यूहन्ना 1:4 - केवट नया कारार

⁴ ऊ सभे जीवनके स्रोत छै, आर ऊ उहे छै जे सभे आदमीसिके उजेत दैछै।

यूहन्ना 1:4 Iomraidhean Croise

मत्ती 4:16

परमेश्वरके चिन्हले बिना अनहारमे रहेवाला आदमीसब एकटा महान ज्योतिके देख्तै। यी ज्योति ऊ आदमीसिके उद्धारके रस्ता देखैतै जे परमेश्वरके चिन्है बिना जीवन बिताबैछै आर अनन्तकाल तक मौतके रस्तापर छै।”

लूका 2:32

ऊ गैर-यहूदी आदमीसिके उप्पर परमेश्वरके प्रकट करेवाला उजेत छै, आर तोर इस्राएलीसिके लिए महिमाके उजेत छै।”

यूहन्ना 11:25

येशू ओकरा कहैल्कै, “मुर्दासे जिन्दा करेवाला आर जीवन दिएवाला हम्हीं छियै। जे कोय हमरापर विश्वास करैछै, यदि ऊ मरि भी जैतै ते जितै।

यूहन्ना 12:35

येशू ओकरासिके कहैल्कै, “आब कुछु देरतक उजेत तोरसिके बीचमे छौ। जबतक उजेत तोरसिके संगे छौ तबतक आगु बढ्ते र, कहीं एरं नैहौ कि अनहार तोरासिके घेरी लौ। जे अनहारमे चलैछै, ऊ नैजानैछै कि ऊ कते जैछै।

यूहन्ना 12:46

हमे उजेत बनिके यी संसारमे ऐलियै छे, ताकी हमरापर विश्वास करेवाला आदमी अनहारमे नैरहै।

यूहन्ना 14:6

येशू ओकरा कहैल्कै, “रस्ता, सच, आर कहियो खतम नैहुएवाला जीवन हम्हीं छियै। हमर बिना कोय भी परमेश्वर पिताके लगत नै ज्या सक्तै।

यूहन्ना 3:19

आर दोष लगाबैके कारण इहे छै कि उजेत संसारमे ऐल छै, आर आदमीसिके काम दुष्ट हुऐके कारणसे आदमीसब उजेतसे बेसी अनहार पसंद करैछै।

यूहन्ना 5:21

कहिनेकी परमेश्वर पिता जेरंके मर्ल आदमीसिके फेर जिन्दा बनाबैछै, ओहिने करिके हमे, बेटा भी जकरा चाहैछियै ओकरा जीवन दैछियै।”

यूहन्ना 5:26

कहिनेकी परमेश्वर पिता आपनहैमे जीवन छै, ओहिने करिके ऊ हमे, बेटाके भी आपनहैमे जीवनके स्रोत हुऐके अधिकार देल्कै छे।

यूहन्ना 8:12

जब येशू फेर आदमीसिसे बात कर्ते रहै, तब ऊ कहैल्कै, “हमे संसारके उजेत छियै। जे कोय हमर पाछु चल्तै, ऊ अनहारमे कहियो नैचल्तै, मगर उटा उजेतके पैतै जे कहियो खतम नैहुएवाला जीवन दैछै।”

यूहन्ना 9:5

हमे यी संसारमे रहैतक हमे यी संसारके उजेत छियै।”

चुन्ल आर भेज्ल चेलासब 26:23

ऊसब कहैल्कै रहे कि ख्रीष्टके दुःख भोग्है पड्तै आर ऊ मुर्दासे जिन्दा हुएवालासिमेसे सभैसे पहेला हैतै। ऊ यहूदी आदमीसब आर गैर-यहूदी आदमीसिके आपन खुश-खबरी प्रचार कर्तै, जे एकटा उजेतके जुगुर छै।”

१ कोरन्थी 15:45

धरमशास्त्रमे लिख्ल छै, “पहेला आदमी आदम जिन्दा प्राणी भेलै।” आर अन्तिम आदम जे ख्रीष्ट छै ऊ कहियो खतम नैहुएवाला जीवन दैछै।

एफिसी 5:14

सेल्याके आदमीसब कहैछै: “हे निनमे भेल आदमीसब जाग आर मुर्दासे उठ्, आर ख्रीष्ट आपन उजेत तोरासिमे चम्कैतौ।”

कलस्सी 3:4

जब ख्रीष्ट, जे तोरासिके सच्चा जीवन दैछै, ऊ जब यी संसारमे फेर वापस ऐतै तब तहुँसब ओकरेसंगे दिखाई देभैं आर ओकर आदरमे सामिल हैभैं।

१ यूहन्ना 1:1

हमे यी चिट्ठी तोरासिके ओकर विषयमे लिखैछियौ जे आदमीसिके लिए परमेश्वरके सन्देश छै आर आदमीसिके वास्तविक जीवन दैछै। ऊ संसारके सृष्टि हुऐसे पहेलासे ही रहै, मगर आब हमेसब आपनहैंसे ओकरा सुन्लियै छे आर हमेसब ओकरा आपन आँखसे देख्लियै छे, हमेसब ओकरा बडा ध्यानसे देख्लियै छे आर हमरसिके हातसे ओकरा छुलियै छे।

१ यूहन्ना 1:2

परमेश्वर आदमीसिके, उटा आदमीके देखैल्कै छे जे वास्तविक जीवन दैछै आर हमेसब ओकरा देख्लियै। सेल्याके हमेसब तोरासिके सच्चा बात बताबैछियौ। हमेसब तोरासिके कहैछियौ कि जे कहियो खतम नैहुएवाला जीवन दैछै ऊ सभे दिनके लिए रहैछै। बहुते समय पहेलासे ऊ परमेश्वर पिताके संगमे रहै मगर आब परमेश्वर ओकरा अपनासिके देखैल्कै छे।

१ यूहन्ना 5:11

आर ऊ गवाही यी छै, कि परमेश्वर अपनासिके कहियो खतम नैहुएवाला जीवन देल्कै, आर अपनासब यी कहियो खतम नैहुएवाला जीवन परमेश्वरके बेटा येशूके द्वारा पैलियै छे।

प्रकाश 22:1

तब स्वर्गदूत हमरा एकटा लद्दी देखैल्कै जकरामे जीवनके पानी रहै। पानी सिसाके जुगुर साफ रहै। उटा पानी परमेश्वर आर बलि-भेंडाके सिंहासनसे बहते रहै।

प्रकाश 22:16

हमे, येशू आपन स्वर्गदूतके तोरलगत मण्डलीसिके आदमीसिके यी बातसिके घोषणा करैके लिए भेज्लियै छे। हमे दाऊद राजाके वंशके छियै, हमे ही छियै, जे उटा ताराके जुगुर छियै जे सुरुज उगैके समयमे प्रकट हैछै।”