याकूब 1:2 - केवट नया कारार

² हे हमर विश्वासी भ्या-बहिनसब, जब तोरासिपर अनेक किसिमके जाँच करेवाला आपद-विपदसब ऐतौ ते एकरा बडका आनन्दके बात समझ।

याकूब 1:2 Iomraidhean Croise

चुन्ल आर भेज्ल चेलासब 5:41

तब येशूके खातिर अपमान सहैके योग्यके ठहर्लियै कहिके यी बातमे आनन्द मनैते ऊसब महासभाके उपस्थितिसे निक्लीके गेलै।

रोमी 5:3

खाली एतनें ही नै, अपनासब संकटमे भेल समयमे भी आनन्दित हुए सकैछियै, अपनासिके मालुम छै कि आपनसिके दुःख भोग्ल कारणसे अपनासब आरहौ बेसी धीरज राखैले सिखैछियै।

फिलिप्पी 1:29

कहिनेकी परमेश्वर तोरासिके खाली ख्रीष्टमे विश्वास करैके ही नै मगर ओकरामे विश्वास करैके कारणसे दुःख भोगैके अवसर भी देल्कौ छे।

फिलिप्पी 2:17

जब हमे तोरासिके खुश-खबरी सुनैलियौ ते तुहेंसब प्रभु येशूमे विश्वास कैल्हैं आर ओकर सेवाके लिए आपन जीवनके बलिदान करि देल्हैं। सेल्याके यदि खुश-खबरी सुनाबैके कारण हमरा मारि भी देल जै, ते हमे भी तोरसिके संगे आनन्दित आर खुश रहबै।

फिलिप्पी 2:18

ओहिने करिके तहुँसब आनन्दित हु, आर हमरसंगे आनन्द कर।

कलस्सी 1:24

आर आब हमे तोरसिके खातिर ख्रीष्टके तकलीफमे सामिल भेल छियै, कहिनेकी हमर शारीरिक तकलीफके कारण ख्रीष्टके शरीर, यानिकी मण्डलीके लिए आरहौ बाँकी रहेल ख्रीष्टके तकलीफ पुरा करैले हमे सहायता करैछियै।

हिब्रू 10:34

तुहेंसब जेलमे कैदमे भेल आदमीसिके संगे सहानुभूति देखैल्हैं, आर तुहेंसब आपन धन-दौलत लुट्ल गेल पर भी खुशीके साथ सहलहैं, कहिनेकी तुहेंसब जानैछैं कि तोरसिकेलगत आब भी ऊ सभे चीज छौ जकर प्रतिज्ञा परमेश्वर कैल्कै रहे, जे कि बेसी बढियाँ छै आर जे सभे दिन रहैछै।

याकूब 1:12

ऊ आदमी धन्यके छै, जे परीक्षामे स्थिर रहैछै, कहिनेकी ऊ आपन विश्वास साबित कैलके बाद ऊ कहियो खतम नैहुएवाला जीवनके मकुट पैतै, जे परमेश्वरके प्रेम करेवाला आदमीसिके दियैके वादा परमेश्वर कैल्कै छे।

याकूब 1:16

हे हमर प्रिय विश्वासी भ्या-बहिनसब, परमेश्वर आपनसिके परीक्षा लैछै कहिके धोखामे नैपड।

याकूब 1:19

हे हमर प्रिय विश्वासी भ्या-बहिनसब, यी बात तुहेंसब जानी ले, हरेक आदमी सुनैके लिए तत्पर र आर बोलैमे कम आर गोस्सा करैमे धिमा हुए पडैछै।

याकूब 5:11

तोरासिके मालुम छौ, हमेसब अन्ततक धीरज धारण करेवालासिके धन्यके कहैछियै। तुहेंसब अय्युब नामके आदमीके विषयमे सुन्ले ही छैं, ऊ दुःखके समयमे भी स्थिर रहै आर प्रभुके तरफसे जे ओकर प्रतिफल भेलै से भी तुहेंसब जानी लेल्हैं छे, जकरासे प्रभुके बहुते करुणा आर दया प्रकट हैछै।

२ पत्रुस 2:9

यी सभे काम जे परमेश्वर पहेला कैल्कै, उटा कामसब अपनासिके यी देखाबैछै कि जे आदमीसब ईश्वरीय जीवन जियैछै, जब ऊसब मुसीबतमे हैछै ते परमेश्वर जरुर ओकरासिके सुरक्षित राख्तै। आर अपनासब यी भी निश्चित करे सकैछियै कि ऊ दुष्ट आदमीसिके उटा दिनतक निरन्तर सजाय देतै जबतक कि ऊ सभे आदमीसिके न्याय नैकर्तै।

प्रकाश 2:10

उटा तकलीफसिसे नैडर जे तोरा मिल्तौ। शैतान तोरासिमेसे कुछु आदमीसिके गिरफ्तार करवैतौ आर तोरासिके कैद करि देल जैतौ ताकी ऊ तोरसिके परीक्षा करे सकौ। तुहें दश दिनतक बडका कष्टके अनुभव कर्भैं। मगर हमरापर विश्वास करैले कहियो नैछोडिहैं, चाहे तोर जान भी मारि देल जौ, कहिनेकी हमे तोरा जितके पुरस्कारके रुपमे कहियो खतम नैहुएवाला जीवन देबौ।