एफिसी 3:5 - केवट नया कारार

⁵ बित्ल समयमे, परमेश्वर आदमीसिके यी रहस्य प्रकट नैकैल्कै। मगर आब ऊ पवित्र आत्माके माध्यमसे आपन पवित्र चुन्ल आर भेज्ल चेलासिके आर आपन वक्तासिके यी बातके खुलासा कैल्कै छे।

एफिसी 3:5 Iomraidhean Croise

मत्ती 13:17

सच्चे हमे तोरासिके कहैछियौ, तुहेंसब जे देख्लहैं आर सुन्लहैं छे, से देखैले बहुते परमेश्वरके वक्ता आर धार्मिक आदमीसब देखैले बडका इच्छा कैल्कै रहे, मगर ऊसब देखैले भी नैपैल्कै, आर सुनैले भी नैपैल्कै।”

मत्ती 20:7

ऊसब जमिनदारके कहैल्कै, ‘कोय हमरासिके काममे नैलगैल्कै छे।’ जमिनदार ओकरासिके कहैल्कै, ‘तहुँसब अंगुरके बगानमे जो आर काम कर।’

मत्ती 23:34

सेल्याके हमे तोरसिकेलगत परमेश्वरके वक्तासब, बुद्धिमान आदमीसब आर यहूदी धरमशास्त्रके पण्डितसिके पठैबौ। ओकरासिमे कतनें झनके तुहेंसब जान मार्भैं आर कतनें झनके क्रूसमे काँटी ठोकिके जान मार्भैं, आर कतनें झनके आपन यहूदी आदमीसिके सभाघरसिमे कोडा लगैभैं आर सहर सहरसिमे खेदाडभैं।

लूका 10:24

कहिनेकी हमे तोरासिके कहैछियौ, तुहेंसब जे देख्लहैं आर सुन्लहैं छे, से देखैले बहुते परमेश्वरके वक्ता आर राजासब देखैले बडका इच्छा कैल्कै रहे, मगर ऊसब देखैले भी नैपैल्कै, आर सुनैले भी नैपैल्कै।”

लूका 11:49

सेल्याके परमेश्वरके बुद्धि कहैछै, “हमे तोरसिकेलगत परमेश्वरके वक्तासब आर सन्देशवाहकसब भेज्बौ, मगर ऊसब ओकरासिमेसे ककरो जान मार्तै आर कक्रहौ सतैतै।

यूहन्ना 14:26

मगर सहायक, यानिकी पवित्र आत्मा, जकरा परमेश्वर पिता हमर जगह लियैके लिए भेज्तै, ऊ तोरासिके सभे बात सिखैतौ, आर जे कुछु हमे तोरासिके कहैलियौ छे, उटा सभे बात तोरासिके याद दिलैतौ।

यूहन्ना 16:13

मगर जब सच्चाईके प्रकट करेवाला पवित्र आत्मा ऐतौ, तब ऊ तोरासिके परमेश्वरके बारेमे जे भी सच छै बुझाबैके कारण बन्तौ। ऊ आपन अधिकारसे नैबोल्तौ। ऊ परमेश्वरके तरफसे जे सुन्तै, उहे बोल्तै, आर भविष्यमे हुएवाला बात तोरासिके बतैतौ।

चुन्ल आर भेज्ल चेलासब 10:28

तब पत्रुस ओकरासिके कहैल्कै, “तुहेंसब जानैछ, कि गैर-यहूदी आदमीसिके संगत करना या ओकरसिसे भेटघाट करना हमे, यहूदी आदमीसिके लिए हमरसिके नियमके विरुद्ध छै, मगर परमेश्वर हमरा बतैल्कै छे कि कोनो आदमीके अपवित्र या अशुद्ध नैकहिहैं।

रोमी 16:25

आब ओकरा, जे हमर प्रचार कैल खुश-खबरीके मुताबिक तोरासिके विश्वासमे मजगुत बनाबे सकैछौ, यानिकी येशू ख्रीष्टके विषयके प्रचारके मुताबिक, उटा रहस्यके प्रकाश बमोजिम, जे युग-युगसे गुप्तमे रहै,

१ कोरन्थी 2:10

मगर परमेश्वर यी बातसिके अपनासिके पवित्र आत्माके द्वारा प्रकट कैल्कै छे। कहिनेकी पवित्र आत्मासे कुछु भी नुकैल नैछै, ऊ सभे बातके जाँच करैछै, एत्तेतक कि परमेश्वरके मकसदके भी जे एखनतक आदमीसिके मालुम नैछै।

एफिसी 2:20

चुन्ल आर भेज्ल चेलासब आर परमेश्वरके वक्तासिके जगमे तुहेंसब एकटा इमारतके जुगुर छैं आर जकर सबसे महत्वपूर्ण पत्थल येशू ख्रीष्ट छै।

एफिसी 3:9

आर सभे आदमीके यी नुकैल योजनाके बारेमे सम्झाबैके लिए सभे चीजके सृष्टि करेवाला परमेश्वर यी बात शुरुसे ही नुक्याके राखल्कै छे।

२ पत्रुस 3:2

हमे एरं इहे ल्याके करैछियौ कहिनेकी हमे चाहैछियै कि तुहेंसब उटा वचनसिके याद राख, जे परमेश्वरके वक्तासब बहुते पहेला कहैल्कै रहे आर आपनसिके उद्धारकर्ता, प्रभु येशू ख्रीष्टके शिक्षासिके याद राख जे तोरासिके चुन्ल आर भेज्ल चेलासब देल्कौ जे तोरसिकेलगत ऐलौ रहे।

यहूदा 1:17

मगर हे प्रिय विश्वासी भ्या-बहिनसब, तुहेंसब उटा बातसिके याद कर जे आपनसिके प्रभु येशू ख्रीष्टके चुन्ल आर भेज्ल चेलासब बहुते पहेला बत्या चुकल्कौ छे।