाके घरानाके विश्वासीसब तोरासिके नमस्कार भेजल्कौ छौ।

२ कोरन्थी 8:9

तुहेंसब आपनसिके प्रभु येशू ख्रीष्टके अनुग्रहके जानैछैं, कि ऊ मातबर भ्याके भी तोरसिके खातिर गरिब बन्लै ताकी ओकर गरिबीसे तुहेंसब मातबर हुए सक्हैं।

मत्ती 26:11

कहिनेकी गरिबसब तोरसिके संगे सभे दिन रहतौ। मगर हमे तोरसिके संगे सभे दिन नैरहबौ।

मत्ती 25:40

तब हमे, राजा ओकरासिके जबाब द्याके कहबै, ‘हमे तोरासिके सच कहैछियौ, तुहेंसब यी हमर विश्वासी भ्या-बहिनसिमेसे सभैसे छोटकामेसे एक झनके जे जतनें कैल्हैं, उटा तुहेंसब हमरा कैल्हैं।’

मत्ती 2:11

जब ऊसब उटा घरके भितरमे गेलै, तब बच्चाके ओकर मयाँ, मरियमके संगमे देखल्कै। तब ऊसब बच्चाके आगुमे झुकिके आराधना कैल्कै। तब ऊसब आपन थैली खोलीके सोना, गमकौव्वा धुप आर मुर्र नामके गमकौव्वा तेल दान चढैल्कै।

लूका 24:10

ऊ जनानीसब, मरियम जे मग्देला सहरके रहै, योअन्ना आर याकूबके मयाँ मरियम रहै आर ओकरसिके संगे भेल आरहौ जनानीसब रहै। इहेसब यी बात एगार चुन्ल आर भेज्ल चेलासिके सुनैल्कै रहे।

चुन्ल आर भेज्ल चेलासब 13:1

एन्टीओखिया सहरके बहुते मण्डलीसिमे परमेश्वरके वक्तासब आर शिक्षकसब रहै, यानिकी बरनाबास आर शिमियोन जकर दोसर नाम निगेर भी रहै, कुरेनी सहरके रहेवाला लुकियस, आर देशके चौथाई भागके हेरोद राजाके दूध भ्या मनेन आर शाउल।

मत्ती 14:1

उहे समय गालील जिलाके हेरोद राजा येशूके चर्चा सुनल्कै।

मत्ती 14:3

कुछु समय पहेला हेरोद राजा आपन भ्या, फिलिपके पतनी हेरोदियासके खातिर बप्तिस्मा दिएवाला यूहन्नाके पक्डीके बान्हिके जेलमे ध्या देल्कै रहे।

मत्ती 14:6

मगर जब हेरोद राजाके जनम दिन ऐलै, तब हेरोदियासके बेटी ओकरसिके समनामे नाचिके हेरोदके खुश बनैल्कै।

मत्ती 20:8

जब सझौवा भेलै, तब अंगुरके बगानके मालिक आपन मुन्सीके कहैल्कै, ‘जनसिके बोल्याके ओकरसिके कामके रोजी दहैं। सबसे अन्तिममे आबेवालाके शुरुमे रोजी दिहैं आर सबसे शुरुमे आबेवालाके अन्तिममे रोजी दिहैं।’

मत्ती 27:55

बहुते जनानीसब भी ओत्ते रहै, जेसब दूरसे यी सभे घटनाके देख्ते रहै। ऊसब गालील जिलासे येशूके संगे ओकर सेवा टहल कर्ते पाछु-पाछु ऐलै रहे

यूहन्ना 12:6

यहूदा यी बात यी ल्याके नैकहैल्कै कि ओकरा गरिबसिके चिन्ता-फिकिर रहै, ऊ एरं कहैल्कै रहे कहिनेकी ऊ चोर रहै। पैसाके थैली ओक्रहै राखैले देल रहै आर ऊ थैलीसे पैसा चोराबै।