याकूब 1:1 - केवट नया कारार

¹ हमे, याकूब यी चिट्ठी लिखैछियै। हमे परमेश्वर आर प्रभु येशू ख्रीष्टके सेवक छियै आर सभे देशसिमे छिरियाके रहेल यहूदी विश्वासीसिके जे बारह कुलसिके छै, तोरासिके हमर नमस्कार!

याकूब 1:1 Iomraidhean Croise

मत्ती 10:3

फिलिप आर बारथोलोमाइ, थोमा आर कर उठाबेवाला मत्ती, अल्फयसके बेटा याकूब आर थेदियस,

मत्ती 13:55

यी ते खाली एकटा लकडीके मिसतिरी छै, मरियमके बेटा आर याकूब, योसेस, यहूदा आर सिमोनके भ्या।

मत्ती 19:28

येशू ओकरासिके कहैल्कै, “हमे तोरासिके सच कहैछियौ, तुहेंसब जे हमर चेला बन्लहैं छे, नया सृष्टिमे जखनी हमे, आदमीके बेटा आपन महिमामय सिंहासनपर विराजमान हैबै, तहिया तहुँसब बारह सिंहासनमे बैठिके इस्राएलीसिके बारह कुलके न्याय कर्भैं।

मर्कूस 3:18

अन्द्रियास, फिलिप, बारथोलोमाइ, मत्ती, थोमा, अल्फयसके बेटा याकूब, आर थेदियस, सिमोन देशभक्त,

लूका 22:30

ताकी हमर राज्यमे तुहेंसब हमर टेबुलमे खैभैं आर पिभैं, आर इस्राएलीसिके बारहो कुलके आदमीसिके न्याय करैके लिए सिंहासनमे बैठ्भैं।

लूका 6:15

मत्ती आर थोमा, अल्फयसके बेटा याकूब आर सिमोन देशभक्त रहै।

यूहन्ना 12:26

कोय अगर हमर सेवा कर्तै ते ऊ हमर चेला बनक आर तब जते हमे छियै हमर सेवक भी ओथै रहतै। जे कोय हमर सेवा करैछै, हमर पिता ओकर कदर कर्तै।”

यूहन्ना 7:35

यी बात सुनिके यहूदी आदमीसिके अगुवासब एक दोसरसे कहे लाग्लै, “यी आदमी कते जैले चाहैछै जते हमेसब ओकरा कहियो नै भेटे सक्बै? शायद यी ऊसब यहूदी आदमीसिके लगत जैतै जे यूनानी सहरसिमे परदेशी बनिके रहैछै। कि यी ओक्रहैसिके जैके आपन शिक्षा दियैले चाहैछै?

चुन्ल आर भेज्ल चेलासब 1:13

ऊसब सहरके भितर गेलके बाद ओकरसिके रहेवाला उप्परके कोठामे गेलै आर ओत्ते पत्रुस, यूहन्ना, याकूब, अन्द्रियास, फिलिप, थोमा, बारथोलोमाइ, मत्ती, अल्फयसके बेटा याकूब आर उग्रपन्थी दलके सिमोन आर याकूबके बेटा यहूदा रहै।

चुन्ल आर भेज्ल चेलासब 12:17

ऊ चुप हु कहिके हातसे इशारा कैल्कै आर प्रभु ओकरा केरंके जेलसे निकाल्लकै कहिके ओकरासिके बतैल्कै। यी बातके समाचार याकूब आर दोसर भ्यासिके दिहैं कहिके ऊ बिदा भ्याके दोसरे जगहमे चल गेलै।

चुन्ल आर भेज्ल चेलासब 15:13

ओकरसिके बोल्ल भेलके बाद याकूब एरं कहैल्कै, “हे भैय्यासब हमर बात सुन।

चुन्ल आर भेज्ल चेलासब 15:21

कहिनेकी पुरना जमानासे ही सहर-सहरमे मूसाके विधि-विधानके प्रचार कैल जैछै, आर ओकर लेख हरेक यहूदी आदमीसिके विश्रामके दिनमे यहूदी आदमीसिके सभाघरमे पढ्ल जैछै।”

चुन्ल आर भेज्ल चेलासब 15:23

आर ऊसब ओकरसिके संगे यी चिट्ठी भेजल्कै: एन्टीओखिया सहर, सिरिया प्रदेश आर किलिकिया प्रदेशमे रहेवाला गैर-यहूदी विश्वासी भ्या-बहिनसिके चुन्ल आर भेज्ल चेलासब आर मण्डलीके अगुवासिके तरफसे नमस्कार!

चुन्ल आर भेज्ल चेलासब 2:5

उटा समयमे परमेश्वरके भय मानेवाला यहूदी आदमीसब रहै जे संसारके बहुते देशसे पावन मनाबैके लिए ऐल रहै आर ऊसब यरूशलेम सहरमे रहते रहै।

चुन्ल आर भेज्ल चेलासब 21:18

दोसर दिन पावल हमरासिके ल्याके याकूब लगत गेलै, जते सभे मण्डलीके अगुवासब जमा रहै।

चुन्ल आर भेज्ल चेलासब 23:26

“अति माननीय राज्यपाल फेलिक्सके, क्लौडियस लुसियसके तरफसे सादर प्रणाम!

