एफिसी 4:4 - केवट नया कारार

⁴ अपनासब सभे विश्वासी एक्केटा शरीरके अंगसिके जुगुर छियै। अपनासिके एक्केटा पवित्र आत्मा मिल्लै, जेरंके तोरासिके एक्केटा आशा देल गेलौ रहे, जब तोरासिके परमेश्वरके आदमीसब हुऐके लिए चुन्ल गेलौ।

एफिसी 4:4 Iomraidhean Croise

मत्ती 28:19

सेल्याके तुहेंसब जो, आर जात-जातके आदमीसिके हमर चेला बना। ओकरासिके एकटा चिन्हके रुपमे बप्तिस्मा दहैं कि ऊसब परमेश्वर आर हमे, परमेश्वरके बेटा आर पवित्र आत्माके अनुसरण करैछै।

चुन्ल आर भेज्ल चेलासब 15:11

एरंको करना सही नैछै। ओकरसिके जुगुर अपनासब भी विश्वास करिके आपनसिके प्रभु येशूके अनुग्रहसे उद्धार पैलियै छे। अपनासब मूसाके देल विधि-विधान पालन करिके उद्धार नैपैलियै छे।”

रोमी 11:29

कहिनेकी परमेश्वर आपन वरदान आर बुलाहटसे कहियो भी आपन मन नैबदलैछै।

१ कोरन्थी 10:17

कहिनेकी एकटा रोटी यी बातके चिन्ह छै कि अपनासब जे बहुते छियै ख्रीष्टमे एक्केटा शरीर छियै, कहिनेकी अपनासब सभेको एक्केटा रोटीसे खैछियै।

१ कोरन्थी 12:20

सेल्याके, भला ही शरीरके बहुते अंगसब छै, तैय्योपर भी एक्केटा शरीर छै।

२ कोरन्थी 11:4

जब भी कोय आदमी तोरसिकेलगत आबैछौ आर तोरासिके एकटा अलग येशूके विषयमे बताबैछौ ते तुहेंसब ऊ नया आदमीके स्वीकार करैके लिए बहुते उत्सुक रहैछैं। ऊ उटा येशू नैछै जकर बारेमे हमेसब तोरासिके बतैलियौ रहे। आर तुहेंसब खुशीके साथ ओकरापर ध्यान दैछैं जब तोरासिके पवित्र आत्मा आर खुश-खबरी प्राप्त हैछौ, जे ऊ आत्मा आर खुश-खबरीके जुगुर नैहैछै जे हमेसब तोरसिकेलगत आन्लियौ रहे।

एफिसी 1:18

हमे यी भी प्रार्थना करैछियौ कि ऊ तोरासिके सचके आर उटा आशाके जकर लिए ऊ तोरासिके बोलैल्कौ छे, ओकरा समझैमे तोरसिके सहायता करौ। ताकी तुहेंसब जाने सक्हैं कि उटा आशिषसब कतनें महान आर महिमामय छै जकर प्रतिज्ञा परमेश्वर आपन सन्तसिके संगे कैल्कै छे।

एफिसी 2:16

क्रूसपर आपन मौतके द्वारा ख्रीष्ट दीटा समूहके एक बन्या देल्कै आर ओकरसिके मिलाप परमेश्वरसे कर्या देल्कै, एरंके यहूदी आदमीसिके आर गैर-यहूदी आदमीसिके बीचके दुश्मनीके खतम करिदेल्कै।

एफिसी 2:18

कहिनेकी ख्रीष्ट जे आपनसिके लिए कैल्कै, ओकर कारण आब अपनासब उहे एक्केटा पवित्र आत्माके द्वारा पिताके लगत आबे सकैछियै।

एफिसी 2:22

हे गैर-यहूदी आदमीसब तुहेंसब ख्रीष्टके साथ एकजुट हुऐके कारण तोरासिके भी परमेश्वरके दोसर आदमीसिके संगे जोड्ल जैछौ। तुहेंसब एकटा एरंको इमारतके जुगुर बनैछैं जते परमेश्वरके आत्मा रहैछै।

