गलाती 1:2 - केवट नया कारार

² हमे यी चिट्ठी हमर संगमे भेल सभे विश्वासी भ्यासिके संगे ऊ मण्डलीसिके लिखैछियै जे गलातिया प्रदेशमे छै।

गलाती 1:2 Iomraidhean Croise

चुन्ल आर भेज्ल चेलासब 15:41

तब ऊसब सारा सिरिया प्रदेश आर किलिकिया प्रदेशमे जैके मण्डलीके विश्वासीसिके मजगुत कर्ते आगु बढले गेलै।

चुन्ल आर भेज्ल चेलासब 18:23

पावल एन्टीओखिया सहरमे कुछु दिन रहेलके बाद ओत्तेसे बिदा भ्याके गलातिया प्रदेश आर फ्रिगीया प्रदेशमे सभे चेलासिके मजगुत कर्ते अलग अलग जगहमे गेलै।

चुन्ल आर भेज्ल चेलासब 9:31

एरंके सारा यहूदिया प्रदेश, गालील जिला आर सामरिया प्रदेश भरके मण्डलीमे शान्ति भेलै आर मण्डलीके उन्नति भेले गेलै, आर ऊसब प्रभुके भय आर पवित्र आत्माके द्वारा सहायता प्राप्त कैल्कै आर बहुते आदमीसब प्रभु येशूपर विश्वास कैल्कै आर मण्डलीमे वृद्धी भेलै।

१ कोरन्थी 16:1

आब यरूशलेम सहरमे विश्वासीसिके लिए जमा कैल ज्यावाला दानके विषयमे जे सवाल तुहेंसब पुछलहैं रहे, ओकर विषयमे जे बात हमे गलातिया प्रदेशके मण्डलीके बतैलियै रहे, ओहिने तहुँसब भी कर।

गलाती 3:1

तुहें, हे गलातिया प्रदेशके विश्वासीसब तोरसिके दिमाग खराब भ्या गेलौ छे, कहिनेकी हमे तोरासिके एतनें साफसे वर्णन कैलियौ कि येशू ख्रीष्ट क्रूसपर कहिने मर्लै, ते फेर तुहेंसब उटा बातसे केरंके दूर ज्या सकैछैं। कोय जरुर तोरासिके धोखा देल्कौ छे।

फिलिप्पी 2:22

मगर तोरासिके मालुम छौ कि केरंके तिमोथी अपने आपके विश्वासयोग्य देखैल्कै छे। जेरंके बेटा बाबुके सेवा करैछै ओहिने करिके ऊ हमरसंगे खुश-खबरी फैलाबैमे हमरसंगे मेहनत कैल्कै छे।

फिलिप्पी 4:21

ख्रीष्ट येशूमे भेल सभे परमेश्वरके आदमीसिके हमर नमस्कार कहैं। जे विश्वासी भ्यासब हमर संगमे छै उहोसब भी तोरासिके नमस्कार भेजल्कौ छे।