चुन्ल आर भेज्ल चेलासब 26:7

उहे प्रतिज्ञाके पुरा हुऐके आशा राख्ते हुए आपनसिके बारहो कुल आपन सारा मनसे रात-दिन परमेश्वरके आराधना कर्ते ऐलै छे। हे राजा अग्रिपास, इहे आशाके कारण जे परमेश्वर यहूदी आदमीसिसे पुरा करैके प्रतिज्ञा कैल्कै रहे यी यहूदी अगुवासब हमरापर आरोप लगाबैछै।

चुन्ल आर भेज्ल चेलासब 8:1

स्तिफनसके हत्यामे शाउल भी पुरा तरहसे सहमत रहै। उहे दिन यरूशलेम सहरके मण्डलीके विरोधमे बडका सतावट शुरु भेलै, आर चुन्ल आर भेज्ल चेलासिके सिवाय बाँकी सभेको यहूदिया प्रदेश आर सामरिया प्रदेशके इलाका महर छिरिया गेलै।

रोमी 1:1

यी चिट्ठी हमे, पावल लिखैछियै। हमे येशू ख्रीष्टके सेवक छियै, आर चुन्ल आर भेज्ल चेला हुऐके लिए परमेश्वरके द्वारा चुन्ल गेलियै छे आर परमेश्वरके खुश-खबरी सुनाबैके लिए अलग कैल गेलियै छे।

गलाती 1:19

उटा समयमे हमे खाली आरहौ एकटा चुन्ल आर भेज्ल चेलाके भेट करे सक्लियै, ऊ प्रभुके भ्या याकूब रहै।

गलाती 2:12

ऊ पहेला गैर-यहूदी आदमीसिके संगे भोजन करै, मगर जब याकूबके भेज्ल कुछु विश्वासीसब ऐलै तब ऊ गैर-यहूदी विश्वासीसिसे मेल-जोल राखना आर ओकरसिके संगे भोजन खैले छोडी देल्कै, कहिनेकी पत्रुस ऊ यहूदी आदमीसिसे डर्ते रहै जेसब चहते रहै कि सभे गैर-यहूदी आदमीसिके खतना कैल जाना चाही।

गलाती 2:9

जे आदमीसब मण्डलीके अगुवासब मान्ल जैते रहै, यानिकी याकूब, पत्रुस, आर यूहन्ना, ऊसब कृपाके उटा वरदानके पहचानल्कै जे हमरा मिल्लै छे। ऊसब हमरा आर बरनाबासके आपन सहयोगी जानीके हमरासिके सहभागिताके दहिना हात देल्कै। ऊसब यी बातके लिए सहमत भेलै कि हमेसब गैर-यहूदी आदमीसिके लगत जैयै आर ऊसब यहूदी आदमीसिके लगत जै।

फिलिप्पी 1:1

यी चिट्ठी हमे, पावल आर तिमोथीके तरफसे छै, जेसब येशू ख्रीष्टके दास छै। हमे यी चिट्ठी फिलिप्पी सहरके मण्डलीके देख-रेख करेवाला आर मण्डलीके सेवक सहित परमेश्वरके आदमीसिके लिखैछियै।

२ तिमोथी 4:21

जाड शुरु हुऐसे पहलहै आबैके कोशिश कर। युबुलस तोरा नमस्कार भेजल्कौ छे आर पुडेस, लिनस, क्लौडिया आर सभे विश्वासी भ्यासब तोरासिके नमस्कार भेजल्कौ छे।

तीतस 1:1

हमे, पावल, यी चिट्ठी तोरा लिखैछियौ। हमे येशू ख्रीष्टके चुन्ल आर भेज्ल चेला छियै। हमरा परमेश्वरसे चुन्ल आदमीसिके विश्वासके मजगुत बनाबैके लिए आर ओकरासिके येशू ख्रीष्टके सच्चाई बुझाबैले सहायता करैके लिए हमरा नियुक्त कैल छै ताकी ऊसब परमेश्वरके खुश बनाबेवाला जीवन जिये सकै।

१ पत्रुस 1:1

हमे, पत्रुस, जे येशू ख्रीष्टके चुन्ल आर भेज्ल चेला छियै, यी चिट्ठी लिखैछियै। हमे यी चिट्ठी परमेश्वरके चुन्ल ऊ आदमीसिके लिखैछियै जे पोन्टस, गलातिया, कापाडोकिया, एशिया प्रदेश आर बेथानियाँ प्रदेशके अलग-अलग सहरमे परदेशीसिके जुगुर रहैछै।

२ पत्रुस 1:1

हमे, सिमोन पत्रुस तोरासिके यी चिट्ठी लिखैछियौ, हमे येशू ख्रीष्टके सेवक आर चुन्ल आर भेज्ल चेला छियै। हमे तुहेंसब सभैके लिए लिखैछियौ जेसब आपनसिके जुगुर समान बहुमूल्य विश्वास प्राप्त कैल्कै छे, यी विश्वास आपनसिके परमेश्वर आर उद्धारकर्ता येशू ख्रीष्टके द्वारा अपनासिके देल गेलै छे, जे अपनासिके परमेश्वरके नजरमे धर्मी घोषित करैछै।

यहूदा 1:1

हमे, यहूदा, तोरासिके यी चिट्ठी लिखैछियौ। हमे येशू ख्रीष्टके एकटा सेवक आर याकूबके छोटका भ्या छियै। हमे तोरासिके लिखैछियौ, जकरासिके परमेश्वर आपन उप्परमे विश्वास करैके लिए बोलैल्कौ छे। हमरसिके परमेश्वर पिता तोरासिसे प्रेम करैछौ आर तोरासिके येशू ख्रीष्टमे सुरक्षित राखैछौ।

प्रकाश 7:4

जब स्वर्गदूतसब निशान लगाबैके काम पुरा करि लेल्कै ते, कोय हमरा बतैल्कै कि ऊ आदमीसब जकर मथामे स्वर्गदूतसब परमेश्वरके मोहरसे निशान लगैल्कै छे, ओकरसिके संख्या एक लाख चौवालिस हजार रहै। यी आदमीसब इस्राएलके सभे बारहटा कुलसिमेसे रहै।