लूका 1:2 - केवट नया कारार

² ऊसब ठीक उहे लिखल्कै जे हमरासिके ऊ आदमीसिसे बतैल गेलै रहे, जेसब ओकरा प्रत्यक्ष रुपसे येशूके सेवकाईके शुरुआतसे देखल्कै रहे आर पाछु परमेश्वरके वचनके सेवक बन्लै।

लूका 1:2 Iomraidhean Croise

मर्कूस 1:1

परमेश्वरके बेटा येशू ख्रीष्टके विषयमे खुश-खबरीके सच्चा कहानी एरंके शुरु हैछै।

मर्कूस 16:20

तब चेलासब सभे जगहमे गेलै आर सभे आदमीसिके बीचमे खुश-खबरीके प्रचार कैल्कै। प्रभु ओकरासिके सहायता कैल्कै आर शक्तिशाली कामद्वारा वचनके साबित कैल्कै कि ओकरसिके सन्देश सच्चा रहै। आमेन।

मर्कूस 4:14

यी खिसाके मतलब एरं छै, बिहन बुनेवाला परमेश्वरके वचन सुनाबेवालाके जुगुर छै।

लूका 24:48

तुहेंसब यी सभे बातके गवाह ठहर्भैं।

यूहन्ना 15:27

आर तुहेंसब संसारके हमर बारेमे बतैभैं, कहिनेकी तुहेंसब शुरुआतसे हमरसंगे छैं।”

यूहन्ना 16:4

मगर यी सभे बात हमे तोरासिके इहे ल्याके बतैलियौ छे, कि जब समय ऐतौ ते, तोरासिके हमे कि कहैलियौ रहे से याद आबी जौ। जब तुहेंसब शुरुआतमे हमर चेला बन्लहैं हमे तोरासिके यी बात नैबतैलियौ, कहिनेकी हमे तोरसिके संगमे रहियौ।”

चुन्ल आर भेज्ल चेलासब 1:3

आपन दु:ख भोग्ल आर मर्लके बाद बहुते पक्का सबूतद्वारा ओकरसिके समनामे ऊ अपने आपके जिन्दा देखैल्कै। ऊ चालीस दिनतक चेलासिके लगत दिखाई पड्लै आर परमेश्वरके राज्यके विषयमे ओकरासिके बतैल्कै।

चुन्ल आर भेज्ल चेलासब 1:8

मगर तोरासिमे पवित्र आत्मा ऐलके बाद तुहेंसब शक्ति पैभैं, आर तुहेंसब यरूशलेम सहरमे, सारा यहूदिया प्रदेशमे, सामरिया प्रदेशमे आर धर्तीके अन्तिम छोरतक आदमीसिके बीचमे हमर गवाह हैभैं।”

चुन्ल आर भेज्ल चेलासब 14:25

आर पामफिलिया प्रदेशके पर्गा सहरमे ऊसब परमेश्वरके वचन प्रचार कैल्कै तब ऊसब अटालिया सहरमे गेलै।

चुन्ल आर भेज्ल चेलासब 16:6

पावल आर ओकर दोस्तसब फ्रिगीया प्रदेश आर गलातिया प्रदेशके इलाका भ्याके गेलै, कहिनेकी पवित्र आत्मा ओकरासिके परमेश्वरके वचन प्रचार करैके लिए एखन एशिया प्रदेशमे नैजैले आदेश देल्कै रहे।

चुन्ल आर भेज्ल चेलासब 17:11

यी यहूदी आदमीसब थेसलोनिके सहरके यहूदी आदमीसिसे बेसी भला रहै। कहिनेकी ऊसब बहुते उत्सुकताके साथ वचन स्वीकार कैल्कै आर यी बातसब ठीके एरं छै कि नैछै कहिके सभे दिन धरमशास्त्रमे पढिके खोजै।

चुन्ल आर भेज्ल चेलासब 26:16

आब उठ् आपन पैरीमे खडा हु। हमे तोरा इहे ल्याके दर्शन देलियौ छे कि तोरा आपन सेवक आर गवाह बनाबियौ। तुहें हमर विषयमे जे देख्लहैं आर पाछु जे कुछु हमे तोरा देखैबौ, ऊ सभैके बारेमे तोरा गवाही देना छौ।

चुन्ल आर भेज्ल चेलासब 4:20

कहिनेकी हमरसिके देख्ल आर सुन्ल बातसिके नैबोलीके हमेसब रहे नैसक्बै।”

चुन्ल आर भेज्ल चेलासब 8:4

जे विश्वासीसब छिरियैल रहै, ऊसब चारो महर जैके खुश-खबरी प्रचार करे लाग्लै।

१ कोरन्थी 4:1

आदमीसब अपनासिके ख्रीष्टके सेवक आर परमेश्वरके खुश-खबरीके गुप्त सच्चाईसिके व्याख्या करेवाला आदमी कहिके समझना चाही।

हिब्रू 2:3

सेल्याके जरुर ही अपनासिके सजाय मिल्तै यदि अपनासब यी महान उद्धारके तुच्छ समझबै। यी महान उद्धारके घोषणा सभैसे पहेला खुद प्रभु येशू ख्रीष्टके द्वारा कैल गेलै रहे, आर यी बात जे आदमीसब सुनल्कै रहे ओकरसिके द्वारा सच साबित कैल गेलै।

१ पत्रुस 5:1

कुछु एरं बातसब छै जे हमे ओत्ते भेल मण्डलीके अगुवासिके कहैले चाहैछियै कहिनेकी हमे भी तोरसिके जुगुर एकटा मण्डलीके रेख-देख करेवाला छियै। हमे खुद उटा दुःखसिके देख्लियै छे जे बहुते समय पहेला ख्रीष्ट सहैल्कै। जब ऊ फेर वापस ऐतै ते, हमे भी ओकर महिमामे सामिल हैबै। आब हमे तोरासिके आग्रह करैछियौ,

२ पत्रुस 1:16

जब हमे चुन्ल आर भेज्ल चेलासब तोरासिके आपनसिके प्रभु येशू ख्रीष्टके शक्ति आर फेर वापस आबैके विषयमे प्रचार कैलियौ ते, हमेसब तोरासिके चलाकीसे कुछु बन्ल बनैल कहानी नैबतैते रहियौ। बल्की हमेसब ख्रीष्टके महिमा आपन आँखीसे देख्लियै रहे।