एफिसी 4:2 - केवट नया कारार

² सभे दिन नम्र आर कोमल बन। एक दोसरके संगे धीरज राख, प्रेमके कारण एक दोसरके व्यवहारके सहन कर।

एफिसी 4:2 Iomraidhean Croise

मत्ती 11:29

हमर चेला बन, आर हमरसंगे सिख। कहिनेकी हमे विनम्र आर कोमल हृदयके छियै, आर तुहेंसब आपन आत्मामे विश्राम पैभैं।

मर्कूस 9:19

तब येशू यी बात सुनिके ओकरासिके कहैल्कै, “हे अविश्वासी आदमीसब, हमे कहियातक तोरसिकेलगत रहबौ? तोरासिके कतनें सहियौ? ऊ लडकाके हमरलगत आन।”

चुन्ल आर भेज्ल चेलासब 20:19

बहुते विनम्रतासे आर लोर बहैते उटा संकटके समयमे भी, जे यहूदी आदमीसिके षड्यन्त्रके बदौलत हमरापर ऐलै रहे, हमे प्रभुके सेवा कर्ते रहैलियै।

रोमी 15:1

अपनासब, जे विश्वासमे मजगुत छियै यी जानैछियै कि यी बातसिसे कोय फरक नैपडैछै, मगर अपनासब खाली खुदके खुश बनाबैके लिए एरं नैकरे सकैछियै। अपनासिके ऊ आदमीसिके शंका आर डरसिपर धीरज करना चाही जे यी बातसिके गलत मानैछै।

१ कोरन्थी 13:7

प्रेम करेवाला आदमी सभे दिन बातसिके सहैछै, आर ऊसब कहियो भी विश्वास करैले नैछोडैछै, ऊसब सभे दिन आशा राखैछै, आर दुःख आर तकलीफमे भी ऊसब धीरज राखैछै।

गलाती 6:2

तकलीफके सामना करैके समयमे एक दोसरके सहायता कर। एरंके तुहेंसब ख्रीष्टके देल नियमके पालन कर्भैं।

एफिसी 1:4

यानिकी परमेश्वर संसार बनाबैसे पहेला ही अपनासिके ख्रीष्टके कारण आपन प्रजा हुऐके लिए चुनल्कै। ताकी अपनासब ओकर समनामे पवित्र आर दोषरहित हुए सकियै।

कलस्सी 1:11

हमे प्रार्थना करैछियौ कि परमेश्वर आपन बडका शक्ति प्रयोग करिके तोरासिके बहुते मजगुत बनाबौ, ताकी तुहेंसब धीरजी आर आनन्दित भ्याके आपन दुःखसब सहे सक्हैं।

१ तिमोथी 6:11

मगर तिमोथी, तुहें परमेश्वरके सेवा करेवाला आदमी छैं, तोरा यी सभे चीजसिके करैसे दूर रहना चाही, जे सही छै खाली ओकरा करैके लिए हर सम्भव कोशिश कर। परमेश्वरके आदर दिएवाला जीवन जी। ख्रीष्टमे भरोसा राख। दोसर आदमीसिके प्रेम कर। परमेश्वरके आज्ञापालन करैके लिए कठिन परिस्थितीसिमे स्थिर र। दोसर आदमीसिके संगे भला आदमी बन।

२ तिमोथी 2:25

आपन विरोधमे भेल आदमीसिके ऊ नम्रताके साथ सुधारना चाही, आर कि पता परमेश्वर ओकरासिके मन बदलैके लिए सहायता कर्तै, ताकी ऊसब भी ख्रीष्टके सच्चाईके चिन्हे सकै।

याकूब 1:21

सेल्याके सभे तरहके गन्दा आचरण आर दुष्ट व्यवहार बन्द करिके नम्रतासे परमेश्वरके वचनके स्वीकार कर जे तोरसिके हृदयमे रोप्ल छौ आर जे तोरसिके जीवनके कहियो खतम नैहुएवाला सजायसे बचाबे सकैछै।

१ पत्रुस 3:15

मगर तोरसिके हृदयमे ख्रीष्टके लिए श्रद्धा राख। आर ओकरा प्रभुके रुपमे आदर कर। आर सभे विश्वासीसब साझेदार हुएवाला आशाके बारेमे कोय भी पुछतौ ते जबाब दियैके लिए सभे दिन तैय्यार र।

१ पत्रुस 3:8

अन्तमे, हमे तोरासिके यी कहैले चाहैछियौ कि एकतामे र, एक दोसरके लिए वास्ता कर, एक्के परिवारके सदस्यसिके जुगुर एक दोसरके प्रेम कर। एक दोसरके प्रति दयालु बन आर एक दोसरसे नम्र बन।