एफिसी 3:9 - केवट नया कारार

⁹ आर सभे आदमीके यी नुकैल योजनाके बारेमे सम्झाबैके लिए सभे चीजके सृष्टि करेवाला परमेश्वर यी बात शुरुसे ही नुक्याके राखल्कै छे।

एफिसी 3:9 Iomraidhean Croise

मत्ती 10:27

एकर मतलब यी छै कि जे बात भी परमेश्वर अनहारमे तोरासिके कहैछौ, से बात उजेतमे सभैके सार्वजनिक रुपसे कहिदहैं आर जे बात हमे तोरासिके गुप्तमे कहैछियौ, ऊ बात घरके छतमे चढिके सार्वजनिक रुपसे प्रचार कर।

मत्ती 13:35

परमेश्वरके वक्ताद्वारा एरंको कहेल वचन पुरा भेलै, “हमे ओकरासिसे खिसाके रुपमे बात कर्बै, संसारके सृष्टिसे नुक्याके राख्ल बात हमे बतैबै।”

मत्ती 25:34

तब हमे, राजा आपन दहिना बगलवाला आदमीसिके कहबै, ‘हमर पितासे आशीर्वाद पैल आदमीसब! या! संसारके सृष्टिसे तोरसिके लिए तैय्यार कैल राज्यके भागीदार बन।

मत्ती 28:19

सेल्याके तुहेंसब जो, आर जात-जातके आदमीसिके हमर चेला बना। ओकरासिके एकटा चिन्हके रुपमे बप्तिस्मा दहैं कि ऊसब परमेश्वर आर हमे, परमेश्वरके बेटा आर पवित्र आत्माके अनुसरण करैछै।

लूका 24:47

ख्रीष्टके नाममे पाप करैले छोडिके परमेश्वरके तरफ मन लगैनेसे पापके माफी मिलैछै कहिके यरूशलेम सहरसे ल्याके सारा संसारमे जात-जातके आदमीसिके प्रचार कैल जाना चाही।

यूहन्ना 10:30

परमेश्वर पिता आर हमे एक छियै।”

यूहन्ना 5:17

मगर येशू ओकरासिके एरं जबाब देल्कै, “हमर परमेश्वर पिता सभे दिन काम करैछै आर हमरा भी काम करे पड्तै।”

यूहन्ना 5:19

येशू ओकरासिके कहैल्कै, “हमे तोरासिके सच कहैछियौ, हमे, बेटा आपन तरफसे कुछु नैकरे सकैछियै। मगर हमर परमेश्वर पिताके जे कैल हमे देखैछियै, हमे खाली उहे करैछियै। कहिनेकी परमेश्वर पिता जे करैछै, हमे, बेटा उहे करैछियै।

चुन्ल आर भेज्ल चेलासब 15:18

यी उहे प्रभुके वाणी छै, जे पुरना जमानासे यी बात जानकारी करैल्कै छे।

रोमी 11:25

हे विश्वासी भ्या-बहिनसब, हमे चाहैछियै कि तुहेंसब इस्राएलके आदमीसिके बारेमे यी भेदके जान ताकी तुहेंसब अपने आपके बारेमे घमण्ड महसुस नैकरिहैं। इस्राएलीसिमेसे कुछु कठोर दिलके छै, मगर खाली यी तबतक रहतै जबतक कि गैर-यहूदी आदमीसिके पुरा संख्या ख्रीष्टके लगत आबैछै।

१ कोरन्थी 2:7

मगर जे ज्ञानके हमेसब बात करैछियै, ऊ ज्ञान परमेश्वरके ज्ञान छै जे गुप्त रहै। एखनतक कोय भी आदमी एकरा नै जान्ते रहै। सृष्टिसे पहेला ही परमेश्वर आपन ज्ञानसे फैसला करि लेल्कै रहे कि ऊ अपनासिके आपन महिमा देतै।

एफिसी 1:4

यानिकी परमेश्वर संसार बनाबैसे पहेला ही अपनासिके ख्रीष्टके कारण आपन प्रजा हुऐके लिए चुनल्कै। ताकी अपनासब ओकर समनामे पवित्र आर दोषरहित हुए सकियै।

एफिसी 3:2

तुहेंसब जरुर ही सुन्लहैं छे कि परमेश्वर हमरा खुश-खबरीके प्रचार करैके जिम्मेदारी ओकर अनुग्रहसे देल्कै छे।

एफिसी 6:19

आर हमर लिए भी प्रार्थना करिके परमेश्वरसे कहिहैं कि ऊ हमरा बोलैके लिए सही शब्द दै ताकी हमे हिम्मतसे खुश-खबरीके विषयमे, जे सभे आदमीसिके लिए छै, ओकर रहस्यके प्रचार करे सकियै।

कलस्सी 1:23

ख्रीष्टमे तोर विश्वास अटल जगमे बनैल घरके जुगुर मजगुत बना। आर तोरसिके सुन्ल खुश-खबरीके आशासे पाछु नैहट्। इहे खुश-खबरीके बारेमे आकाशके निच्चामे भेल सभैके प्रचार कैल गेलै आर हमे, पावल, इहे खुश-खबरी सुनाबेवाला सेवक भेलियै छे।

कलस्सी 1:26

यानिकी इहे रहस्यके प्रचार, जे युग-युगसे आर पिढीदर-पिढीसे गुप्त रहै, मगर आब परमेश्वरके आदमीसिके प्रकट कैल गेलै छे।

कलस्सी 3:3

कहिनेकी तुहेंसब आपन पापी स्वभावके लिए मर्ल छैं आर तुहेंसब परमेश्वरके उपस्थितिमे ख्रीष्टके संगे एक भेल छैं। आदमीसब तोरसिके यी नया जीवनके नैबुझैछै।

