एफिसी 5:4 - केवट नया कारार

⁴ कोनो अश्लील बात, मूर्ख बातचित या अश्लील मजाक नैकरिहैं, कहिनेकी यी तोरसिके लिए उचित नैछौ। मगर तोरासिके परमेश्वरके धन्यवाद देना चाही।

एफिसी 5:4 Iomraidhean Croise

मर्कूस 7:22

लोभ, दुष्टता, छल, लुचपनी, ईर्ष्या, ईश्वर निन्दा, घमण्ड, मूर्खपन निक्लैछै।

यूहन्ना 6:23

जब तिबेरियससे आर नावसब ऊ जगहके लगत ऐलै, जते प्रभुके धन्यवाद चढाबैके बाद ऊसब रोटी खैल्कै रहे।

रोमी 1:28

कहिनेकी ऊसब परमेश्वरके स्वीकार करना मूर्खता सोचल्कै, सेल्याके परमेश्वर भी उटा सभे अनुचित काम करैके लिए ओकरासिके ओकरसिके बेकम्मा मनके वशमे छोडी देल्कै।

२ कोरन्थी 1:11

इहे बातमे तुहेंसब प्रार्थनाद्वारा हमरासिके सहायता करैछैं। एरंके बहुते आदमीसिके प्रार्थनाके जबाबमे जे आशिषसब हमरासिके मिल्तै, ओकर खातिर बहुते आदमीसब हमरसिके कारण परमेश्वरके धन्यवाद देतै।

२ कोरन्थी 9:15

या अपनासब परमेश्वरके ओकर बेटाके लिए धन्यवाद दैछियै, एकटा एरंको दान जे शब्दसिमे बताबैके लिए बहुते अदभुद छै।

एफिसी 1:16

तबसे हमे सभे दिन तोरसिके लिए परमेश्वरके धन्यवाद दैछियै, आर आपन प्रार्थनामे तोरासिके याद करैछियौ।

एफिसी 4:29

तोरसिके मुखसे कोनो खराब बात नैनिक्लौ, बल्की खाली उहे बात बोल जे आदमीसिके उन्नति कराबैके लिए सुहाबेवाला छै, ताकी जे कुछु भी तुहेंसब बोलैछैं उटा बातसब सुनेवाला आदमीसिके आत्मिक रुपसे फैदा दिए सकै।

फिलिप्पी 4:6

कोनो बातके चिन्ता-फिकिर नैकर, मगर हरेक परिस्थितिमे प्रार्थना आर निवेदनके साथ धन्यवादसहित तोरसिके बिन्ती परमेश्वरके चढा।

कलस्सी 3:8

मगर आब तहुँसब यी सभे काम करैले छोड: यानिकी गोस्सा, क्रोध, बैरभाव, निन्दा, आर गारी बकना छोडी दहैं।

१ थेसलोनिकी 3:9

तोरेसिके कारणसे हमेसब आपनसिके परमेश्वरके समनामे आनन्द मनाबैछियै। एकर लिए ते परमेश्वरके जतनें धन्यवाद देना भी कमे हैछै।

१ थेसलोनिकी 5:18

सभे परिस्थितिमे धन्यवाद दहैं, कहिनेकी येशू ख्रीष्टमे तोरसिके लिए परमेश्वरके इच्छा इहे छै।

फिलेमोन 1:8

हमे तोरा कुछु काम करैले कहैछियौ जे तोरा करना चाही। यी काम करैले आज्ञा दियैके लिए हमे ख्रीष्टके अधिकार प्रयोग करे सक्तियै, मगर हमे नैकर्बौ। एकर बदलामे, हमे साधारण रुपसे तोरा यी काम करैले कहैछियौ कहिनेकी अपनासब एक दोसरके आर परमेश्वरके बेटा-बेटीसिके प्रेम करैछियै। हमे, पावल, आब एकटा बुढ आदमी हुऐके कारणसे आर एकटा एरंको आदमी हुऐके कारणसे कहैछियौ जकरा आदमीसब जेलमे ढुक्या देल्कै कहिनेकी हमे येशू ख्रीष्टके सेवा करैछियै।

हिब्रू 13:15

सेल्याके या अपनासब येशूके द्वारा सभे दिन परमेश्वरके ओकर प्रशंसाके बलिदान चढाबियै, यी ते ओकर नाम लिएवालासिके मुखसे चढैल दान छै।

२ पत्रुस 2:18

जब ऊसब आदमीसिके सिखाबैछै, ऊसब बेकारके आर घमण्डसे भर्ल शब्दसिके इस्तमाल करैछै। ऊसब आदमीसिके बताबैछै कि ओकरसिके आपन शरीर जे करैले चाहैछै उटा लजलग्गा काम करे सकैछै आर ऊसब आदमीसिके फेरसे पाप करैके लिए भरम्या दैछै जे आदमीसब कुछु समय पहेला ही दुष्ट जीवनशैली त्यागल्कै छे।

२ पत्रुस 2:7

मगर सदोम सहरके नाश करैसे पहेला परमेश्वर लोतके बचैल्कै, जे एकटा धर्मी आदमी रहै, परमेश्वर ओकरा सहरसे निकाली देल्कै आर एरंके ओकरा बच्या लेल्कै। लोत बहुते दुखित रहै कहिनेकी सदोम सहरके आदमीसब कोनो भी नियमके पालन नैकर्ते रहै आर अनैतिक काम कर्ते रहै।

यहूदा 1:10

मगर यी आदमीसब ऊ बातसिके विरुद्ध अपमानजनक तरिकासे बोलैछै, जकरा ऊसब नैबुझैछै। आर जे बातसब ऊसब बुझैछै आर उटा कामसब स्वभाविक तरिकासे बौक जानवरसिके जुगुर करैछै ते, यीसब उटा पापमय कामसिके करैके द्वारा खुदके नाश करैछै।

यहूदा 1:13

जेरंके समुन्दरके अशान्त लहर गन्दा फेन बनाबैछै, ओहिने करिके यी आदमीसब शर्मनाक काम करैछै। ऊसब कुछु तारासिके जुगुर छै जे एकटा सिधा रस्तापर नैचलैछै, ऊसब सही रस्ता नैदेखाबैछै। प्रभु ओकरसिके लिए एकटा जगह राखैछै जे पुरा तरहसे अनहार छै जते ओकरासिके सभे दिनके लिए रहे पड्तै।