एफिसी 4:1

सेल्याके, हमे जे प्रभु येशूके सेवा करैके कारणसे कैदी छियै, तोरासिके बिन्ती करैछियौ कि उटा बोलावटके संगे जकरासे परमेश्वर तोरासिके आपन सन्तान हुऐके लिए बोलैल्कौ छे, ओकर मुताबिक जीवन जी।

एफिसी 5:30

इहे ल्याके कि अपनासब ओकर शरीरके अंगसब छियै।

कलस्सी 1:5

तोरसिके विश्वास आर प्रेम तोरसिके लिए स्वर्गमे राख्ल आशामे आधारित छौ। तुहेंसब यी विषयमे पहलहैसे सुन्लहैं रहे, जब आदमीसब पहेला तोरसिकेलगत ऐलौ आर तोरासिके येशू ख्रीष्टके बारेमे खुश-खबरी सुनैल्कौ, जे परमेश्वरके सच्चा सन्देश छै।

कलस्सी 3:15

ख्रीष्टके द्वारा मिलेवाला शान्ति तोरसिके हृदयमे राज्य करौ। कहिनेकी तुहेंसब एक्केटा शरीरके अलग-अलग भागसब छैं। सेल्याके तुहेंसब एक दोसरामे शान्तिके साथ जियैके लिए बोलैल छैं। आर परमेश्वरके निरन्तर धन्यवाद दिएवाला बन।

२ थेसलोनिकी 2:16

हमेसब आपन प्रभु येशू ख्रीष्ट आर परमेश्वर पितासंगे प्रार्थना करैछियै जे अपनासिके प्रेम कैल्कै आर जे आपन अनुग्रहसे अपनासिके कहियो खतम नैहुएवाला उत्साह आर दृढ आशा देल्कै।

१ तिमोथी 1:1

हमे, पावल, यी चिट्ठी लिखैछियै। हमरसिके आशा राख्ल उद्धारकर्ता परमेश्वर आर येशू ख्रीष्टके अधिकारमे हमे प्रभु येशू ख्रीष्टके कामके लिए ख्रीष्टके चुन्ल आर भेज्ल चेला छियै।

तीतस 1:2

नतिजा स्वरुप, ऊसब परमेश्वरसंगे कहियो खतम नैहुएवाला जीवन जियैके आशा करैछै कहिनेकी कहियो झुठ नैबोलेवाला परमेश्वर यी संसारके सृष्टि करैसे पहेला ही यी प्रतिज्ञा कैल्कै कि ओकर आदमीसब सभे दिन जितै।

तीतस 2:13

हमेसब एरंके व्यवहार करैछियै जब आपनसिके आशा कैल उटा सुन्दर दिनके लिए हमेसब उम्मीदके साथ इन्तजार करैछियै: उटा दिन जब आपनसिके महान परमेश्वर आर उद्धारकर्ता येशू ख्रीष्ट आपन सारा महिमाके साथ धर्तीपर फेर वापस ऐतै।

तीतस 3:7

परमेश्वर एरंको इहे ल्याके कैल्कै ताकी आपन अनुग्रहसे ऊ अपनासिके आपन नजरमे धर्मी घोषित करे सकै, आर अपनासब ओकर बेटा-बेटीसब बने सकियै आर इहे ल्याके विश्वासके साथ अपनासब ओकरसंगे कहियो खतम नैहुएवाला जीवन पाबैके आशा राखे सकियै।

१ पत्रुस 1:21

ख्रीष्टके कैल कामद्वारा परमेश्वरपर तोरसिके भरोसा छौ, जे ख्रीष्टके मुर्दासे जिन्दा बन्याके महिमा देल्कै, ताकी तोरसिके आशा आर विश्वास परमेश्वरमे रहौ।

१ यूहन्ना 3:3

हरेक आदमी जे यी आशा करैछै कि ऊ ख्रीष्टके जुगुर हैतै, ऊसब खुदके हरेक पापसे दूर राखे पडैछै।