कलस्सी 4:3

आर एकर साथे-साथ हमरसिके लिए भी प्रार्थना कर कि परमेश्वर हमरासिके ख्रीष्टके सन्देश सुनाबैके लिए एकटा मौका दै कि हमे ख्रीष्टके उटा रहस्यके वर्णन करे सकियै जकर खातिर हमे एखन जेलमे पडल छियै।

२ थेसलोनिकी 2:13

हे विश्वासी भ्या-बहिनसब, एत्ते तोरसिके लिए परमेश्वरके समनामे हमरसिके सभे दिन धन्यवाद देना सही छै। तुहेंसब प्रभुके प्यारा छैं, कहिनेकी परमेश्वर संसारके सृष्टिके शुरुसे ही पवित्र आत्माद्वारा तोरासिके पापसे अलग करिके आर येशू ख्रीष्टके बारेमे सच्चा सन्देशमे विश्वास करैके कारण उद्धारके लिए चुनी लेल्कौ छे।

१ तिमोथी 3:16

बिना कोनो शंकाके, हमेसब कहे सकैछियै कि परमेश्वरद्वारा प्रकट कैल शिक्षासब पुरा रुपसे सच्चा छै, यानिकी येशू ख्रीष्ट आदमीके रुपमे ऐलै, ऊ पवित्र आत्माद्वारा परमेश्वरके बेटा साबित भेलै, स्वर्गदूतसब ओकरा देखल्कै, ऊ स्वर्गके महिमामे लजैल गेलै, आदमीसब ओकर बारेमे जात-जातके आदमीसिमे प्रचार कैल्कै, आर संसारके बहुते आदमीसब ओकरापर विश्वास कैल्कै।

२ तिमोथी 1:9

ऊ अपनासिके बचैल्कै आर अपनासिके एकटा पवित्र जीवन जियैके लिए बोलैल्कै छे, आर अपनासब बढियाँ काम करैके कारणसे ऊ अपनासिके नैचुनल्कै छे, मगर ओकर आपन योजना आर अनुग्रहके आधारमे छै। यी संसारके सृष्टि हुऐसे पहेला ही परमेश्वर येशू ख्रीष्टके आपनसिके लिए मरैके लिए भेजिके आपन अनुग्रह अपनासिपर देखाबैके योजना बन्या लेल्कै रहे।

२ तिमोथी 4:17

मगर प्रभु हमरसंगे खडा भेलै आर ऊ हमरा शक्ति देल्कै, आर हमे येशू ख्रीष्टके बारेमे साफसे खुश-खबरी प्रचार कैलियै ताकी अदालतमे भेल सभे गैर-यहूदी आदमीसब सुने सकै, आर भुख्ल शेरसे बचैल जुगुर परमेश्वर हमरा मौतसे बचैल्कै।

तीतस 1:2

नतिजा स्वरुप, ऊसब परमेश्वरसंगे कहियो खतम नैहुएवाला जीवन जियैके आशा करैछै कहिनेकी कहियो झुठ नैबोलेवाला परमेश्वर यी संसारके सृष्टि करैसे पहेला ही यी प्रतिज्ञा कैल्कै कि ओकर आदमीसब सभे दिन जितै।

१ पत्रुस 1:20

यी संसारके सृष्टि कैल जैसे पहेला, परमेश्वर समयसे पहेला यी निर्धारित करि लेल्कै रहे कि येशू ख्रीष्ट उद्धारकर्ता हैतै। मगर ऊ तोरासिके सहायता करैके लिए यी अन्तिम दिनसिमे यी संसारमे प्रकट भेलै छे।

प्रकाश 13:8

आर यी धर्तीमे रहेवाला सभे आदमीसब ओकर पूजा करे लाग्लै। खाली उहे आदमीसब ओकर पूजा नैकैल्कै जकर नाम संसारके सृष्टि कैल जैसे पहेलासे ही जीवनके किताबमे लिख्ल गेलै रहे। यी जीवनके किताब ऊ बलि-भेंडाके किताब छै जकरा बलिदानके रुपमे मारि देल गेलै रहे।

प्रकाश 14:6

तब हमे एकटा दोसर स्वर्गदूतके उप्पर आकाशमे उड्ते देख्लियै। ऊ स्वर्गदूतके संगे उटा खुश-खबरी रहै जे कहियो नैबदलैछै, ऊ यी संसारमे रहेवाला जात-जातके आदमीसब, हरेक कुलसब, हरेक किसिमके भाषासिमे एकरा सुनैल्कै।

प्रकाश 17:8

ऊ जंगली जानवर जकरा तुहें एखन देख्लहैं, एक समय जिन्दा रहै मगर आब जिन्दा नैछै। ऊ अथाहा कुण्डसे बाहार आबेवाला छै आर परमेश्वर ओकरा पुरा तरहसे नाश करि देतै। धर्तीमे रहेवाला आदमीसब जकरसिके नाम परमेश्वर संसारके सृष्टि करैसे पहेला उटा किताबमे नैलिखल्कै छे जकरामे कहियो खतम नैहुएवाला जीवन पाबेवाला आदमीसिके नाम लिख्ल छै, ऊसब सभेको आश्चर्यचकित भ्याजैतै जब यी जंगली जानवरके देख्तै। एक समय ऊ जिन्दा रहै, आब ऊ जिन्दा नैछै, मगर ऊ फेर वापस ऐतै।

प्रकाश 4:11

“हे हमरसिके प्रभु परमेश्वर, तुहें सभे चीजसिके सृष्टि कैलह छे। तोरे इच्छाके मुताबिक उटा सभे चीज बनैल गेलै छे आर उटा सभे अस्तित्वमे छै। इहे कारणसे तुहें महिमा, आदर आर शक्ति ग्रहण करैके योग्य छह।”