लूका 1:1 - केवट नया कारार

¹ अति माननीय थियोफिलसके लिए, बहुते आदमीसब आपनसिके बीचमे घटिके पुरा भेल घटनासिके विवरण लिखैके कोशिश कैल्कै।

लूका 1:1 Iomraidhean Croise

मर्कूस 16:20

तब चेलासब सभे जगहमे गेलै आर सभे आदमीसिके बीचमे खुश-खबरीके प्रचार कैल्कै। प्रभु ओकरासिके सहायता कैल्कै आर शक्तिशाली कामद्वारा वचनके साबित कैल्कै कि ओकरसिके सन्देश सच्चा रहै। आमेन।

यूहन्ना 20:31

मगर यी इहे ल्याके लिख्ल गेलै छे, कि तुहेंसब येशू परमेश्वरके बेटा, ख्रीष्ट छै कहिके ओकरापर विश्वास करिके ओकर नामसे तोरासिके कहियो खतम नैहुएवाला जीवन मिलौ।

रोमी 14:5

ओहिने करिके, कोनो आदमी एकटा दिनके दोसर दिनसे बेसी महत्वके मानैछै, जब कि दोसर आदमी सभे दिनके एक समान सोचैछै। हरेक आदमी आपन सोच्ल बात सही छै कहिके निश्चित हुए पडैछै।

रोमी 4:21

परमेश्वर जे प्रतिज्ञा कैल्कै छे, उटा प्रतिज्ञा ऊ पुरा करे सक्तै कहिके अब्राहमके पुरा विश्वास रहै।

कलस्सी 2:2

हमे कठिन मेहनत करैछियै कहिनेकी हमे तोरासिके सभैके आत्मिक रुपसे उत्साह दियैले चाहैछियै, आर तोरसिके एक दोसरके प्रतिके प्रेम तोरासिके एक बनैतौ। हमे चाहैछियै कि ऊसब पुरा भरोसा राखै कहिनेकी ऊसब परमेश्वरके रहस्यमय योजनाके पुरे बुझ्ल छै, जे ख्रीष्ट आपनहैं छै।

कलस्सी 4:12

इपाफ्रास जे तोरसिके सहरसे छै, आर ख्रीष्ट येशूके दास छै, तोरासिके नमस्कार भेजल्कौ छे। आर ऊ सभे दिन तोरसिके लिए लगनशील भ्याके यी प्रार्थना करैछौ कि तुहेंसब परमेश्वरके सभे इच्छामे पूर्ण रुपसे आज्ञाकारी हुऐके कारणसे विश्वस्त हुए सक्हैं।

१ थेसलोनिकी 1:5

कहिनेकी येशू ख्रीष्टके बारेमे हमरसिके खुश-खबरी तोरसिकेलगत खाली बोलीमे नैऐलौ, मगर पवित्र आत्माके शक्तिमे आर ऊ सच छै कहिके पुरा निश्चयताके साथ ऐलौ छे। तुहेंसब जानैछैं कि तोरसिके कल्याणके लिए तोरसिके बीचमे रहै बेरियाँ हमरसिके चालचलन केरं रहै।

१ तिमोथी 3:16

बिना कोनो शंकाके, हमेसब कहे सकैछियै कि परमेश्वरद्वारा प्रकट कैल शिक्षासब पुरा रुपसे सच्चा छै, यानिकी येशू ख्रीष्ट आदमीके रुपमे ऐलै, ऊ पवित्र आत्माद्वारा परमेश्वरके बेटा साबित भेलै, स्वर्गदूतसब ओकरा देखल्कै, ऊ स्वर्गके महिमामे लजैल गेलै, आदमीसब ओकर बारेमे जात-जातके आदमीसिमे प्रचार कैल्कै, आर संसारके बहुते आदमीसब ओकरापर विश्वास कैल्कै।

२ तिमोथी 4:17

मगर प्रभु हमरसंगे खडा भेलै आर ऊ हमरा शक्ति देल्कै, आर हमे येशू ख्रीष्टके बारेमे साफसे खुश-खबरी प्रचार कैलियै ताकी अदालतमे भेल सभे गैर-यहूदी आदमीसब सुने सकै, आर भुख्ल शेरसे बचैल जुगुर परमेश्वर हमरा मौतसे बचैल्कै।

हिब्रू 10:22

आपनसिके हृदयके ऊ आपन खूनसे पवित्र बनैल्कै ताकी अपनासब जाने सकियै कि आब अपनासिमे कोनो गल्ती नैछै। आपनसिके शरीरके ऊ पानीसे लुहैल्कै, यी चिन्हके रुपमे कि ऊ अपनासिके शुद्ध करिदेल्कै छे। सेल्याके, हे विश्वासी भ्या-बहिनसब, अपनासब आपनसिके पुरा मन आर एरंको विश्वासके साथ परमेश्वरके नज्दिक चल जे आब हिलेवाला नैछै।

हिब्रू 6:11

हमरसिके बडका इच्छा छै कि जबतक तुहेंसब जिन्दा रहभैं, तबतक तुहेंसब प्रेमपूर्ण सेवाके काम कर्ते रहभैं, यी सुनिश्चित करैके लिए कि जे तुहेंसब आशा करैछैं उटा सच भ्याजैतै। तब तुहेंसब लापरवाह नै बन्भैं। बरु तुहेंसब ऊ आदमीसिके उदाहरणके अनुसरण कर्भैं जेसब आपन विश्वास आर धीरजके कारण परमेश्वरके प्रतिज्ञाके प्राप्त करेवाला छै।