एफिसी 4:7 - केवट नया कारार

⁷ मगर ख्रीष्ट आपनसिमेसे हरेकके ओकर काम करैके लिए अलग-अलग विशेष योग्यतासब देल्कै छे।

एफिसी 4:7 Iomraidhean Croise

मत्ती 25:15

ऊ आदमी सभे नोकरसिके ओकरसिके क्षमता मुताबिक एकटाके पाँचटा सोनाके सिक्काके झोला, दोसरके दी सोनाके सिक्काके झोला, आर तेसरके एकटा सोनाके सिक्काके झोला द्याके ऊ परदेश चल गेलै।

यूहन्ना 3:34

परमेश्वरसे भेज्ल आदमी परमेश्वरेके बात बोलैछै कहिनेकी परमेश्वर ओकरा पवित्र आत्माके भरपूरी देल्कै छे।

रोमी 12:3

हमरा देल अनुग्रहद्वारा तोरासिके सभैके हमे बिन्ती करैछियौ कि, कोय भी आदमी खुद जेरं छियै अपने आपके बडका नैसोचना चाही। मगर परमेश्वर तोरासिके देल विश्वासके नाप बमोजिम खुदके जाँच।

२ कोरन्थी 6:1

परमेश्वरके सहकर्मी हुऐके कारणसे हमे तोरासिके बिन्ती करैछियौ, कि ओकर अनुग्रहके बेकार हुऐले नैदहैं।

एफिसी 3:2

तुहेंसब जरुर ही सुन्लहैं छे कि परमेश्वर हमरा खुश-खबरीके प्रचार करैके जिम्मेदारी ओकर अनुग्रहसे देल्कै छे।

एफिसी 3:8

हमे परमेश्वरके सभे आदमीसिमेसे सभैसे कम महत्वपूर्ण छियै। मगर परमेश्वर हमरापर अनुग्रहकारी रहै कि हमे गैर-यहूदी आदमीसिके खुश-खबरी सुनाबे सक्लियै कि ख्रीष्ट अपार आशिषके मूल छै, जे समझसे बाहार छै।

हिब्रू 2:4

परमेश्वर बहुते किसिमके चिन्हसब, चमत्कारके कामसब, आर विभिन्न प्रकारके शक्तिशाली कामसिके प्रयोग करिके आर आपन इच्छाके मुताबिक पवित्र आत्माके द्वारा आदमीसिके वरदानसब द्याके प्रभु ओकरासिके सहायता कैल्कै आर ओकरसिके सन्देश सच्चा रहै कहिके साबित कैल्कै।

१ पत्रुस 4:10

हरेक आदमीके परमेश्वरके तरफसे वरदान मिल्लै छे आर ओकरासिके उटा वरदानके प्रयोग दोसर आदमीसिके सहायता करैके लिए करना चाही। ओकरासिके उटा विभिन्न वरदानसिके प्रयोग बढियाँसे करना चाही जे परमेश्वर ओकरासिके अनुग्रह करिके देल्कै छै।